برحمة والديكم تعطوني رايكم

[nouna-12]

المشاركة الأصلية كتبت بواسطة wahoub

السلام عليكم
حكايتك والله اثرت فيا وراني حاسة بيك وخصوصا انه جات مناسبات كيما رمضان والعيد الصغير والعيد الكبير
حتى ولوكان هو جاء من النوع اللي يحشم بصح اخته وامه المفروض يعيطولك ولا حتى يجوكم للدار ويجيبولك حقك تاع القاطو وحقك تاع العيد هذا هو العرف لكن انا ننصحك لازم تعرفي السبب انتي الحل الوحيد انك تكوني صريحة توكلي على الله وعيطي لاخته وقوليلها عيدك مبروك باش تفيقيها بلي راه العيد فات وماسمعتيهاش منهم وتربحيهم وسقسيها اذا كملو الجهاز ولا لا واكيد رح تعرفي وتفهمي من نبرة صوتها السبب وكوني صريحة الى اقصى درجة لازم تعرفي انه هذا مستقبلك وهذي العائلة رح تكوني واحدة منهم عن قريب
وقبل ما تعيطي قولي اللهم اشرح لي صدري ويسر لي امري واحلل عقدة من لساني يفقه قولي
وشوفي ربي كيفاش رح يفك لسانك وتقدري تحكي ورجعيلنا لخبر وان شاء الله مايكون غير الخير

مشكورة اختي و ربي يجازيك
انا ان شاء الله نعيط لاخته
لكن ما نسقسيها لا علي جهاز لا والوا
راه طاح من قلبي و ما نيش حابة نكمل معاه
الناس اللي ما قيموني و قدروني في دار بابا
كي نروح عندهم كي يديرولي
نقولها دراهم الشرط نتاعكم راهم واجدين و خلاص

[النجمة القطبية]

اختى الحبيبة انا انصحك بعدم الاستعجال والتريث
حاولى تتصلى باخته واطلبى منها ان يتصل بكى خطيبك لمناقشة امر مهم بعد طلب الاذن من اهلك طبعا
اعتقد ان هذا حقك يعنى لمناقشة بعض الامور المهمة ممكن وقتها تهدرى معاه وتستفسرى منه على الاقل لتتاكدى انه فعلا موافق على الخطبة لان هناك حالات الاسرة يجبرون ابنهم على الزواج وهو يخطب فقط لارضاءهم وسمعت بحالات كثييرة
تريثى اختى فقط اعطيه فرصة للتكلم فبل ان تتخذى قرارك كلميه ممبعد شوفى
ربى يوفقك وينور بصيرتك ويرزقك بكل خير

[عبدالرحيم75]

مبراراتهم تبقى دائما تدور حول ( الراجل يبقى ديما راجل ) ،وعليه الحل يكون كالأتي
1- أن تتصلي أنت بأخت خطيبك من باب علاقة النسب والمصاهرة للاستفسار عن أحوالهم
2- في سياق الحديث تسألينها عن خطيبك وسبب غيابه
3- تقولين لها بأنك تريدنه يتصل بك لأمر مهم ،وإن أردت معرفة ماهو هذا الامر المهم ،قولي لها بأنه أمر بينك وبينه وتريدينه هو .
4- لما يتصل بك خطيبك الغائب حاولي من باب اللباقة أولا الاستفسار عن احواله وأخباره والاسترسال معه في الحديث لمعرفة منه سبب عدم إتصاله بك بطريقة غير مباشرة حيث أنك تتركينه يتكلم ويجيب لوحده على أسئلة أنت لم تطرحينها بعد ،فإن تبين لك سبب غيابه وكان وجيها حينها تكتفين وإن راوغ هو الأخر عليك باستعمال أسلوب الأسئلة الصريحة الخالية من التأويلات وتريدين منه أجوبة صريحة ،وبخصوص سؤاله لك عن الأمر المهم الذي أردت التكلم معه ،قولي له مادام هذا الامر مهم لكلينا وغيابك أقتنعت بأسبابه والأن تكسرت بعض الحواجز بيننا فما عليك إلا أن تبرمج موعد نلتقي فيه لنتحدث سويا حول هذا الأمر ،ولا تعطي له أي فكرة وكوني مقتضبة الحديث حول هذا الأمر المهم ،حينها وتأكدي بأنه يسعى جاهدا للتقرب منك وتحف اخته من الوساطة بينكما تلقائيا وربي يجيب الخير ويوفقكما لما فيه صلاح لكما ولاهليكما في الدنيا والاخرة ،ننتظر اخبارك السارة إن شاء الله في الأيام القادمة

