قصة حقيقية... صرات لي شخصيا...؟؟؟؟؟

[الفرحة معكم]

في بداية الخطوبة انت كنت صريح معها بشان ترك العمل يبدو لي من المفروض تكون الاخت بانية حياتها معك على هدا الاساس والتوقف امر مفروغ منه بقيلها عامين قراية لازم تتمسك برايك وتفهمها انك جدي في الانفصال مادمتما في بداية الطريق (يعني تهديد ) هي لوحدها تتراجع و تقبل بشرطك اضن الفتاة في العشرين اي واعية ومسؤولة عن اختياراتها اظهر الحزم اكيد لن تضحي بك من اجل عمل الله يوفقك معها

[sabah13]

بكل صراحة ربما هي غيرة رايها بالرفض لانه ربما صدر منك شئ ما لم يعجبها والدليل على ذلك قلت انكم اتفقتم على عدم العمل .

لذالك انصحك بصلاة الاستخارة والله يجيب الي فيه الخير.

[عُضو مُحترم]

اخطيك منها و شوف غيرها

[mohamed160]

سلام عليكم اخى اخطيك منها لانها كادب

[اية الرحمن1988]

مشكلتك يا أخي لا تحتاج لكل هذا التعصب
هي في فترة راهي تسمع البنات كل وحدة تقول نخدم وندير واش نحب
هي بلاك خدمتلها في عقلها وقال نقول نخدم لكن صدقني بالعقل وكلام هادئ ومناقشة بسيطة تتراجع في قرارها
وحتى اذا متراجعتش منا تكمل القراية تقول يا ندامتي
اصبر تهدأ الأمور لأنو وقت القلق لا هي تقتنع لا انت تقدر تناقشها
كي تهدأ الأمور فاتحها بالموضوع وإذا موصلتوش لحل ثم انت وواش قالك راسك
ان شاء الله تفرج وربي يسهلك أمورك

[بنت عين وسارة]

اولا نقولك صلى صلاة الاستخارة ثانيا اساس الزواج هو التفاهم الا متفهمتوش عمركم متقدرو تعيشو مع بعض و مبدا التفاهم هو النقاش فى كل كبيرة و صغيرة
اخطيك من هدرة عاية ناس كى شوفو زوج و زوجة متفهمين و يتشاورو فى كلش يقولو راه حكما فيه مرتو مى متتهربش و حاول تواجها بلاك تردها ل عقلها هيا راها
بين و بين بسيف تغيضها قرايتها و راها فى وسط صحباتها ممكن يدورولها رايها شوف كيفاش تقنعها و انعلو بليس هذى راها حياة متخليش حجا مكانش منها تهدمها ربى يسهلكم

[الواثق]

المشاركة الأصلية كتبت بواسطة أخت الرجال

شوفوا وربّ الكعبة أنا طفلة أوكي
ولكن راني معاك في واش قلت يا أخي الواثق غير كي راني مريضة اللي ما قدرتش نكتب مي أنا دائما نقولها
المرا كي ترضخلها مرّة خلاص رااااااااااااحت عليك
الظلم موش مليح ولكن قوّة الشخصية لااااااازم
يعطيك الصحّة أخي الواثق على الرد
ولكن ما قصدته أنا ليس أن يترك لها زمام الأمور لاااااااا
بل أن يكون دبلوماسيا معها حتى وإن تركها يتركها دون شجار أو عياط مع السلامة وانتهى الأمر.
ربي يكتبلك اللي فيه الخير أخي
وسلااااااااااااااااااااااااام

يا اختي لدبلوماسية كذلك تحتاج القوة لا يلتقي اثنان في طاولة الحوار واحد قوي والاخر ضعيف ..........................................لازم يكونو في اثنين اقوياء......................................لكن بالنسبة لي لن احاور في اشياء اطلبها وتوافق عليها وبعد مدة ترفضها وعلاه انا قاعد نستنا في هذه الملكة ان ترضى عليا ..........................والله لو تطلب امور شرعية واضحة وانا غير قادر ربما لتطبيقها كمرحلة اولية ممكن نتحاور اما تخدم ماتخدمش تشري ماتشريش تقراي ماتقرايش ......................انا اللي حاير وعلاه النساء هكذاك ديما ممكن تلقايها مستوى وتدعي لقراية وتفكيرها ساذج ..............حتى الرجال راحو ولاو اوكي ماعليش اوكي الله غالب ..................................هوما في الطحين وزادو طحنونا معاهم ......................الله المستعان

[رزان.]

