القطب الجامعى ........المسيلة ...........

[صلاح الفقير]

وين راك يا بوبكر

[بوبكر28]

اسمحلى والله نسيت روحى
اذا حبيت اعطينى سكيب تاعك نهدر معاك

[المُصمم]

نحبكم أُكُل ونتمنالكم الخير

[امال العمالية]

سلام
انا نقرا في القطب سنة 2 بيولوجيا ل م د مي مزال ماكمالتش الاشغال فيه و المخابر مزال مرحلهمش و النقل يعني راه يسلك اما الاقامة مشفتهاش فانا مقيمة في حسوني يعني مرات مليحة مرات .... بعد الاجتماع مع مدير الاقامة و القرارات الي خرجو بيهم وكان يطبقوهم تولي حسوني 3 فندق 5 نجووم

[بوبكر28]

.....تولي حسوني 3 فندق 5 نجووم
ههههههههههههههههههههههه

على جال شوية بطانيات و خدمة الانترنت وتقليص لشان انتاع الريسطو هذون كامل ميخلوش حسونى
تكون عندها نجمة وحدة فما بالك الخمسة
المهم هذى وجهة نضك وانا احترمها

[عبد النور من المسيلة]

كلمة ريبة ومزعجة في الحقيقة انا لا أدرس في القطب لكن اصدقائي قالولي على الجال القطب هدا او الدوار كيما يسموه نبطلو ا القرايا قالولي ميزيرية رم انتهم ميش مقيمين فيه يقراو فيه برك بصح قالولي رانا كرهنا حياتنا فيه يا أخي واش نقلك تحيا حســـــــــــــــــــــــــــــــــــــــــــــــو ني هدي هيا حسوني ثقافة وكل شيء بصح القطب كلمة مزعجة والله؟؟؟؟؟وهدا الكلامة بكل بين قوسين

[علم و أخلاق]

السلام عليكم ، طالبة سنة ثانية اعلام اليLMDمن المسيلة و نقرا في القطب، مانيش دايرا اقامة و قليل وين نتغدا في القطب الاخ بوبكر سألت :"واش شعوركم كي تسمعو على القطب "،و جوابي : تبانلك راك رايح للتقدم و بالفعل كي توصل و تشوفو يبانلك رائع من حيث البنايات و خاصة المنطقة اللي تبنا فيها (ولاد بديرة) تقول راك مسافر كي تشوف الدرك و نلاحظوه ناقص شوية في الاشجار لانو مزال جديد و هذي الحاجة تعوضها كي تشوف الخلفية نتاعو (اشجار المشمش و جبال ) لكن ماتقدرش تقعد فيه الديقوطاج فوق العادي لانو جميع تلاميذه علمين و كاين ل م د بزاف يعني معضم الوقت مع القراية و كي يبقى وقت الفراغ جميع الطلبة اما يروحو للدار اما يروحو لجامعة محمد بوضياف و لانو مزال جديد كاين بزاف المشاكل مثلا قبل العام الجديد مكانش التدفأة و ضرك رانا ملاح و من جيهة انا نشوف القطب مليح غير حاجة انو بعيد يعني نطول باه نوصل و الحمد لله تاني كاين النقل و انا نقول هكذا لانو مانيش دايرا اقامة لكن لوكان راني دايرا الاقامة متأكدة بلي رايحة نقول العكس لانو مهما يكون متوفر رايحة ماتعجبنيش الاقامة مكانش خير من الواحد يبات في دارهم و عمرها مكانت الاقامة فندق 5 نجوم و اللي راهم مسوفرين نقولهم ربي يكون في العون.
حاجة ممكن نضيفها انو عمرها مكانت القرايا ساهلا او تجي وحدها لازم هنا نجري و نتعبو باه نوصلو للعلم ، و كل ماتتعب تلقا .المهم تستغل الوقت في الحاجة اللي نتنفع و خلينا نتفكرو غير طلبة اعوام 80 و 90 او نسألو الاساتذة الكبار اللي يقرونا كيفاه كانو يعانيو باه يوصلو للجامعة بما انو النقل مكانش متوفر لا الاطعام مليح و لا الكتب متوفرة و كانو يقراو مليح و يحقو اعلى النتائج و كل التعب راه جايب نتيجة و كانو مطلوبين في كل الجامعات في الوقت اللي حنا متوفر كلش و نشكو من قلة التجهيزات ، و نحوسو يوفرولنا اساليب الترفيه خلينا نكونو واقعيين لوكان جينا نسلكو حقوق التمدرس كيما الجامعات الاجنبية ساعتها صح الاقامة تولي فندق 5 نجوم و لكن اللي ماعندوش مايقراش !!!و جوابي العام على سؤالك :

