أسئلة التجارة لليوم 16 بمعسكر

[imy13]

ana informatique licence min fadelak tenajam tehot les sujet

[امين83]

المشاركة الأصلية كتبت بواسطة imy13

ana informatique licence min fadelak tenajam tehot les sujet

ليسانس أعلام ألي ..؟؟؟
كاين مهندس دولة ألآعلام ألي
أو تقني سامي في الاعلام الالي .....ليسانس في الاعلام الالي .. lmd ..؟
وأي مواضيع راك تبحث ....أنا هنا راني أضع غير المواضيع التوظيف الاداري

....

[اميرة الجزائر2010]

وي خويا محمد ربي يحفضك ربي يعزك ان شاء الله صحيح هناك من يتكلم بتفاهة حتى تحرج من نفسك امام الناس اذا غيرت اسمك خبرنا لا تنسى ذلك باش نقدرو نتواصلو معاك او نعرفو اخر انجازاتك التي سوف تكلل بالنجاحات المتواصلة ان شاء الله

[walid autre mon]

المشاركة الأصلية كتبت بواسطة محمد900

هذو ماشي من الناس الي نتشرف بهم
شفتك أكتبت موضوع فلاني ...شفتك تكتب موضوع فلاني لماذا كيفاش صرى ...ألخ كثرة الأسئلة التافهة sa me dérange و هذا بسبب موضوع الضرائب الذي طرحته مؤخرا و كان أقتراحي ربما مارانيش متأكد بتغيير ..و هذا يكون النس لي نعزهم و هم أصدقائي ...في المنتدى على علم ..

يا اخي محمد اعمل بقوله تعالى " و اذا خاطبهم الجاهلون قالوا سلاما" صدق الله العظيم
يا أخي ما تعمرش راسك بهم اطلاقا انت fort عليهم retour allez .
و لا تغير اسم عضويتك و نحن لهم بالمرصاد كيما يبغوا

[ام سيرين22]

للأسف اخي محمد انا في اخر لحظة تراجعت عن المشاركة لاني حسبت يومين الاسئلة كانت سهلة خصوصا العقوبات لاني كنت محضرا اركان الجريمة مليح المهم الله ينجحك نشالله

[منتهى الرقة-*]

بصح سؤال الثقافة العامه جاني صعيب خصوصا اني درست حقوق

و اخترت الانجليزية لانو جاني ساهل درت كل شئ صح ف الانجليزية


الله يوفق الجميع

[السَّحابة البيضاءْ]

السلام عليكم
ربي ينجحكم ان شاء الله

ممكن تحطولنا مواضيع اللغات انا اعتمد في مراجعتي على حل المواضيع السابقة

ارجوا ان يفيدني احدكم وشكرا

[kamel76]

الذين وضعوا الأسئلة لم يعدلوا بين الحقوقيين و الإقتصاديين فموضوع الثقافة العامة من إختصاص الإقتصاديين فهم لهم الأولوية في الإجابة بشكل جيد على الموضوع

[امين83]

المشاركة الأصلية كتبت بواسطة kamel76

الذين وضعوا الأسئلة لم يعدلوا بين الحقوقيين و الإقتصاديين فموضوع الثقافة العامة من إختصاص الإقتصاديين فهم لهم الأولوية في الإجابة بشكل جيد على الموضوع

عند صح أخي ....أنا تاني حقوق ...مي كيفاش رايح دير ...جاوبنا و الباقي على ربي ..عندي صديقي موظف في مديرية المؤسسات الصغيرة و المتوسطة كنت أحيانا نسأله ..واش دير هذه المديرية ..ألخ كونت شوية أفكار و جاوبت
الله يوفق

[princesse 22]

المشاركة الأصلية كتبت بواسطة محمد900

أن شاء الله
عقوبات كان ساهل ...با معنى في متناول الجميع ....
أمل اللغة فقد أخذت الفرنسية ..و الملاحظ هذه المرة أن أغلب المترشحين أخدو الأنجليزية ....

انا فرنسية و تجاري عجبني، جنائي كان مليح انما ما كانش عندي كل المعلومات الكافية لاني راجعت برك التجاري + المحل التجاري كان بحثي على بيها عقلته

[princesse 22]

المشاركة الأصلية كتبت بواسطة ♥مـِنتهِــِے ﭐلرِقِـہْ

بصح سؤال الثقافة العامه جاني صعيب خصوصا اني درست حقوق

و اخترت الانجليزية لانو جاني ساهل درت كل شئ صح ف الانجليزية


الله يوفق الجميع

حلومة شا خيرتي، انا تجاري و فرنسية و ثقافة عامة خدمت غاية، لاني كنت نتبع الاجراءات تاع خيي دا قرض

[السَّحابة البيضاءْ]

الاخت princesse 22
من فضللك كيفاش جاوبتي في التجاري ممكن رؤوس اقلام الامر ضروري ارجوك

[princesse 22]

المشاركة الأصلية كتبت بواسطة ضوء الخيال

الاخت princesse 22
من فضللك كيفاش جاوبتي في التجاري ممكن رؤوس اقلام الامر ضروري ارجوك

درت مقدمة حكيت فيها عن المحل التجاري بشكل مبسط جدا و حطيت اشكالة لما اعطى المشرع الجزائري كل هده الاهمية له و ما هي المعاملات الوادة حوله؟، و قلت لدراسة دلك قسمنا الموضوع الى 3 نقاط و لكن قبل ذلك نجد انه لزاما علينا التعرف الى المحل التجاري و اركانه و لو بشكل بسيط ( فدرت تعريفه و اركانه)
1 بيع المحل ( كيما المقدمة صغيرة و اركان البيع تاعه و اطرافه و التزامات كل من البائع و المشتري و الاثار )
2 رهن المحل ( الاطراف و الاركان و زدت معلومات مفرقة عنو ما عقلتش العنوان + اجراءات الرهن....)
3 ايجار المحل ( ذكرت فيه ايجار المحل التجاري و ايجار التسيير و شرحتهم بشكل مبسط مع ذكر الاركان و الاطراف و الالتزامات تاع كل واحد منهم)
و في الاخير درت فقرة ذكرت فيها ذكرت فيها الاهمية تاع المحل التجاري في القانون التجاري و ذلك لكثرة ظهوره في التجارة و في كل نشاط مع ذكر * المهم وسعت المعلومات عنو *
و درت خاتمة لكل لي حكيته
و ذكرت بعض المواد
كيما 78 و 79- 115 في البيع

[السَّحابة البيضاءْ]

يعطيك الصحة اختي ربي ينجحك ان شاء الله ويعطيك ماتتمناي

[biorosa]

هل ممكن أسئلة محقق رئيس لقمع الغش؟؟