معضلـــة جــــــل الشبــــــــــــــــــاب

[النجمة القطبية]

المشاركة الأصلية كتبت بواسطة piro

انا بكل صراحة ضد كل شخص يشترط ما يسمى الهناء لانه لا هناء بعد الزواج ثانيا كيف نضمن انه سيفي بالشرط بعد الزواج لذلك المال افضل فعلى الاقل استفيد منه

يا اختى الهناء بيد الله والزوج لا يملك مصباح على بابا
ولكنى استغرب كيف ستتهنين بالمال ان كنتى تعتقدين انكى ستتعبين بعد الزواج اصلا

[نسائم الهدى]

نقوللكم حاجة وما تضحكوش عليا ؟
أنا نهار قريت هنا في المنتدى على المهر بأنه يشترط من قبل أهل العروس انخلعت
ونهار قريت شحال يشروا الذهب صُدمت
لأنه عندنا لا يشترط الذهب أو المهر
فلقد تزوجت خالاتي وعماتي وبنات أعمامي وبنات خالي وبنات عماتي وأعمامي وإخوتي ولم أسمع بأن أحدا منهم اشترط أو اشتُرط عليه قيمة المهر
فنحن عندنا كل واحد يعطي مهر على قيسوا وكل واحد يأخذ مهر على قيسوا
على بالي بلي في العقد الشرعي(الفاتحة) يقولوا قيمة المهر
مي حنا يقولوا مبلغ رمزي كـ 5 أو 10 ملاين ومن بعد كل واحد يزيد على قوسطوه وإدا حب ما يزيدش نورمال المهم الهنا ويكون راجل ويخاف ربي وخلاص
وزيد حنا عندنا المهر هو الذهب والملابس وفقط ما يعطوش عندنا قيمة مالية كمهر مثلما تفعلون أنتم
وإدا اعطى الخاطب قيمة مالية يكون فيها كل شي الذهب+الملابس(يعني تشريهم العروس)ولكن لا يحضر لها لا ذهب ولا ملابس
لذا أنا مازال ما فهمتش عاداتكم كيف هي ولماذا هي هكذا
واش نقوللكم
الله يكون في عونكم جدااااااااااا جدااااااااااااا جداااااااااااا
وسلاااااااااااااااااااااااااااااااااام

[النجمة القطبية]

المشاركة الأصلية كتبت بواسطة أخت الرجال

نقوللكم حاجة وما تضحكوش عليا ؟
أنا نهار قريت هنا في المنتدى على المهر بأنه يشترط من قبل أهل العروس انخلعت
ونهار قريت شحال يشروا الذهب صُدمت
لأنه عندنا لا يشترط الذهب أو المهر
فلقد تزوجت خالاتي وعماتي وبنات أعمامي وبنات خالي وبنات عماتي وأعمامي وإخوتي ولم أسمع بأن أحدا منهم اشترط أو اشتُرط عليه قيمة المهر
فنحن عندنا كل واحد يعطي مهر على قيسوا وكل واحد يأخذ مهر على قيسوا
على بالي بلي في العقد الشرعي(الفاتحة) يقولوا قيمة المهر
مي حنا يقولوا مبلغ رمزي كـ 5 أو 10 ملاين ومن بعد كل واحد يزيد على قوسطوه وإدا حب ما يزيدش نورمال المهم الهنا ويكون راجل ويخاف ربي وخلاص
وزيد حنا عندنا المهر هو الذهب والملابس وفقط ما يعطوش عندنا قيمة مالية كمهر مثلما تفعلون أنتم
وإدا اعطى الخاطب قيمة مالية يكون فيها كل شي الذهب+الملابس(يعني تشريهم العروس)ولكن لا يحضر لها لا ذهب ولا ملابس
لذا أنا مازال ما فهمتش عاداتكم كيف هي ولماذا هي هكذا
واش نقوللكم
الله يكون في عونكم جدااااااااااا جدااااااااااااا جداااااااااااا
وسلاااااااااااااااااااااااااااااااااام