"ارضــــــــاء النــــــــــــــــاس غـــــــــــاية لا تــــــــدرك "

اروع ما يكون فى العمر اخاء

ولكن الاروع ان يزهو بالوفاء

واروع ما فى القلب نبضات

ولكن الاروع ان ينبض بالدعاء

فيااا رب أسعدنى وبما يرضيك اشغلنى

و باعلى جناتك اسكننى وبما فيها من نعيم متعنى

[brina]

صلاح الفقير انت سنة ثانية بيولوجي ل م د وانت اسمك صلاح الدين وانت ديليقي نتاع السيكسيون وانا نقرا معاك خخخخخخخ راني نعرفك:d

[صلاح الفقير]

kafoukafou1

[صلاح الفقير]

راك تلقى اسمي كريم

[صلاح الفقير]

اعطيني اسم ***** نتاعك ادا قدرت

[بوبكر28]

انا نقرا في الجامعة ومقيم في حسونى
انا جربت الاقامة في القطب صدقنى فرق كبير كبير
من حيث كل شئ

[الأمين احمد]

السلام عليكم ورحمة الله اما بعد فيا اخوتي انا طالب شعبة miسنة اولى ولكن والله من باب الانصاف ربما صحيح ان القطب من الناحية التحتية مازال 40% من الاشغال لم تكتمل كما اطلعني احد التقنيين السامين هناك ولكن من ناحية البيئة وراحة البال فلا الجامعة تنافسه ولا الاقامات تنافس اقامات هذا الاخير من حيث سعة الغرف (شخصين فقط) اما بالنسبة للوسائل الترفيهية فان شاء الله نامل ان تكون في العامين المقبلين متوفرة لسببين: اولهما ان رئاسة الجامعة ستكون في القطب وثانيهما ان الدولة في هذه المرحلة تركز على كليات الهندسة لانه قد مسها النظام الجديد ولا داعي لان نخوض في تصرفات الطلبة الذين والله احيانا احسبهم اضل من الانعام سبيلا كونهم انتم اعلم بما يجري في المطعم والاقامة وحتى المدرجات

[المُصمم]

بسم الله وكفى والصلاة والسلام على حبيبه المصطفى محمد (ص) :
القطب الجامعي المسيلة
رائع إلا من سولت له نفسه الإساءة إليه

[المُصمم]

بسم الله الرحمن الرحيم
القطب الجامعي المسيلة
رائع إلا من سولت له نفسسه بإهانته
هذي هي أحوال الطلبة ولتعلموا أن إرضاء الناس غاية لا تدرك
فحياتك الجامعية من صنع أفكارك هل وضعت نفسك يوما عميدا للجامعة كيف يمكنك أن تحتوي مشاكل الطلبة وليكن في علمك أنك كنت خلال حياتك الدراسية تلميذا مقيدا بأوقات معينة طوال الحياة الدراسية وبعد نيلك BAC أصبحت طالبا جامعيا وأصبحت حياتك الجامعية من صنع أفكارك وبذلك صار لديك متسع من الوقت لا تستطيع التحكم فيه بصورة أوضح : ألم يتغيب عليكم الأساتذة في مرحلة الثانوي والمتوسط فلِم لم تحس بالفراغ الروحي الذي تعيشه الآن في الجامعة لأنك كنت غير مسؤول على ذلك الوقت وأنا متأكد أنك لن تجد قليلا من الوقت قريبا أي عندما تتأقلم مع هذا الجو الجديد