لازم تكون عندك شخصية و مبدأ و كل شيء بالتفاهم و إذا قبلت من قبل لازم تعرف علاه غيرت رأيها هذا زواج و لازم تثبت على رأي فهمها بشروطك و الله يجيب الخير و كل شيء بالمكتوب و إذا كانت فعلا تحبك فستتنازل و تتفهم

[chahrazed-m]

اخي حاول تقنعها بدون انفعال وبدبلوماسية واكيد راح ترجع على قرارها اذا صح تحبك

نورمالمو تفاهمتو على حاجة ماترجعش فيها
الا اذا كان سبب اخر وحبت تدير الخدمة سبة
انت حاول تقنعها واذا ما اقتنعتش وتعصبت برايها
شوف وش يخرج عليك

[امينة تيارت]

يا اخي الزواج ليس لعبة او بالامر الهين بل سكن روحي اساسه التفاهم ثم التفاهم نصيحتي اخي اسمعلها شوف علاش بدلت رايها ما زالت صغيرة اذا قدرت تقنعها اللهم بارك و ربي يوفق لكن اذا تحكمت برايها انصحك اخي بان لا ترضخ لها مادام انك مقتنع بفكرة عدم العمل صدقني اخي لو كان من نهار الاول لي خطبتها و شرطت الخدمة و نفرض انك قبلت معليش لكن بعد مرور مدة زمنية غير مقبول من المفروض راك فهمتها شروطك من البداية ماشي اليوم واه و غدوا لا و تذكر اخي ماظلمتهاش ظلمت روحها و ظلمتك ودائما الخيرة فيما اختاره الله واش نقولو اذا فيها خير ليك ربي ييسرهالك ان شاء الرحمن

[rohhamza]

شوف يا أخي أنا اسمي إيمان و هذا الاسم لي رلك تشوف فيه هو مقتبس من اسم خطيبي ,,,,,صدق اولا تصدق يوم اتقدم لخطبتي قتلو بالحرف الواحد و ربي عليا شاهد "أنا راني نخدم ضرك لكن إذا هذا الشي مش مرضيك و الله العظيم مانزيد فيها ضربة و مع ذلك ماحبش يكون معايا قاسي مع انو جد صارم و حازم بعد فترة الخطوبة ألحيت عليه لكن حسيت أنو من باب خايف يظلمني بقرارو قلتلو "شوف انا نعرف بلي الرسول قال فينا زوج حوايج واحنا ناقصات عقل و دين صح و اللي هوما حديثين"وقرن في بيوتكن" و الثاني "استوصوا بالنساء خيرا"يعني الدين دين عدل و مادام ربي انعم عليا بزوج صالح كان قرارنا النهائي أني نبقى نخدم و بمجرد مايقلي حبسي نحبس و من جيهتي في حالة رزقنا بالبنين هيهات هيهات هيهات نولي نخدم و هذا كلو في طاعة ربي إمالا انت وش لازم ادير روح غير بشوية فهم باباها أو ولي أمرها مادام نيتك صافية و غرضك شريف و ما طلبته منها مرضاة لله مش ليك,,,,,,,,,,,,,,,,,اسمحلي هذا غباء و الله ربي يهديها و تفيق و تندم و فكرها لا طاعة لمخلوق في معصية الخالق,,,,,,,,,,,,,إذا اليوم هكذا غدوة كيفاش,,,خليك لين بدون ضعف و صارم بدون عنف,,,,,,,,,,,,,,,,,و ربي يسهلك ان شاء الله العبد في التفكير و الرب في التدبير تخمامك صح و هذي وجهة نظري كامرأة من نفس عمرك و عمرها,,,,,,,,,,,,,,,,,,,,,,,,,,,,,,,سلام