اعتقد انكى قبالية كما سمعت وان كنتى كذلك فماشاء الله القبايليات ميشرطوش ابدااا وكل شئ ميسر رغم انه معروف انهم من الجميلات
اما العربيات وبعض المناطق الشرط موجود فاعرف من تشترط حتى الجبة القسنطينية مثلا ومهر مغين وذهب ووو
لكن عامة انا تانى فى عائلتى ميشرطوش للبنات وحتى كى زوجنا خوالى الحمد لله مشرطوش علينا لكن غالبا دفعو المهر عشر ملايين مع باريير كاملة وهناك من اضاف ملابس ووو وهناك من انقص كل واحد واش يقدر
وبصراحة عيب الطفلة تشرط او تبالغ فى الشرط
وربى يعلم

[عبد النور 1980]

السلام عليكم و رحمة الله و بركاته
كنت مارا لكن الموضوع اضطرني للكتابة ، صح المهر أصبح هاجس عند المتقدمين للزواج اذا استثنينا الأغنياء فهناك أمور يفرضها العرف المحلي فرضا فتقوم عائلة الزوجة باشتراط مهر معين، فحسب العرف السائد في منطقتنا بالنسبة للمال بين قد يصل الى 15 مليون و الذهب سلسلة زائد مناقيش زائد سوار و خاتم هنا ذكرت أقصى الشروط و حسب كل عائلة لكن يقوم الرجال يوم الخطبة بالتوافق و اسقاط بعض الأشياء من مال و ذهب فيمكن أن يصل الى 4 ملايين و سلسلة و خاتم و أحيانا 10 ملايين فيها كل شيئ
و الكلمة النهائية تكون لأهل الزوجة ذلك متى خففوا و تنازلوا أمام الجماعة التي حضرت الخطبة و من ثمة تصبح الكلمة نهائية و يتوافق الجمع على ذلك زيادة على هذا هناك ما يسمى عندنا الحنة و هو بعض الحاجيات لتحضير الحنة ( في مناطق أخرى لا أدري ماذا تسمى )و هي تأتي بعد العقد الشرعي و قبل العرس يقدمها أهل العريس و تتمثل في شاة +كل التوابل و الكسكس و مصاريف تحضير هذه الحفلة و اذا نسيت حاجة أعذروني فأنا رجل لا أفقه كثيرا في هذه الأمور
المهم من كل هذا وذاك كلما كان المهر ميسر كانت هناك بركة أكثر و الله يوفق الجميع و ييسر لهم أمر الزواج
ســــــــــــــــــــــــــــــــــــــلام

[امينة تيارت]

فعلا كرهتونا في الزواج.... نريد زواج بسيط بمهر متوسط خالي من التفاهات في كل ارجاء الوطن ....فالزواج تحول اليوم من سكن روحي تؤسس من خلاله اسرة و اولاد على سنة الله و الحبيب المصطفى الى مشروع اقتصادي للربح المادي من المفروض المهر قيمة رمزية تتماشى مع احوال الاسرتين و بالدرجة الاولى العريس كلما يسرناها يسر الله بركة الزواج وليس صفقة اقتصادية بمعنى الاسر اليوم تبدا الزواج بالحيلة و التباهي و الرياء و الطمع .... نعم نقر بغلاء الاسعار الخاصة بجهاز العروسة لكن كل وحدة تدي على حسابها ..معظم البنات حاليا ماهيش تهتم بواش يحدث من بعد الزواج بينها و بين راجلها اي التعامل كيما تهتم بواش يقولو الناس على حوايجها و عرسها هاذي تونسية و زيد هندية و خليجية مع اني ما نفرقش بيناتهم و ......الذهب تحسب فيترينا حتى تثقل و.......العجب العجاب .....علاش هاذ الشي كامل ما قولناش ماتتصدرش لكن بالمعقول عرض الازياء....كاين بنات نعرفهم تزوجو و خلاو الدين لوالديهم والله حالة نعرفها عامين من بعد الزواج وهي ترد في الدين .... وواحدة كانت تعمل معانا عرسها تيارت هدرت بيه المهر 30 مليون و العرس في اجمل فندق .الطبخ الحلويات ناس بقات حايرة فيهم و في حوايجها شهرين زواج وبعد الطلاق . التباهي فقط كاين ناس ماتهمهاش سيرة و سمعة الشاب كيما جيبو .......ابتعدنا عن الدين كثيرا و ابتعدنا عن بركة الزواج ...الله يهدينا و يصلح من احوالنا

