حياتي حجييييم لآ يطآآآآق

[ألمـ وعشناه ...]

المشاركة الأصلية كتبت بواسطة ياربي اني راضية

ختي العزيزة ربي افرج عليك ومدام عندك قرايتك حاولي باه ماتتاثرش وادرسي مليح باه تجيبي العام في العام وماتقوليش الزواج هو المخرج وعندك لتقبلي من والا وتحصلي نادمة المهم ربي اعطاك سلاح في يدك الي هو قرايتك وماشاء الله طب راكي هايلة ديري قرايتك في بالك وسنين تجري وتتخرجي تولي بشهرتك ماتسحقي حتى واحد وزيد بلاك ربي دارك عون لامك باه تساعديها في المستقبل وتخرجيها من المشاكل ولا تقنطي من رحمة الله وانتي اختي عندك مجخرج الي هو قرايتك اتخيلي اذا كنت ماتقرايش كيفاش تكون حياتك وسعي بالك وامني بربي سبحانه انوا افرج عليك وان بعد العسر يسرا وقال تعالى (من يتق الله يجعل له مخرجا ويرزقه من حيث لايحتسي )وانا متاكدة باذن الله راح يكون ليك شان عظيم وديري ربي في بالك وزيد حنونتي كثري من الاستغفار والله غير ربي افرج عليك

اللهم إني أستغفرك وأتوب إليك .... بارك الله فيك اختي على الكلمات الرائعة

[ألمـ وعشناه ...]

المشاركة الأصلية كتبت بواسطة تـَـرَآآآنـِـيـ{}ـمـْ.~

فرج الله همك
و أبعد الحزن على قلبك

آآآآمين يا رب

[ألمـ وعشناه ...]

المشاركة الأصلية كتبت بواسطة hafou

ربي يفرج كربك أختي.اهتمي بدراستك فهي سلاحك.

ان شاء الله

[ألمـ وعشناه ...]

المشاركة الأصلية كتبت بواسطة آثار طعنة

والله ما اقدرت انعلق...

هدا جحيم باتم معنى الكلمة

مصيبة الواحد ايغيش ويفرضو عليه يتاقلم مع التعاسة والحزن

والضحية دايما الاولاد

واش من بنا كي اتزوجو ادا ايشوفو اولادهم معقدين وماشي كي الخلق

ربي ايكون في العون وايفرج الهم والغم

آآآآمين يا رب

[ألمـ وعشناه ...]

المشاركة الأصلية كتبت بواسطة z.abdo

أختي العزيزة أقولك لك شيئا جميلا هو أن لك مستقبلا جميلا إنشاء الله هل تريدي تعرفي لمذا
ان سأقولك لمذا
بما أنك عشت بين المشاكل ورأيت الغلط والصواب في والديك ماعليك سوى ان تعرفي كيف في المستقبل ان تتعاملي مع زوجك ومستقبلك لأن الذي شاف الصعاب وتعلم منها وذاق مرارتها من الطبعي ان يبتعد عنها في مستقبل وسيهون في عينك اي مشكل بسيط لأنك رأيت الصعب وهذه هي التجربة في حياتك اللتي ستتعملين منها طول حياتك وتذكري شيء ان دوام الحال من المحال وستكون هذي المشاكل في يوم من الايام سوى حكايات تحكينها لأولادك .
وأعملك كذالك انك من بين البنات الكثيرات اللاتي لهن أكثر من مشاكلك وليس ليدهن أي فرصة مثلك لأنك تدرسين في الجامعة وهذا هو مفتاحك انشاءالله
أختي العزيز انت قلت انك انك تكتبين هذه الكلمات و عيونك تدمع وانا أقلول لك انا اكتب لك هذه الراسالة بعد ان فتحت رسالتك بعد صلاة الفجر وانا ادعولك بالفرج
وتأكدي اننا متضامنون معك بالدعاء نحن كل أعضاء منتدى الجلفة من قرأ رسالتك
أختي العزيزة أوصيك بآخر وصية ان تهتمي بصحتك ودراستك وكوني ذو عزيمة لنراك في المستقبل المرأة المشرقة . المشرقة بعد ان تتحدين الصعاب مشرقة بعد أن تصبري على الصعاب .مشرقة بعد ان تكافحي من اجل مستقبلك كاي فتاة
في الختام أرجوه الله ان يكون معك ويلهمك الصبر والعزيمة ونحن دائما بجنبك إن أحتجت لأي شيء
أخوكم عبدو.