[nouna-12]

المشاركة الأصلية كتبت بواسطة عبدالرحيم75

مبراراتهم تبقى دائما تدور حول ( الراجل يبقى ديما راجل ) ،وعليه الحل يكون كالأتي
1- أن تتصلي أنت بأخت خطيبك من باب علاقة النسب والمصاهرة للاستفسار عن أحوالهم
2- في سياق الحديث تسألينها عن خطيبك وسبب غيابه
3- تقولين لها بأنك تريدنه يتصل بك لأمر مهم ،وإن أردت معرفة ماهو هذا الامر المهم ،قولي لها بأنه أمر بينك وبينه وتريدينه هو .
4- لما يتصل بك خطيبك الغائب حاولي من باب اللباقة أولا الاستفسار عن احواله وأخباره والاسترسال معه في الحديث لمعرفة منه سبب عدم إتصاله بك بطريقة غير مباشرة حيث أنك تتركينه يتكلم ويجيب لوحده على أسئلة أنت لم تطرحينها بعد ،فإن تبين لك سبب غيابه وكان وجيها حينها تكتفين وإن راوغ هو الأخر عليك باستعمال أسلوب الأسئلة الصريحة الخالية من التأويلات وتريدين منه أجوبة صريحة ،وبخصوص سؤاله لك عن الأمر المهم الذي أردت التكلم معه ،قولي له مادام هذا الامر مهم لكلينا وغيابك أقتنعت بأسبابه والأن تكسرت بعض الحواجز بيننا فما عليك إلا أن تبرمج موعد نلتقي فيه لنتحدث سويا حول هذا الأمر ،ولا تعطي له أي فكرة وكوني مقتضبة الحديث حول هذا الأمر المهم ،حينها وتأكدي بأنه يسعى جاهدا للتقرب منك وتحف اخته من الوساطة بينكما تلقائيا وربي يجيب الخير ويوفقكما لما فيه صلاح لكما ولاهليكما في الدنيا والاخرة ،ننتظر اخبارك السارة إن شاء الله في الأيام القادمة

بارك الله فيك اخي
و جازاك كل خير

[sorour93]

زيدي صبري شوية لانه ام زوجك مازالها حزينة على اختها وربي يوفق بيناتكم

[دعاء الملائكة]

سلام ................
شوفي حنونة هو الامر ماشي عادي منيش حابة نخوفك نورمالموا يسقسيو على عروستهم ساعة على ساعة لازم انت تنبهيهم ولا تبعثيلهم مع احد الاقارب شوفي انا كي تخطبت مهدرش معايا ومسمعتش صوتوا حتى نهار الفاتحة وجاتني حاجة غريبة كي سقسيت اموا قاتلوا حابة يطبق الشرع وهو يحشم يعني انت متتسرعيش معاه يعني بالاك من النوع لي يحشم بزاف زيدي اصبري شوي معاه وانت بادري مادام خطبك حاولي عيطيلوا وتكلمي معاه بالاك توصلي معاه لحل ادا شفتي جاك رفض منوا وحسسك بلي ماراهش حابك لتم عندك الحق تقرري واش تحبي ادا شفتي من كلاموا بلي غير يحشم برك معليش احسني عونوا وساعديه باش يتخطى المرحلة هدي هي مؤقتة برك اما اهل زوجك فتعجلي بالامر وابعثي اي وحدة من داركم تتكلم معاهم بالاك ميعرفوش بصح انت متهدريش معاهم في الامر لانوا مايصلحش الطفلة تحكي معاهم في الامر باش ما يقولوش عليك واعرة وقبيحة وجريئة وان شاء الله ربي يجيب الصواب

[رزان.]