[abdo02]

المشاركة الأصلية كتبت بواسطة امينة تيارت

فعلا كرهتونا في الزواج.... نريد زواج بسيط بمهر متوسط خالي من التفاهات في كل ارجاء الوطن ....فالزواج تحول اليوم من سكن روحي تؤسس من خلاله اسرة و اولاد على سنة الله و الحبيب المصطفى الى مشروع اقتصادي للربح المادي من المفروض المهر قيمة رمزية تتماشى مع احوال الاسرتين و بالدرجة الاولى العريس كلما يسرناها يسر الله بركة الزواج وليس صفقة اقتصادية بمعنى الاسر اليوم تبدا الزواج بالحيلة و التباهي و الرياء و الطمع .... نعم نقر بغلاء الاسعار الخاصة بجهاز العروسة لكن كل وحدة تدي على حسابها ..معظم البنات حاليا ماهيش تهتم بواش يحدث من بعد الزواج بينها و بين راجلها اي التعامل كيما تهتم بواش يقولو الناس على حوايجها و عرسها هاذي تونسية و زيد هندية و خليجية مع اني ما نفرقش بيناتهم و ......الذهب تحسب فيترينا حتى تثقل و.......العجب العجاب .....علاش هاذ الشي كامل ما قولناش ماتتصدرش لكن بالمعقول عرض الازياء....كاين بنات نعرفهم تزوجو و خلاو الدين لوالديهم والله حالة نعرفها عامين من بعد الزواج وهي ترد في الدين .... وواحدة كانت تعمل معانا عرسها تيارت هدرت بيه المهر 30 مليون و العرس في اجمل فندق .الطبخ الحلويات ناس بقات حايرة فيهم و في حوايجها شهرين زواج وبعد الطلاق . التباهي فقط كاين ناس ماتهمهاش سيرة و سمعة الشاب كيما جيبو .......ابتعدنا عن الدين كثيرا و ابتعدنا عن بركة الزواج ...الله يهدينا و يصلح من احوالنا

المشكل أن كامل بنات المنتدى يهدروا كيا تقولي بصح نهار يجي الصح كامل يتشرطو بما فيهم انتي
لأنك لا انت و لا غيرك من يتحكمون في امر الزواج ..انهم الاهل و الوالدين ....لب المشكل رانا عارفينو ...لكن اين الحل ؟
انه الواقع المر

[shincus]

كم يكلف الزواج بكل لوازمه بالنسبة للرجل في الشرق الجزائري ؟ (الرجاء ذكر المنطقة)

[اسيا 86]

كاين بزااااف بنات فاميليا و مايغلوش فالمهور بصح تلقى الشاب ماشي خدام مايقدرش يخطب حتى اذا خطب وسهلتلو المراة من بعد يهينها ?????????????????

[امينة تيارت]

المشاركة الأصلية كتبت بواسطة abdo02

المشكل أن كامل بنات المنتدى يهدروا كيا تقولي بصح نهار يجي الصح كامل يتشرطو بما فيهم انتي

المشاركة الأصلية كتبت بواسطة abdo02

لأنك لا انت و لا غيرك من يتحكمون في امر الزواج ..انهم الاهل و الوالدين ....لب المشكل رانا عارفينو ...لكن اين الحل ؟
انه الواقع المر