والله ردك كان كالثلج على صدري .... والله حتى بكيت ... ربي يسمع منك ومن الأعضاء كامل اللي دعاولي وربي يرزقك اخي ويحييك الحياة السعيدة يآآآآ رب
و إن شاء الله يرزقني الله زوج صالح والله نحاول قد ما نقدر نكون زوجة صالحة لأنو صح اللي شاف وعاش فالمشاكل مستحيل يبني حياتو مستقبلا على المشاكل ......

[ألمـ وعشناه ...]

المشاركة الأصلية كتبت بواسطة amouna.dz

قال تعالى: فَإِنَّ مَعَ الْعُسْرِ يُسْراً * إِنَّ مَعَ الْعُسْرِ يُسْراً هذه بشارة من الله عز وجل
كل عسر يحدث للإنسان في العبادة يجد التسهيل واليسر، وكذلك في القضاء والقدر يعني: تقدير الله على الإنسان من مصائب وضيق عيش وضيق صدر وغيره لا ييئس فَإِنَّ مَعَ الْعُسْرِ يُسْراً [الشرح:5] التيسير قد يكون أمراً ظاهراً حسياً مثل: أن يكون الإنسان فقيراً فتضيق عليه الأمور فيوسع الله له الغنى، هذا تيسير حسي، إنسان مريض يتعب فيشق عليه المرض فيشفيه الله عز وجل هذا أيضاً تيسير حسي، هناك تيسير معنوي وهو معونة الله الإنسان على الصبر، هذا تيسير، إذا أعانك الله على الصبر تيسر لك العسر، صار هذا الأمر العسير الذي لو نزل على الجبال لدكها وصار بما أعانك الله عليه من الصبر صار أمراً يسيراً، أي: لا تظن أن اليسر معناه أن ينفرج شيء مرة، لا، اليسر أن ينفرج الكرب ويزول وهذا يسر حسي، وأن يعين الله الإنسان على الصبر، حتى يكون هذا الأمر الشديد العسير أمراً سهلاً عليه، نقول هذا: لأننا واثقون بوعد الله فَإِنَّ مَعَ الْعُسْرِ يُسْراً * إِنَّ مَعَ الْعُسْرِ يُسْراً


منقول من كتاب لقاء الباب المفتوح
__________________

جزاك الله خيرا أختي الكريمة ... ربي يجازيك ويسعدك يا رب

[ألمـ وعشناه ...]