الله يفرج عليك أختي الكريمة راني حاسة بيك و عارفة أن الإنسان مهما كان يملك يحب يقيموه و لو بهدية بسيطة أو كلمة طيبة خاصة في المناسبات لكن ما راناش عارفين السبب الذي جعل أهل خطيبك لا يسألون عنك تريثي قليلا و حاولي معرفة ذلك و أنصحك إذا تكلمت معهم ما تقوليلهمش دراهمكم راهم واجدين لازم شخصيتك تكون قوية هذا زواج ماراهش قضية دراهم المهم تعرفي قبل و الباقي على ربي الله يسهلك آمين

[abdel02]

المشاركة الأصلية كتبت بواسطة nouna-12

السلام عليكم و رحمة الله تعالي و بركاته


نشكر كل اعضاء المنتدي
لان المنتدي هاد فرج علي ناس و نزع غبينة ناس و فاد ناس و انا واحدة منهم
خاصة في موضوعي اللي علي جالوا راه حارم عليا النوم الليل مع النهار و راني نقصت و شينت و الناس كامل حارت كي شافتني
علي هاد الحال لكن حتي واحد ما علابالوا واش في قلبي لاني بطبعي خجولة و ما نحكيش اسراري للناس
الا هاد المنتدي اللي فرغت فيه قلبي و فادوني فيه بزاف خواتاتي هنا اللي ما ننساش جميلهم
المهم نحكي حكايتي
انا تخطبت لواحد من مدة 9 اشهر في الاول ترددت شوية في القبول لانه اقصر مني و انا طويلة و عمري ما تخيلت
نفسي نتزوج واحد قصير عليا
اتنازلت شفت فيه الاخلاق و حسن التربية و انسان مدين مصلي ما بيه والوا بشهادة ابي و اعمامي و كل من يعرفه
المشكل مش هنا المشكل انهم منهار جاو لدارنا و شافني و باسبوع تفاهموا علي الشروط و دفعوا دراهم الشرط
ما زادوش داروا بينا
لا هو لا اهله عير مرة جات اخته و اخدت رقمي قاتلي باش لما نشري الجهاز نعرف قياسك
و هدا من ماي
من داك النهار ما جاو ما اتصلوا حتي جويلية عيطلتي و رحت قيست لبست الجهاز
لكن من يومها للان ما اتصلوا ما بانوا ما والوا
ما جاونيش في العيد الصعير ما اتصلوش لا هو لا هم
هو لم يرفع سماعة الهاتف و يسال عني يوما
بعد العيد بمدة ماتت خالته و اتصلت باخته و عظمتلها الاجر لكن من حينها ما قيمونيش تاني
و في العيد هدا تاني كيف كيف كاني لم اكن موجودة
خممت و قلت لماما خلاص راني مبطلة و قتلها تخبر بابا باش يرجع لهم دراهمهم

هل في نظركم اني تسرعت او اخطات
من ناحية التسرع شفت 9 شهور راهي مدة طويلة الناس راها تجيب فيها ولد


اعطوني رايكم برحمة والديكم
و انتوما يا رجال حابة نعرف منكم
لما واحد يخطب واحدة و ما يتصلش بيها خلاص بعد هده المدة علاش و هل ممكن يكون سبب

الجواب عن مشكلتك وما يؤرقك ملون بالوردي...لا تقلقي فانه من تقوى القلوب...وإذا فرطتي في راجل من هذا ىالقبيل...ربما يجيك واحد يعيطلك صباح وعشية..ربما يلقاك en attente يقلب الدنيا لانه من رواد الحديث في الهاتف...ربما يعيط ما تجاوبيهش...يفسخ العقد...ربما....ربما....الخيرة فيما اختار الله....

[رزان.]

المشاركة الأصلية كتبت بواسطة abdel02

الجواب عن مشكلتك وما يؤرقك ملون بالوردي...لا تقلقي فانه من تقوى القلوب...وإذا فرطتي في راجل من هذا ىالقبيل...ربما يجيك واحد يعيطلك صباح وعشية..ربما يلقاك en attente يقلب الدنيا لانه من رواد الحديث في الهاتف...ربما يعيط ما تجاوبيهش...يفسخ العقد...ربما....ربما....الخيرة فيما اختار الله....

