طريقة صنع البوف واخيرا - الصفحة 2

Afakmax · 2011-09-25, 14:22

اقتباس:

المشاركة الأصلية كتبت بواسطة mimitaha

يعطيك الصحة جاك ماشاء الله
مي شفت تاع الطماطم ثاني بليبونج وقماش تابع للصالو يدو فيهم لعرايس عدنا 2الحق خفاف متقنين وتقدري تغيري لقماش الفوقاني نشاء الله نصورلكم وحد وتشوفوه

ان شاء الله اختى الكريمة

حميدة 84 · 2011-09-25, 17:15

زينب81 · 2011-09-25, 17:56

اختي ربي يبارك في يديك ___حابة نعرف منين غلفتيه وكملتي كيفاش درتي لهدوك الخطوط من فوق __وايضا الزر اللي في الوسط___فهميني من فضلك

Afakmax · 2011-09-25, 19:23

اقتباس:

المشاركة الأصلية كتبت بواسطة زينب81

اختي ربي يبارك في يديك ___حابة نعرف منين غلفتيه وكملتي كيفاش درتي لهدوك الخطوط من فوق __وايضا الزر اللي في الوسط___فهميني من فضلك

عزيزتى الغلاف نتاعو ساهل الكتان نتاع البساطلت حنا نقولولوا الرابس اما الغطاء الخطوط مصنوعة من خيط cotton perle بالابرة والخيط لما تعمرى بالصوف تولى منفوخة دخلى الابرة فى الوسط وتعملى كى النجمة اما الزر فهو من الصوف ايضا تاخدى قطعة صغيرة من الكتان وتعمريه بالصوف وتجمعيها على شكل كرة صغيرة ودخليها فى الوسط اى سؤال انا فى الخدمة

زينب81 · 2011-09-26, 20:07

حبيبتي اولا شكرا على ردك ___اريد ان اسالك سؤالين من فضلك_____بالنسبة للزر في الوسط لما دخليته كيفاش جبدتيه باش جا وكانو مثقوب فالوسط اي نقصد من وين خرجتي الخيط_________سؤالي التاني شحال من قارورة حطيتي ___وانت قلتي ايضا انك حطيتي كرتون لحظة مافهمتش هدي تاني لانو كرتونة لحظة اصغر من حجم القارورات________________وسمحيلي على الازعاج وشكرا جزيلا

Afakmax · 2011-09-26, 23:38

اختى الكريمة لا مشكلة عندى خيركم من تعلم شيئا و علمه و تعم الفائدة بالنسبة للزر تفصلى قطعة قماش دائرية ثم تعمريها بلصوف و تخيطيها على شكل كرة تخلى الخيط لاصق مع الابرة ودخليه فى الوسط نتاع غطاء البوف على فكرة الزر هو اخر شيئ تخيطيه اما بالنسبة للقارورات عددهم 5 وواحد فى الوسط نرجعو للكرتونة حليها كامل قسميها على زوج ثلاثة يجوك فى جيه والاخرى منالجهة الثانية ولسقيهم بالسكوتش دورى كمل السكوتش على الكرتونة نشاء الله تكملىيه كامل باش يجيك متين ات شاء الله تكونى فهمتى

** موحدة 02 ** · 2011-09-27, 14:54

و الله ختي عجبتني خدمتك خاطر أنا عندي مشكل كبير القارورات بزااااااااااااااااااااااااااف وعييت نرمي وما كملوش
المهم بغيت نسقسيك القارورات تاع الكوكا الكبار ينفعو ؟ و الشكارة تاعش ،تع فرينة الصغيرة؟ و تاني الكرتونة تع اللحظة نديرها بينات القارورات أو ندورها بالشكارة كااااامل ؟خاطر التصاور ما بانوليش مليح

هاجر 76 · 2011-09-27, 18:14

ما عندى ما نقول روووووووووعة يالحبيبة عمل الله يبارك متقون
يعطيك الصحة

ابتهال 4 · 2011-09-27, 18:17

مشكورة اختي سلمت يدا
بصح حبيت نسال على القارورات ما يتلبزوش يعني عند الجلوس لفترات طويلة
وخاصة مع الاطفال راح يبقاو ملاح
اما صناعة البوف بعلب الطماطم قلتي يكون صغير يمكن عمل دورين فوق بعض ويجي مليح وطويل
بهذه الكيفية نضع 7 واحد في الوسط وستة دايريين به ونغلفهم بالكرتون جيدا من الجوانب ومن الاسفل ومن الفوق
على مرتين
ونضع الاول فوق الثاني ونغلفهما معا بالكرتون كي يتشدو في بعض ثم نغلفهم بالبونج والكتان تاع الشهرة من فوق
ويجو متان

Afakmax · 2011-09-27, 19:45

اقتباس:

المشاركة الأصلية كتبت بواسطة takwa

و الله ختي عجبتني خدمتك خاطر أنا عندي مشكل كبير القارورات بزااااااااااااااااااااااااااف وعييت نرمي وما كملوش
المهم بغيت نسقسيك القارورات تاع الكوكا الكبار ينفعو ؟ و الشكارة تاعش ،تع فرينة الصغيرة؟ و تاني الكرتونة تع اللحظة نديرها بينات القارورات أو ندورها بالشكارة كااااامل ؟خاطر التصاور ما بانوليش مليح

مشكورة اختى على الرد بالنسبة للقارورات ما يهمش ادا كانت كوكا او فونتا او حمود المهم حجم كبير اما الشكارة نتاع 5كياو فرينة او سميد الكرتونة دوريها على القارورات و شديها بالسكوتش

Afakmax · 2011-09-27, 19:48

اقتباس:

المشاركة الأصلية كتبت بواسطة ابتهال 4

مشكورة اختي سلمت يدا
بصح حبيت نسال على القارورات ما يتلبزوش يعني عند الجلوس لفترات طويلة
وخاصة مع الاطفال راح يبقاو ملاح
اما صناعة البوف بعلب الطماطم قلتي يكون صغير يمكن عمل دورين فوق بعض ويجي مليح وطويل
بهذه الكيفية نضع 7 واحد في الوسط وستة دايريين به ونغلفهم بالكرتون جيدا من الجوانب ومن الاسفل ومن الفوق
على مرتين
ونضع الاول فوق الثاني ونغلفهما معا بالكرتون كي يتشدو في بعض ثم نغلفهم بالبونج والكتان تاع الشهرة من فوق
ويجو متان

خدميهم على مسؤوليتى ما تحسى بوالو متانة وصلابة انا عندى اثنين رانى حاطتهم فى الصالة بالنسبة لعلب الطماطم خدمتهم اختى وما عجبونيش كيما القارورات

ابتهال 4 · 2011-09-28, 09:16

شكرا اختي عالنصيحة والله غير نجربهم على خاطرك
لكن ايضا بالعلب يكونو جيدين لو نقدر نصورهم على خاطرك واعيطيني رايك من بعد
يجو صغار وكبار

مطيعة الرحمن · 2011-09-28, 13:49

** موحدة 02 ** · 2011-09-28, 23:43

الله يخلييك و نشاءالله نجربهم و نديرلك التصاور يا التيارتية الفحلة

يقيني بالله · 2011-10-10, 12:08

الف شكر انجاز هايل