المشاركة الأصلية كتبت بواسطة زهورالفل

والله اختي العزيزة وانا اقرء قصتك اندهشت لانها تشبه حد كبير جدا من قصتي ابي ولد خالت ماما وماما تيتمت صغيرة اداتها خالتها لولدها وشربوها المرار وصبرت على جالنا واليوم راها مريضة بالضغط وتشرب في دواء مدى الحياة وانا من اللي وعيت على هاد الدنيا دارنا غير العياط الزعاف المرار كرهولنا حياتنا عذبوناانا كنت ندرس وبسباب مشاكلهم رجعت ما نيش قادرة انركز جداتي توفات بصح وليدها دكتاتور بكل معنى الكلمة بابا في شمبرا ويما في اخرى خاوتي متفرقين لبنات كاين انا واختي اختي درست ونجحت واليوم راها طبيبة وانا ضيعت دراستي وكي قعدت في الدار قريب سوسيديت تعرفت بواحد اكبر مني ب17 سنة ورضيت بيه دون تفكير المهم نسلك من ذيك العايلة وتزوجتو واليوم عندي زوج اولاد وراني انخلص لانو زواج غير مناسب ابدا شفت الناس كيفاش عايشين انا بسباب مشاكلهم ما كانش عندي حتى حق اختيار شريك مناسب ما اود ان اقوله لك كوني كا اختي خلي هاذ= الظروف تقوي عزيمتك وتدرسي وتنجحي ما تخليهاش تكون سبب دمار حياتك كي تقري وتنجحي تخيري زوج بمواصفتك وبشروطك وكي تفشلي تولي سلعة لليسوا واللي مايسواش يتقلشو عليك ومن صميم قلبي ربي يصبرك وينجحك ويخفف التوتر في داركم

ربي يكون في عونك وعوني يا أختي ..... ان شاء الله ندي بنصيحتك ونهتم بقرايتي انا راني سنة رابعة يعني 4 سنين ونخلص قرايتي وان شاء نولي طبيبة واذا ربي كتبلي وخدمت كي النهار هذا يآآآآآآ رب ياآآآآآآآ رب ياآآآآ رب نروح للحج او العمرة وندعيلك ربي يفرج كربك وندعيه يحيينيا حياة سعيدة في طاعته وعبادته ...........

[abdellah36]

لازملك تعرف باللي اكثر العائلات الجزائرية تغيش في مشششاكل مشاكل احنا لنصنعوها بيدينا و خاصة النساء مع الاسف الانسان كيقعد وحيد ما عندوش معامن يهدر يجيه الشيطان و يبدا يوسوسلوا كيفاه ايدير المشاكل مع الناس تلقياه كلمة صغيرة خلاص يرجعها جرنان و يبدا يفاتن على جالها ...انت تقولي صح هديك اللكلمة عي الي ضراتوا مي الحقيقة انو انسان معقد و ممكن يكون مسحور و لا معيون.....يفاتن الناس كامل ما يعاشر حتى واحد و ما يعاشروا حتى واحد و كاين ناس تتطعاف معاه عن حسن نية لانو باباه و لا يماه و لا خوه ما يقدرش يقول بلي هو ما شي مليح .....الحاصون صدقني يا اختي بلي اكثر الناس لنعرفهم انا شخصيا عندهم هدا العقلية المشكل كاين كاين مهما يكن.......و انا انظن باللي الخل هو الموقف انتاعك انت من هدا المشاكل واش رايحة اديري وواش رايحة تقولي انا انظن باللي الحل هو انك تسيي تتعايشي مع هدا المشاكل و تعيشي حياتك و انتي نسيتها تماما .....ما تحاوليش ادخلي روحك باي شكل من الاشكال و من تناصري حتى طرف سواء كان ضالم او مضلوم اربحي الملاحة للجميع و ادعي ربي اخرجك من هديك الدار........
عندك كاين حاجة برك حاولي تكثري من قراءة القرءان و طلب العلم الشرعي و ادا اقدرت ترقي المنزل و افراد العائلة افعلي دلك فقد ثبت ايضا بالتجربة ان من اكثر اسباب هذه المشاكل هو السحر

[ألمـ وعشناه ...]

المشاركة الأصلية كتبت بواسطة asosa

اختي الكريمة اقدر الحياة الصعيبة التي تعيشينها والمعاناة التي تتكبدينها فلكل منا معاناته الخاصة لكن هذا لا يمنع في انك تنظرين للحياة بصفة ايجابية فكري في انكي في المستقبل ستكونين طبيبة ناجحة يحترمها الناس واخيرا اوصيك بتقوى الله واللجوء اليه في المحن والشدائد

لا إله إلا أنت سبحانك إني كنت من الظالمين ...... ربي يبارك فيك

[ألمـ وعشناه ...]

