جراتان جلبانة

[ivaoran]

السلام عليكم

حقيقة دائما ادخل هذا القسم
لاستفاد من طبخات و وصفات اخواتي
لكن اول مرة اكتب موضوعا هاهنا
و ارجو ان يعجبكم الطبق الذي سأقدمه اليوم
انا احبه و اطبخه كلما سمحت لي الفرصة

جراتان جلبانة

المقادير: عينك هي ميزانك

قطع دجاج ترمي او تنصبي مرقة تبدي تقلي في قطع البصل مع الزيت و الملح و اللحم
و الحرور و الطماطم المصبرة و زيدي شوية ماء باش الطماطم المصبرة ما تنحرقلكش

كي تتقلى مليح زيدي الجلبان الكي تكوني غسلتيه و قطرتيه أكيد

خلطي و كي يدخل القليان للجلبانة زيدي الماء و خليها تطيب
في هاذاك الوقت قلي كمية من البطاطا
و زيتي الطابق اللي غادي تدخليه في الكوشة
و فرشي فيه البطاطا المقلية و خليه بجيه

الان جا وقت تقلي الكفتة او اللحم المرحي
قطعي سنينات ثوم و قليهم في الزيت
و زيدي الكفتة في المقلة و حاولي تفصلي الكفتة و ماتخليهاش تتماسك
و زيدي الملح و الطامطم المصبرة و شوية ماء

الان طلي على القدر تاعك اللي فيه اللحم و الجلبانة و شوفي اذا اللحم طاب
و ملاحظة اخرى لازم المرقة تكون عاقدة شوية و قليلة لانه ماشي مرق عادي
و انما راح تعاودي تزيديه طياب في الكوشة

الان تجيبي الطبق اللي فيه بطاطا مقلية فرشي
فوقه الجلبانة و زيدي عليه الكفتة اللي طيبتيها
و حطي قطع اللحم من فوق و دخليها في الكوشة تريد
تشرب الطياب كيما نقولو

و من بعد خرجيها من الكوشة و كولي هنيئا








يمكن انك تفقسي فوق الطبق بيض و تدخليه في الكوشة يطيب
les oeusf pochés
ارجو ان يعجبكم الطبق