[مهاجر17]

السلام عليكم
إخوتي سامحوني على عدم الرد راكم عارفيني في مشكل على بيها مانيش مهني
المهم منذ كتبت لكم إلى غاية الآن نكلمها ماتحبش ترد
على بالي بلي كاشما راها فاهمة حاجة خطأ
من بعد week end نكلمها و نشوف
أدعوووووووووووووووووووووووووووووووووووولي
سلام أحبتي......................

[رحيق الايمان]

خويا شوف مشكلتك صارت معايا لكن انا في موقف خطيبتك والفرق الوحيد اننا لم نتقف على عدم العمل و اخليت بالاتفاق خطيبي حين تقدم لخطبتي كان رافض لفكرة زوجته تعمل وطبعا انا ادرس في الجامعة و سيطرت عليا فكرة العمل اضافة الي البنات و حكاياتهم يصورولك في الجنة ذراع المهم توصلنا لحل وسط نخلوها لربي لانه احس من خلال حديثي انه سيظلمني اذا لم اعمل وفاتت الايام و تخرجت و مباشرة تحصلت على منصب عمل واكتشفت لماذا يرفض العمل و اقتنعت بوجهة نظره والان نتمنى وصلاتك فكرتي اهدر معاها و قنعها والا تحتمت خليها تجرب ضرك تندم لانه اغلبية البنات ما يعرفوش واش هي الخدمة و عذابها انا العن كل يوم النهار الي فكرت نخدم فيه

[الواثق]

المشاركة الأصلية كتبت بواسطة رحيق الايمان

خويا شوف مشكلتك صارت معايا لكن انا في موقف خطيبتك والفرق الوحيد اننا لم نتقف على عدم العمل و اخليت بالاتفاق خطيبي حين تقدم لخطبتي كان رافض لفكرة زوجته تعمل وطبعا انا ادرس في الجامعة و سيطرت عليا فكرة العمل اضافة الي البنات و حكاياتهم يصورولك في الجنة ذراع المهم توصلنا لحل وسط نخلوها لربي لانه احس من خلال حديثي انه سيظلمني اذا لم اعمل وفاتت الايام و تخرجت و مباشرة تحصلت على منصب عمل واكتشفت لماذا يرفض العمل و اقتنعت بوجهة نظره والان نتمنى وصلاتك فكرتي اهدر معاها و قنعها والا تحتمت خليها تجرب ضرك تندم لانه اغلبية البنات ما يعرفوش واش هي الخدمة و عذابها انا العن كل يوم النهار الي فكرت نخدم فيه

وشهد شاهد من اهلها .................................الله اكبر الله اكبر .....................................والله مرا تاع الصح نحب المرأة اللي تعترف بالحقيقة المرة .............أهنئكي ..............وأهنئ زوجكي واقول له راهي عندك امانة ثمينة جدا حافظ عليها والا ستندم ................................

[sidahmed2003]

السلام عليكم من باب النصح والتجربة المتواضعة تبدو شخص جيد ولكن يجب ان لا تتراجع عن قرارات تم الاتفاق عليها لان هذا النوع من النساء لن تتوقف عند هذا الحد كيف فعلت ذالك ربما لاحساسها بانك تحبها ولا يمكن ان ترفض لها طلب وبالتالي اعتبر من وجهت نظري ان مثل هذه التصرفات مساومة ثم لماذا تطلب العمل من الان هل وجدت منصب سامي وخافت ان يضيع منها الاخوات يتخلين يسمحو في مناصب عمل نحلم بها نحن الرجال في سبيل اكمال نصف الدين وهي لم تكمل دراستها وتشترط والله في الامر غرابة وعلامات استفهام