شكرا اخي عبدو على صراحتكانا راني نقول لو كان جا المشكل في بنات المنتدى فقط حاجة مليحة لي برا المنتدى اكثر ملي راهم في المنتدى البنات ...ساجيب عن نفسي الان وليس عن بنات المنتدى. و بصراحة فكل ما كتبته في المشاركة السابقة خاص بي.....انا تربيت في دارنا من والديا و من الصغر الحاجة الوحيدة لي يخلونا فيها حرية الاختيار مع المسؤولية هي الزواج ثاني امر انا والديا تهمهم سمعة الشاب و خدمتو بالدرجة الاولى اذا توفرو الشرطين خلاص هذا بالنسبةلدارنا على سبيل المثال نهار لي خطبو اختي الوالد سقسى اختي اذا راكي قابلة بيه مع انو ماكانش عاجبو في البداية لكن كي قبلت اختي قبل اختيارها بمعنى نصحها لكن كي قالت واه خلاص بمعنى مخلينا حرية الاختيار نزيدلك حاجة شاورها في المهر... قالت 12 مليون و فيها الذهب قاللها الله يسهل عليك... و العكس حدث معي رفضت شاب من وجهة نظره كان يراه مناسب.... و بالنسبة للتشراط حساب ماتتربى لي يتشرط في الزواج و لا بلا زواج هاذ النوع من البنات ما تجي تدير عرسها حتى تمرض روحها .....واحدة كيما انا تشري الكتب و المراجع لخدمتها اكثر من روحها نهار لي تتزوج اذا ماوراوليش و الله واش تدي العروسة نحصل في نص الحوايج خاصني غير نتشرط ياو تتشرط لي تعرف السنا و اش خرج جديد هذي موضة ولا لا ... انا واحدة من الناس نفوت على صائغ و لا مكتبة عرف بلي راني في المكتبة خلاص التعليم كبرنا ومين والفت غير الخدمة راني قريب عام اليوم نشري سلسلة غدوا ياو ماشريتهاش ....انا الحاجة الوحيدة لي ناكد علها ونزيد في الشرط واحد الفاليزا تاع مذكرات و كتب هاذي لي مانتنازلش عليها ....و الاوراق تاع الذراري ....و بالاك نبدلهم للبنات عادات الجهاز ندوروها ميكرو دي سيدي و ناكد على الانترنيت... و الواقع المر ماهوش غير عليكم حتى خويا الكبير ثاني راه يعاني منو راه يقولنا واقيلا نشري سيارة خير من مرا....خلاص كره من الزواج ..الله يهدينا هذا هو الحل

[abdo02]

المشاركة الأصلية كتبت بواسطة امينة تيارت

[right]

شكرا اخي عبدو على صراحتكانا راني نقول لو كان جا المشكل في بنات المنتدى فقط حاجة مليحة لي برا المنتدى اكثر ملي راهم في المنتدى البنات ...ساجيب عن نفسي الان وليس عن بنات المنتدى. و بصراحة فكل ما كتبته في المشاركة السابقة خاص بي.....انا تربيت في دارنا من والديا و من الصغر الحاجة الوحيدة لي يخلونا فيها حرية الاختيار مع المسؤولية هي الزواج ثاني امر انا والديا تهمهم سمعة الشاب و خدمتو بالدرجة الاولى اذا توفرو الشرطين خلاص هذا بالنسبةلدارنا على سبيل المثال نهار لي خطبو اختي الوالد سقسى اختي اذا راكي قابلة بيه مع انو ماكانش عاجبو في البداية لكن كي قبلت اختي قبل اختيارها بمعنى نصحها لكن كي قالت واه خلاص بمعنى مخلينا حرية الاختيار نزيدلك حاجة شاورها في المهر... قالت 12 مليون و فيها الذهب قاللها الله يسهل عليك... و العكس حدث معي رفضت شاب من وجهة نظره كان يراه مناسب.... و بالنسبة للتشراط حساب ماتتربى لي يتشرط في الزواج و لا بلا زواج هاذ النوع من البنات ما تجي تدير عرسها حتى تمرض روحها .....واحدة كيما انا تشري الكتب و المراجع لخدمتها اكثر من روحها نهار لي تتزوج اذا ماوراوليش و الله واش تدي العروسة نحصل في نص الحوايج خاصني غير نتشرط ياو تتشرط لي تعرف السنا و اش خرج جديد هذي موضة ولا لا ... انا واحدة من الناس نفوت على صائغ و لا مكتبة عرف بلي راني في المكتبة خلاص التعليم كبرنا ومين والفت غير الخدمة راني قريب عام اليوم نشري سلسلة غدوا ياو ماشريتهاش ....انا الحاجة الوحيدة لي ناكد علها ونزيد في الشرط واحد الفاليزا تاع مذكرات و كتب هاذي لي مانتنازلش عليها ....و الاوراق تاع الذراري ....و بالاك نبدلهم للبنات عادات الجهاز ندوروها ميكرو دي سيدي و ناكد على الانترنيت... و الواقع المر ماهوش غير عليكم حتى خويا الكبير ثاني راه يعاني منو راه يقولنا واقيلا نشري سيارة خير من مرا....خلاص كره من الزواج ..الله يهدينا هذا هو الحل

