مذكرات لخضر هوني في التعليم!!!!!!!!!!!!!!

[kamel benaboud]

المشاركة الأصلية كتبت بواسطة هوني لخضر

يا اخواني مذكراتي في ميدان التربية و التعليم ليس كمذكرات الطاهر زبيري التي هي عبارة عن مؤمرات ودسائس و انقلابات و تصحيح ثوري وزحف نحو العاصمة وهروب الى تونس و بن بلة و ايت احمد و هواري بومدين و ما خفي كان أعظم و مانيش عارف واش ، إنما مذكراتي هي أول خلصة في التعليم و كان ذلك في نهاية 85 حيث كانت تقدر ب327 ألف للشهر حيث اعطولي ربال نتاع 3 أشهر وقدر بـمليون سنتم بالتقريب
أتدرون واش شريت بهذوك دراهم
و الله العظيم غير تلفزيون ملون نوع سونيلاك من سوق الفلاح و بمعرفة كبيرة و بسعر 700 ألف
و الجدة نتاعي التي كانت بمثابة الوالدة رفقة اخواتي فرحوا به فرحا كبيرا لا يمكن وصفه لان التلفزيون الملون كان حاجة كبيرة و الجدة نتاعي دعت لي بوحدة الدعوة زينة حين قالت لي روح يا وليدي ان شاء الله ربي يضويها عليك كيما ضويتها علينا
ربي يرحمها و يرحم سائر موتى المسلمين
و انتما.............................؟؟؟؟؟؟؟؟؟؟؟

شكرا يا سي لحضر

اول خلصة كانت في فيفري 1983 شريت قندورة لامي وداعتلي دعوة زينة قالتلي ان شاء الله يبعد عليك العين يا خويا لخضر الدعوة انتاعها راها ماشيا انا نسكن في الطابق الخامس والعين ماتوسلنيش اخلاص


ربي يرحمك يا امي ويسقيك من حوض النبي شربة لا تضمئين بعدها ابدا ابدا

[boulekhloukh]

أشكركم كثيرا على هذه الفسحة الشيقة أولا و أشكركم على انفاق الأجرة فيما يرضي الله و الوالدين فهذا هو فضل مكانة التعليم أن الله يلهمنا ب الانفاق في أمور الخير رغم قلتها عكس ذوي البطون المنتفخة الذين يصرفون في ساعة أكثر من أجرتنا في عام تقريبا لكن في الخمور و الفجور و العياذ بالله .

[élena]

مشكورين على مذكراتكم ...أزحنا بها هم النشاطات اللاصفية

[amrankarim]

شكرا هوني لخضر لما تشري ماروتي اقترح عليك رحلة سياحية للجنوب مرحبا بيك في ورقلة ما يخصك حتى شئ كاين ليتسع انت واي واحد معاك

[هوني لخضر]

المشاركة الأصلية كتبت بواسطة amrankarim

شكرا هوني لخضر لما تشري ماروتي اقترح عليك رحلة سياحية للجنوب مرحبا بيك في ورقلة ما يخصك حتى شئ كاين ليتسع انت واي واحد معاك

بارك الله فيك على هذه الدعوة يا اخي العزيز وهذا الشيئ ليس بغريب على سكان جنوبنا الكرام
بارك الله فيك

[أبوطه الجزائري]

استراحة جميلة شيقة ..

شكرا جزيلا ...

تحية و تقدير ...

[kif]

انا لا اتذكر جيدا متى تحصلت على اول مخلف سنة 92 بعد 6 اشهر اجرتي كانت حوالي 6750دج شهريا قالتلي الوالدة اطال الله عمرها هذا الربال انعرسو بيه الخوك الكبير وكم كانت فرحتي بهذا الخبر لانه اول فرح سيقام في بيتنا وسلمته اياها دون تردد

[سقراط2007]

كانت خلصتي في 1984 2200 دينار جزائري

[said elhilali]

والله ذكرتني بصديق من التعليم كانت عندو قطعة أرض باعها بـ 3 ملايين واشترى تلفزيون ملون وقطعة الأرض هذه مازالت كما هي ولكن سعرها الآن 300 مليون

[نجمة ساطعة]

مذكرات رائعة و استمتعت بالقراءة بارك الله فيكم

[بنت الباهية]

استمتعت بقراءة مذكراتك
مواضيعك مميزة كل مرة تخرج خرجة هههه

[salim islam]

كنت مساعد تربوي سنة 1983 وأول أجرة شهرية كانت 103000سنتيم
ودعوات الأم لم تنقطع عني حتى وفاتها سنة 90
والوالد مازال على قيد الحياة والحمد لله .
أذكركم ببعض أسعار المواد أيام السبعينيات 1كغ سكر وعلبة قهوة 2دج
هذه قيمة البركة

[معلم وأفتخر]

أنا أول خلاص في جانفي1987 اشتريت دراجة نارية قالمة ياحسراه على أيام زمان

[رقية شهد]

و الله كانت ايام اكثر من رائعة
البركة في كل شيئ

[أبو العربي]

أعجبني ردك يا أخي كمال والله أضحكتنا

رحم الله والدتك وسائر موتى المسلمين