الحاجة الاولى اللي لازم تتوفر في اي واحد حاب ينجح و يتفوق في الباكالوريا هي قوة الارادة و العزيمة
ولازم واحد ما يقول راني عييت ولا خلاص راح عليا الحال والوقت ما يكفينيش . بالنسبة الي راهم يقولو هكذا انا نقولهم بلي مازال الحال و و الوقت و الوقت الي بقى راهو يكفي تكملو فيه البروقرام كامل بصح الواحد كي يفوت و يبدا لازم ما يشوفش خلاص وراه
وديرو في بالكم بلي هذا عام و يفوت (ماشي عام 5شهر و هي الي راح تحددلك مستقبلك) و التعب الي راح تتعبوه في عام تعوضوه براحة تقدرو تعوضوه بنهار واحد راحة (راني جربت الرقاد في عام الباك شحال بنين) هذاك راهو الشيطان انعلوه ونوظو شمرو على ذرعيكم ذرعيكم وكل واحد يدير الشي الي قدر عليه و الطاقة تاعو يودرها في لقراية ماشي في الحوايج الي ما يفيدوش خطراكش بعد الباك توليو ت توليو تندمو على اي لحظة كنتو قادرين تقراو فيها و ما قريتوش امالا ماتضيعوش الوقت و اقراو من ظرك باه ما تقولوش من بعد ((يا ليت ديسمبر يعود يوما فاخبره بما ديسمبر يعود يوما فاخبره بما فعل ماي)) وما تخافوش لقراية راهي ما تقتلش وزيد حنا كلشي واجد ماشي راه نختارعو ولا نجيبو علاقات نظريات و علاقات من عندنا
المهم اقراو للباك حتى يولي يبالكم غول باه كي تروحو تعقبو يجيكم تافه (ماتخافوش والله غير الباك ساهل )
و نوصيكم واحد ما يحقر روحو اقراو ديما على معدلات كبيرة با ش توصلولها خطراكش كي تحط في بالك معدل صغير راح تقرى غير غير شوية بصح كي تحط معدل كبير راح تمد للباك حقو و ان شاء الله كامل تجيبو معدلات كبيرة
ضرك الناس كامل تجيب الباك و اللي يسقسيك يقولك قداه ديت ماشي ديت ولا ماديتش
كي يعود المعدل مذرح الاختيارات 10 تعيا باش تعمرهم
وت وكلو على ربي قبل كلش و حافظو عاى الصلوات و ادعيوه باش يوفقكم ان شاء الله
و هذي العطلة افضل فرصة باه تقراو ما تضيعوهاش في حوايج اخرى
بالنسبة للبرنامج كل واحد واش يخرج عليه كين الي يحب يسهر و كاين اللي ينوظ بكري المهم لازم تكونو منطقيين في البرنامج
تاعكم واحد ماشي يحط برنامج يقرى ساعة و يروبوزي زوج سوايع وماشي يلعبها راح يقرى كلش على مرة المهم الانتظام و
المواظبة ابدا ببرنامج خفيف وامشيو و زيرو بالشوية مثلا ابداوها بالرقاد6سوايع في اليوم (ترقدو على 10 وتنوظو على 4)
ولازم تقيسو المواد كامل 'مادة علمية +مادة ادبية +مادة حفاظة'
مثلا يوم رياضيات+فلسفة+شرعيات
يوم علوم +ادب+تاريخ......كل واحد واش يساعدو و كل مادة اعطيها حقها (كعلميين ماشي راح تقرى 3سوايع رياضيات و3 فلسفة)
في الوقت الي تعودو تقراو فيه لازم تكون عندكم فترات راحة مثلا كل 2سوايع تريحو 5ولا10دقايق سورتو كي تحسو رواحكم
ديقوتيتو ولا عياكم تمرين روحو اضربو دورة ولا اشربو حاجة ولا بدلو المادة باه ما تقلقوش بصح لازم ديما توليو للمادة الي خليتوها
خاصة اذا كان تمرين ماقدرتوش تحلوه من المرة اللولة لازم تحاولو معاه حتى تحلوه خطراكش مهما وش كان صعيب راهو عندو حل
الرياضيات و الفيزياء(الدرس هو المهم ونوعو في التمارين و من كل تمرين لازم تهزو منو عفسة يعني كي تحلو تمارين متشابهة
كلي راكم تضيعو في الوقت وما تنساوش العلاقات لازم يتحفظو عن طريق الممارسة)
العلوم (فيها شوية حفاظة ونوصيكم على الرسومات و اتعلمو الاجابة المنهجية)
الفلسفة (الحاجة الاولى لازم تفهمو الدروس ولازم تعرفو خطوات كتابة مقالة تاع الانواع كامل واحفظو مقولات تاع فلاسفة باه ادعمو
بيها المقالة تاعكم وهزو مقالات نموذجية اتعلمو منها الطريقة تاع كتابة مقال واذا حبيتو تحفظوهم )
و المواد لخرين باينين
المهم احسبو حسابكم باه تفورصيو رواحكم هذا المدة الي بقات بصح كي يلحق الباك بواحد15ولا10ايام توليو تروبوزيو
ولازم كي تقراو حاجة ما تفوتوهاش يعني ساعة على ساعة تراجعوها مثلا ديرو نهار من الويكاند تراجعو فيه واش قريتو في
السمانة
انشاء الله نكون فدتكم ولو بالقليل وربي ينجحكم كااااااااااااااااااااااااااااااااااامل
وادعيولي ربي يوصلني لواش راني نامل ليا وليكم وبربي نكون من المتفوقين في باكالوريا2012
( تقرير عن مشاركة سيئة )، و الموجودة أسفل كل مشاركة .
2011-12-10, 15:02
العرض العادي