- سلام امينة ..ارجو انلا اكون اغضبتك بردي السابق .:d:d لكن رانا نحكو في واقع معاش ....من جهة الرجال ماقدروا يتزوجو بسبب الظروف الاقتصادية و الاجتماعية زيدلها غلاء المهور ...و من جهة اخرى البنات يشتكيو من قلة الخطاب
و اذا جا واحد يشرطو عليه بزاف ...اعترف بان تجهيز البنت مكلف في ايامنا هذه ..لكن على الاقل عليها ان تتنازل عن بعض الامور و تخليها لما بعد العرس ...الناس راهي تهمهم وش قالوا عليهم الجيران وش دات وش خلات ...لكن من المفروض
البنت تحوس على الهنا ..مش مبعد العرس بايامات تخلي راجلها مليان دين ..و هي ربما كذلك.
- اذا كان تختك ماهيش خدامة و اشترطت 12 مليون ..انتي باينة تشرطي 30 مليون( خاصة ان الشيخات راهم مطلوبات بزاف ):d

[نسائم الهدى]

المشاركة الأصلية كتبت بواسطة abdo02

المشكل أن كامل بنات المنتدى يهدروا كيا تقولي بصح نهار يجي الصح كامل يتشرطو بما فيهم انتي
لأنك لا انت و لا غيرك من يتحكمون في امر الزواج ..انهم الاهل و الوالدين ....لب المشكل رانا عارفينو ...لكن اين الحل ؟
انه الواقع المر

المشاركة الأصلية كتبت بواسطة امينة تيارت

[RIGHT]

شكرا اخي عبدو على صراحتكانا راني نقول لو كان جا المشكل في بنات المنتدى فقط حاجة مليحة لي برا المنتدى اكثر ملي راهم في المنتدى البنات ...ساجيب عن نفسي الان وليس عن بنات المنتدى. و بصراحة فكل ما كتبته في المشاركة السابقة خاص بي.....انا تربيت في دارنا من والديا و من الصغر الحاجة الوحيدة لي يخلونا فيها حرية الاختيار مع المسؤولية هي الزواج ثاني امر انا والديا تهمهم سمعة الشاب و خدمتو بالدرجة الاولى اذا توفرو الشرطين خلاص هذا بالنسبةلدارنا على سبيل المثال نهار لي خطبو اختي الوالد سقسى اختي اذا راكي قابلة بيه مع انو ماكانش عاجبو في البداية لكن كي قبلت اختي قبل اختيارها بمعنى نصحها لكن كي قالت واه خلاص بمعنى مخلينا حرية الاختيار نزيدلك حاجة شاورها في المهر... قالت 12 مليون و فيها الذهب قاللها الله يسهل عليك... و العكس حدث معي رفضت شاب من وجهة نظره كان يراه مناسب.... و بالنسبة للتشراط حساب ماتتربى لي يتشرط في الزواج و لا بلا زواج هاذ النوع من البنات ما تجي تدير عرسها حتى تمرض روحها .....واحدة كيما انا تشري الكتب و المراجع لخدمتها اكثر من روحها نهار لي تتزوج اذا ماوراوليش و الله واش تدي العروسة نحصل في نص الحوايج خاصني غير نتشرط ياو تتشرط لي تعرف السنا و اش خرج جديد هذي موضة ولا لا ... انا واحدة من الناس نفوت على صائغ و لا مكتبة عرف بلي راني في المكتبة خلاص التعليم كبرنا ومين والفت غير الخدمة راني قريب عام اليوم نشري سلسلة غدوا ياو ماشريتهاش ....انا الحاجة الوحيدة لي ناكد علها ونزيد في الشرط واحد الفاليزا تاع مذكرات و كتب هاذي لي مانتنازلش عليها ....و الاوراق تاع الذراري ....و بالاك نبدلهم للبنات عادات الجهاز ندوروها ميكرو دي سيدي و ناكد على الانترنيت... و الواقع المر ماهوش غير عليكم حتى خويا الكبير ثاني راه يعاني منو راه يقولنا واقيلا نشري سيارة خير من مرا....خلاص كره من الزواج ..الله يهدينا هذا هو الحل

