زوجة أخي تعتمد على أمي المسنة في أداء أشغال البيت

[فارس الجزائري]

المشاركة الأصلية كتبت بواسطة نجمة ساطعة

فرضا كلامك صحيح ... الزوجة عندها 10 اشهر مش شهر مش اثنين

يقولو عندنا القافزة قلبها ياكلها متقدرش تصبر ... و من عندي
مستحيل تجي دير حاجة يقولولها خلي عليك يقولوها المرة
الاولى كتقدير و مجاملة لكن مع اصرارها راح يتقبلوا غصبا عنهم
انا اتكلم عن تجربة لاني عايشت موقف مماثل و انا ضيفة في
العاصمة عند عائلة ... و كنت ارى بام عيني تخيل وصلت انو الزوج

يطلعلها الاكل و هي تسكن في الطابق العلوي كارثة حقيقية

وهل يعقل لمدة 10 أشهر لم تقم بشيء؟؟؟؟

[دكتورة بإذن الله]

المشاركة الأصلية كتبت بواسطة فارس الجزائري

قد قلتما أن هذا من أساليب النساء أنا معكما في ذلك
وسؤالي الذي أريد الابجابة عنه:
ألا يشمل ذلك أهل الزوج أي السائلة وأخواتها البنات والأم ؟
ألا يمكن أن يكون أن الأخت السائلة تبالغ نوعا ما أو أنه فعلا لا يعطى فرصة حقيقية للزوجة حتى تشارك في المنزل؟
أنا أتوقع أن الأم تقول للبنات: لا تجعلوها تعمل لأنه عيب، كما جرت العادة في بعض المنازل وأن الزوجة لصغر سنها لا تعرف العيب أو أنها استسلمت لرغبة العيب عند الأهل فعزز عندها الاتكالية
العيب هو عندما يطلب من الزوجة أن تشارك ولا تفعل بل وترد باللامبالاة وهذا الذي لم تذكره السائلة لذا بنيت توقعي على أن الزوجة لا يطلب منها المشاركة ولا يسمح لها بذلك وهذا مالم تذكره السائلة.

يافارس في هذه الحالة الأم عافية و خاطيها و متحملة المسؤولية كاملة

البنات شادين فامهم و باين قالتلهم امهم ما تهدروش

الكنة ضاربة النح ومتجاهلة الامر لانها ضامنا راجلها ...و حلاتلها و دايرا رايها

الام في هاته الحالة خايفا تخسر بنها و باين بلي ابنها متسلط او يتهم اخواته او غير مبالي

و حكاية الام تقول لبناتها عيب ما تقوللهاش مستبعدة جدا ...يافارس تقللهم كي تكون عروسة جديدة و ليس وحدا عندها عشر شهر كراهي بوليدها اذا كتب ربي

10 شهر راهي عمر ...و كان جات ساكنا وحدها مانقولو والو و نعطيك كل الحق بما قلت لكن هي ساكنا معاهم ووجها في وجهم

كيفاش تشوف عجوزتها مغبونة و ما ترفدش حاجة وحدا

و حكاية صغيرة 22 عام راني شفت وحدا 35 سنة و تتصرف هكذا ....و ماكانش صغر في هاك حوايج

المهم اختلاف الراي لا يفسد للود قضية و ان شاء الله ياربي ترد صاحبة المشكلة او تعيد مشكلتها و توضحلنا امليح

ونتراهنو عليها ...و تولي تخلصلنا في المشوي و حاصل

المهم ربي يصلح لحوال و ربي ينصر كل مضلوم .....تحياتي ..........سلاااااااااااام

[فارس الجزائري]

المشاركة الأصلية كتبت بواسطة اشراق الفكر

يافارس في هذه الحالة الأم عافية و خاطيها و متحملة المسؤولية كاملة

البنات شادين فامهم و باين قالتلهم امهم ما تهدروش

وهذا هو مربط الفرس
فلو طلبوا منها بطريقة ودية وأشركوها في كل صغيرة وكبيرة في المنزل مهما كانت ورفضت المشاركة هنا نقول أن الزوجة ليست لبقة ولذ أرى أن هناك حلقة مفقودة هي التي تجعلني أقول عليكم باشراكها بطريقة ودية لأنه لا يعقل أن تكون لمدة 10 أشهر واضعة رجل على رجل على الأقل طيبة قهيوة ولا غسلت لمعنات
على حاسب الأخت اشراق والأخت نجمة مدمرين من الكناين

[sarl02]

والله العيب ليس فيها بل على الراجل الي راه متزوجها ...............الرجلة طارت بيها الحمامة الا من رحم ربي ...كون جات تعمل احساب لزوجها والله ما ادير هكذا.

[جسور المحبة]

حتى هي من وجهة نظرها راهي تخدم مدام عندها سكن خاص وممكن وجهة نطرها معقولة بصح في امور المطبخ لازمها تتولى لانو حتى في سكنها الخاص لازم تطبخ اما من جهة انها تساعد امك المسنة فهذا يتوقف على مبادىء الزوجة بلا ما تقولولها على كل حال ماتعتمديش عليها وما تقوليلهاش على القضيان لانك اذا قلتيلها تقوللك انا جيا نخدم داري وزوجي مش نتوما اما على الطبخ شوفي باسلوب مليح ولبق كيفاش تقنعيها ويكون بالدالة وربي يهنيكم لانها تاني هي ممكن راهي في ضغط بما انو زوجها مش معاها

[samirovich]

المثل يقول سكتنالو دخل بحمارو
زوجة أخيك سكتلولها دخلت بحمارها

[الامل في الله]

من خلال تجربتي الزوجية فكل يحكي المشكل بطريقته فانت تقولي انها لا تساعدكم و انها و انها لكن لو شكت هي لربما قالت انكم لم تدعوا لها مجالا او غير دلك صراحة آه من السلفات

[نجمة ساطعة]

المشاركة الأصلية كتبت بواسطة amall

من خلال تجربتي الزوجية فكل يحكي المشكل بطريقته فانت تقولي انها لا تساعدكم و انها و انها لكن لو شكت هي لربما قالت انكم لم تدعوا لها مجالا او غير دلك صراحة آه من السلفات

تبانلي الامة كل راهي تعاني

[salima2231]

أختي الكريمة هذه مشكلة الساعة تقريبا الكل يعاني منها ،الأن هي زوجة أخيك و ما يتوجب عليك هو البحث عن حل و ربما قد يفيدك بعض الأعضاء ،أما عن رأى أن تطرح القضية و دون أي غضب أو ما شابه يعني أن تتكلمي معها بهدوء و كأنها أختك ، وفي حالة أستمرارها عل هذه الحالة أرى أنه من واجبك أن تخبري زوجها ( في وجه أمك ) و يكون هذا بمواجهتها أمام زوجها و بشكل هادىء دون مشاكل و إدا لم تستجب أدعي الله أن يهديها و الله المستعان.

[charachoucha]

انا رايي كون جاو هاد السلفات ماشي ناس ملاح كون راهم دارو معاها هوشة و كملو 10 اشهر انا نظن كون جاو سلفاتها قباح كون ماراهمش ساكتين لحد الان
هي اللي حلاتلها بصح حتى و انهم مايقولولهاش اخدمي او مهما كان السبب كون جات صح بنت فاميلا متقدرش تشوف امراة كبيرة تخدم في الشغل و ماتعاونهاش هدا كون جا المعدن نتاعها اصيل