بارك الله فيك على هذه النقطة المهمة و جزاك الله خيرا

[نيروز الجزائرية]

لا انصحك بان تتكلمي معه عبر الهاتف حتى لا ياخذ عنك نظرة سيئة لانه في بلادنا يقولو على وحدة هكدا ما تحشمش
انصحك بان تتكلمي انت او احدى خالاتك او عماتك المقربة منك بما انه امك لم تريد التحدث وتقوللهم وين راكم واصلين ما بانش خبركم تتحدث بكل لباقة ومن نبرة الصوت وطريقة ومضمون كلام احتو تتوصلي الى حل باذن الله ربي يوفقك اختي
الهاتف مع الخطيب في الاول يكون مودة ومع الوقت يجيب المشاكل مكاش فد الشرع ربي يوفقك ويفرج همك

[سوسو الطموحة]

اسمعي اختي ..واحد ما يخوفك وماتخليش الوسواس يقتلك....انا صرات معايا ماشفتوش حتان نهار الخاتم...نهارالعرس كان زواج تقليدي .........حتى اخي هكذا دارلنا ....ما تكلم معاهالا في الهاتف ماراح ليها لعندهم لللبيت ولما هي تحاول ان تكلمه يقفل الهاتف في وجهها ......وبعد زمن كلمتني الطفلة باعتباري اخته وقالت لي يمكن يكون رافض هذا الزواج وانتم مصرون عليه...لكن قلت لها العكس هوحاب يتزوج لكن يستحي التكلم معاك...ومع ذلك بقية قلقة الى ان درنا العرس والحمد لله راهم لاباس ....عايشين لبعضاهم ....ما تخافيش هذا هو الزواج التقليدي وكل واحد عقليته وكيفاه تربى ..ولجهاز هدرو معاك وشاوروك...لوكان ناويين الشر مايخسروش دراهمهم على والو.

[مدرسة الحياة]

المشاركة الأصلية كتبت بواسطة nouna-12

السلام عليكم و رحمة الله تعالي و بركاته


نشكر كل اعضاء المنتدي
لان المنتدي هاد فرج علي ناس و نزع غبينة ناس و فاد ناس و انا واحدة منهم
خاصة في موضوعي اللي علي جالوا راه حارم عليا النوم الليل مع النهار و راني نقصت و شينت و الناس كامل حارت كي شافتني
علي هاد الحال لكن حتي واحد ما علابالوا واش في قلبي لاني بطبعي خجولة و ما نحكيش اسراري للناس
الا هاد المنتدي اللي فرغت فيه قلبي و فادوني فيه بزاف خواتاتي هنا اللي ما ننساش جميلهم
المهم نحكي حكايتي
انا تخطبت لواحد من مدة 9 اشهر في الاول ترددت شوية في القبول لانه اقصر مني و انا طويلة و عمري ما تخيلت
نفسي نتزوج واحد قصير عليا
اتنازلت شفت فيه الاخلاق و حسن التربية و انسان مدين مصلي ما بيه والوا بشهادة ابي و اعمامي و كل من يعرفه
المشكل مش هنا المشكل انهم منهار جاو لدارنا و شافني و باسبوع تفاهموا علي الشروط و دفعوا دراهم الشرط
ما زادوش داروا بينا
لا هو لا اهله عير مرة جات اخته و اخدت رقمي قاتلي باش لما نشري الجهاز نعرف قياسك
و هدا من ماي
من داك النهار ما جاو ما اتصلوا حتي جويلية عيطلتي و رحت قيست لبست الجهاز

لكن من يومها للان ما اتصلوا ما بانوا ما والوا
ما جاونيش في العيد الصعير ما اتصلوش لا هو لا هم
هو لم يرفع سماعة الهاتف و يسال عني يوما
بعد العيد بمدة ماتت خالته و اتصلت باخته و عظمتلها الاجر لكن من حينها ما قيمونيش تاني
و في العيد هدا تاني كيف كيف كاني لم اكن موجودة
خممت و قلت لماما خلاص راني مبطلة و قتلها تخبر بابا باش يرجع لهم دراهمهم

هل في نظركم اني تسرعت او اخطات
من ناحية التسرع شفت 9 شهور راهي مدة طويلة الناس راها تجيب فيها ولد


اعطوني رايكم برحمة والديكم
و انتوما يا رجال حابة نعرف منكم
لما واحد يخطب واحدة و ما يتصلش بيها خلاص بعد هده المدة علاش و هل ممكن يكون سبب