والله يا خاوتي واش نقوللكم؟
دي فوا نحس دارنا راهي خارج مجال التغطية
أو عائلتي مخلوقات فضائية من كوكب آخر
لأنوا عمرنا ما واجهتنا مشاكل كيما هدي اللي راكم تكلموا عليها
مسألة المهر حنا في عايلتي ما يتكلموش خلااااااااااااص فيها سوا يجيبوا عرايس أو يروحوا عرايس المهر يبقى آخر حاجة يتكلموا فيها الرجال الكبار(والصغار ما دخلهمش يقوموا بالضياف نهار العرس فقط )
قد ما حاولت ما قدرتش نتصوّر لا سوفرونس اللي راكم تحسوا بيها
ومنين داك نحمد ربي سبحانوا كي خاوتي كااااامل تزوجوا وراهم بأولادهم بلا ما نصادفوا مشاكل كيما هدو مع نسابنا أو عرايسنا
المهم نرجع ونقول
ربي يكون في عونكم إن شاء الله
ويرزقكم بمن تسهّل وتيسّر عليكم كل أمور زواجكم عاجلا غير آجل
ياااااااااااااا رب
سلاااااااااااااااااااااام

[العائدة الى الله]

المشاركة الأصلية كتبت بواسطة shincus

كم يكلف الزواج بكل لوازمه بالنسبة للرجل في الشرق الجزائري ؟ (الرجاء ذكر المنطقة)

السلام عليكم


الزواج ككل يكلف الكثير والمهر يتراوح بين 8 الى 18 حسب كل منطقة

مثلا عندنا 8 ملاين مهر 2 او 3 خطبة ضف الى ذهب سواء كان خاتم فقط او شيء معه كل حسب مقدوره مع كسوة وقت الخظبة وهناك مايسمى بالملاك اما يمدوه دراهم حوالي 4 ملاين او يديولها ذهب خاتم مثلا وكسوة
وشاه يوم العرس ودقيق وبعض اللوازم

انا عن نفسي لن استطيع ان اتخلى عن العادات والتقاليد فهي اكراما لي امام اهلي اما عن المهر اود ان يكون اقل ما يمكن ولو لم يكن لدي ذهب مثل كل العرايس الا اني افضل ان اكون اكثر بركة

تحياتي

[فــــــــــــاتح]

بســم الله
لكم جزيل الثناء لتفاعلكم وتواصلكم

لكن دعوني أضيف شيئا آخر :
أيتها الأخت الفاضلة
إذا كان خاطبك صالحا
أفلا تساعدينه
على تسهيل زواجكما
وتكسبين رجلا يخاف عليك ويحميك ويصونك
أنا نظن بلي المرأة الرزينة الملتزمة
لا تعجز زوجها المستقبلي
إن رضيت به خلقا ودينا
لتكون إن شاء الله ساهمت في تكوين أسرة سعيدة طيبة
فالسعادة وراحة البال تكون مع الشاب الصالح سواء أكان فقير الحال أم متوسط الحال أو غنيا