بارك الله لك بنيتي في زيجتك ....عزيزي ...لا داعي لكل هذا القلق فالإجابة في سؤالك حيث أنك كتبت بأن هذا الخطيب ذو أخلاق عالية و متدين ...و إذا كان كذلك فعلا فتفهمي صغيرتي طبعه و هو عدم اللعب ببنات الناس و الإبتعاد عنك إلى أن يأذن المولى بإلتقائكما في الحلال ...و قد كتبت أيضا بأنه خجول وهذه صفة حميدة نادرة هذه الأيام...و قد شهد على حسن خلقه أباك و أعمامك ...و هذا ضمان لأن الذي نعرفه أحسن ألف مرة من الذي لأانعرفه...عزيزي أعطيك نصيحين من الممكن أن تفيدك إحداهما أو كليهما...
1- أن تطلبي من أحد أعمامك أن يحاول أن يلتقي به و يدعوه إلى مرافقته على أساس أنه سيزوركم و سيأخذه في طريقه ألى بيت أصهاره للسؤال عن خطيبته و عن أهلها...أي يشجعه على زيارتكم ...ربما هو الخجل أو أنها عادة لدى أهله ألا تزار العروس.
2- أن تتريثي قليلا و تحاولي أن تِخري الزواج قليلا لعل في الأمر عيبا و بهذا تتركين أهل الخطيب هم من يبادروا إلى الاتصال بكم و لاتضعي والداك في احراج فليس من اللائق أن يطلب أحدهما من الخطيب أن يزور ابنته و هي لم تعد بعد على ذمته فلوالديك حرمة يدافعان عنها رغم اقتناعهما بضرورة اتصال خطيبك بك.
نصيحة أخيرة ربما تكون الحل حاولي أن يحصل خطيبك على رقمك أو تتحصلين على رقم هاتفه فمن الأحسن أن تتعارفا هاته الفترة بالهاتف على الأقل لزرع القليل من المودة لأن الزواج عزيزتي حب و مودة ....استخيري الله عزيزيتى و لا تتسرعي في الرفض ربما تندمين فيما بعد ...الله يسعدك و يهنيك و .....اعطينا جديد أخبارك ...

[kamy57]

السلام عليكم
والله أنا أسف على ما صدر من خطيبك ولكن بحكم التجربة المتواضعة التي أمتلكهاهناك سبب من السببين :
1ـاما ان يكون له مشكل مع طولك (لان الرجل عادة لايحب أن تكون المرأه أطول منه)
2ـ اما أنه تقرب من أحد أقربائك(العائلة أو الجيران) ودله بأن لاتناسبيه كزوجة.
هذا مجرد رأي .والله أعلم.

[السيدة كرمين]

السلام عليكم

والله يا اختي ماعرفت وش نقوق خاصة اني منعرفش عاداتكم

ومش قصدي والله نخوفك لكن تخوفك في محلوا

نقصلك باختصار تجربة وشوفي وين وصل الحال بالناس

قصة بنت خطبها واحد فاميلتها من بعيد

يعني مكانش تواصل بين العائلتين وعرس شاف البنت وقرر يخطبها

تقدموا أهلوا لكنه كان سجين سابق - قضايا الاشتباه تع الفيس-

قال أهلها هذا فاميلتنا وعلى بالنا بلي مدار والو وكان مشتبه فقط

لكن بعد الزواج عذبها بنفس الطريقة اللي عذبوه بيها فلحبس

وكانت نهايت زواجهم الطلاق خاصة ان أهلوا ما قالولها والو عن حالته



كثر في زماننا الخدع و التلاعب ببنات العائلات وحتى بالعائلة نفسها

وللأسف اصبح الأهل يشاركوا ابنهم في هذه الأمور

خذي حذرك

كلفي حريص أنوا يسأل عن الشاب وعن أهلوا بالتفصيل

ولابد من التواصل بينكم وخاصة انكم عاقدين وإلا فلا

ولي فيه الخير ياتي به الله

الله يهنيك

[المتوكل محمد]

قلتي : تسعة أشهر وانت مخطوبة له .... فهل سالتم عنه ؟ جيرانه وأقرباءه وزملاءه مثلا ..
هل تعرفين مدى علاقته بأخته الكبيرة ؟ هل هي مسيطرة عليه تماما ؟ لماذا لايكون كلام على الاقل بالتلفون
بينكِ وبين أخته الكبيرة ؟ لماذا لم تفكري في ذلك خلال التسعة أشهر ؟ والآن بالامكان تدارك مافات وفهم كل شي
عن الرجل وأهله بالسؤال عنهم وعنه حتى تكونوا على بينة ووضوح وتقتنعوا بكل تصرف تتصرفون به ..
وفقنا الله تعالى لكل خير ..