كل الذي قلته لا ينفي للفتاة حقها الشرعي في المهر
لكن على قدر المعقول

لي تعقيب طفيف
على إحدى أخواتنا فيما أنها إن لم تجد الهناء مع زوجها تكون على الأقل قد استفادت من قيمة المهر
أي مهر هذا الذي ستستفدين منه بعد أن خسرت شبابك وكرامتك معه وربما يحصل معك طلاق منه
أيسعدك هذا أينفعك مهرك الغالي

ذلك لأنك تسعين وراء معدن الجيب لا معدن النفس
عدم المؤاخذة فقد أسهبت في العتاب

آآآآآآآآآه على زمن طغت فيه الماديات
أرجو التواصـــــــــــــــل
والتفاعل معــــي
ســـــــــــــــــــلام

[امينة تيارت]

المشاركة الأصلية كتبت بواسطة abdo02

- سلام امينة ..ارجو انلا اكون اغضبتك بردي السابق .:d:d لكن رانا نحكو في واقع معاش ....من جهة الرجال ماقدروا يتزوجو بسبب الظروف الاقتصادية و الاجتماعية زيدلها غلاء المهور ...و من جهة اخرى البنات يشتكيو من قلة الخطاب

المشاركة الأصلية كتبت بواسطة abdo02

و اذا جا واحد يشرطو عليه بزاف ...اعترف بان تجهيز البنت مكلف في ايامنا هذه ..لكن على الاقل عليها ان تتنازل عن بعض الامور و تخليها لما بعد العرس ...الناس راهي تهمهم وش قالوا عليهم الجيران وش دات وش خلات ...لكن من المفروض
البنت تحوس على الهنا ..مش مبعد العرس بايامات تخلي راجلها مليان دين ..و هي ربما كذلك.
- اذا كان تختك ماهيش خدامة و اشترطت 12 مليون ..انتي باينة تشرطي 30 مليون( خاصة ان الشيخات راهم مطلوبات بزاف ):d

و عليكم السلام .....و ما المغضب في كلامك انت وصفت واقعنا شئنا ام ابينا لكن ما اؤكد عليه هو حسن الاختيار بمعنى على الشباب ان يختار في زواجه من تتفهم اوضاعه ماكانش حل اخر قبلت بيه الله يبارك ماقبلتش كاين خير منها ......اذا انتظرنا حل المشكلة سينقرض مصطلح الزواج كون الظاهرة تفشت في المجتمع.....الانسان يخمم بعقلو بالدرجة الاولى يناسب الاسرة لي تحوس على الهنا ماشي لي تحوس على شهادة الضمان الاجتماعي و الاقتصادي المادية لبنتهم.. كاين لي راه ينسى كل معايير الزواج و يركز فقط على المظهر ..رانا نشوفو العجب كاين شباب ما شاء الله و ترفضو و كاين لي حياتو حرام في حرام و عارفينه وتقبل .. و كاين لي شرطو عليه شروط تحير كيفاش قبلها كيما نقولو خلعو زينها خلاص نعرف حالة شرط عليه الاب نتاعها كل اسبوع تجي لدارهم و تخدم وخلصتها تبق في دار ابوها و .... قبل عادي مع انو والديه رفضو... عارف بلي طامعين فيه بصح قبل .....الحل واحد ماكانش غيرو حسن الاختيار حسن الاختيار ثم حسن الاختيار ....و فيما يخص مهر اختي خدامة ..و ما خبرتنيش على 30 مليون نشرطها كاش و لا بالتقسيط وقيلا ندوروها تجارة حتى في الزواج .....انا كون جيت شاب ويشرطو عليا 30 مليون مانتزوجش ....راحت النية و قلت الثقة بين الناس الحيلة ..الله يهدينا و يصلح من احوالنا

[adobar]

على كل حال المهر من حقوق المراة لي عطاهالها ربي
و كل وحدة تشرط لمهر لي تحب و يبقى الامر قضية تفاهم و تراضي يعني اذا شاف مش قادر على المهر يمكن يعوضه ربي افضل منها
و بالمقابل نقول للبنات الوحدة تشرط في حدود المعقول خاصة ان الزمن هذا صعيب
لكن يبقى المهر حق للمرأة ما نقدروش ننكروه عليها