المشاركة الأصلية كتبت بواسطة اسماعيل الوهراني

لا حول ولا قوة الا بالله هوني عليك اختاه ان ما دكرتيه من عجائب وحسب روايتك انتي لست سببا في المشكلة وبارغم من كل هدا اجتهدتي وصبرتي وتفوقتي فجزاك الله خيرا ور زقك الصبر فاصبري وصابري و رابطي وادعي الله وسوف ندعو لكي حتى يقضي الله امرا كان مفعولا
شخصيتك قوية اسلكي طريق النجاح و سوف يتغير الحال..

والله محتاجة دعائكم

[ألمـ وعشناه ...]

المشاركة الأصلية كتبت بواسطة abdellah36

لازملك تعرف باللي اكثر العائلات الجزائرية تغيش في مشششاكل مشاكل احنا لنصنعوها بيدينا و خاصة النساء مع الاسف الانسان كيقعد وحيد ما عندوش معامن يهدر يجيه الشيطان و يبدا يوسوسلوا كيفاه ايدير المشاكل مع الناس تلقياه كلمة صغيرة خلاص يرجعها جرنان و يبدا يفاتن على جالها ...انت تقولي صح هديك اللكلمة عي الي ضراتوا مي الحقيقة انو انسان معقد و ممكن يكون مسحور و لا معيون.....يفاتن الناس كامل ما يعاشر حتى واحد و ما يعاشروا حتى واحد و كاين ناس تتطعاف معاه عن حسن نية لانو باباه و لا يماه و لا خوه ما يقدرش يقول بلي هو ما شي مليح .....الحاصون صدقني يا اختي بلي اكثر الناس لنعرفهم انا شخصيا عندهم هدا العقلية المشكل كاين كاين مهما يكن.......و انا انظن باللي الخل هو الموقف انتاعك انت من هدا المشاكل واش رايحة اديري وواش رايحة تقولي انا انظن باللي الحل هو انك تسيي تتعايشي مع هدا المشاكل و تعيشي حياتك و انتي نسيتها تماما .....ما تحاوليش ادخلي روحك باي شكل من الاشكال و من تناصري حتى طرف سواء كان ضالم او مضلوم اربحي الملاحة للجميع و ادعي ربي اخرجك من هديك الدار........
عندك كاين حاجة برك حاولي تكثري من قراءة القرءان و طلب العلم الشرعي و ادا اقدرت ترقي المنزل و افراد العائلة افعلي دلك فقد ثبت ايضا بالتجربة ان من اكثر اسباب هذه المشاكل هو السحر

صح يا أخي كلامك صح ............ بصح والله نسيي سعات كي ينوضو يتعاركو نقفل على روحي الباب باه ما نسمعش بصح والله ما نقدر تحكمني هذيك الخلعة ويولي قلبي يخبط بسرعة نحسو رايح يخرج من بلاصتو والله سعات يغمى علي خلاص .... والله كما درت مقدرتش نتأقلم الله غالب ....... الحل الوحيد نخرج من هذيك الدار ..... وعلى ذكر السحر .. ملازمش نربطو كل حاجة بيه مع انو سعات يجو قزانات للباب يقولونا بيكم عين ومنعرف واش بصح ديما نحاوزوهم من الافضل منسمعولهمش ..... ربي يثبتنا ان شاء الله

[abdellah36]

السحر خقيقة ما يقدر ينفيها حتى واحد و كاين رسائل ما شاء الله في هذا الباب يعني الرقية الشرعية تقدري تشريعا و طالعيها و بعدين انت لترقي نفسك و البيت لراك ساكنة فيه و الوالد و الوالدة ادا اقدرت .....انا راني نتكلمكلك عن تجربة و الله في بعض المناطق السحر صو نبيتي كما يقول القور .....و اكثير من العائلات تغيرت حياتها بعد الرقية الشرعية ........
و اما الخوف فسببه المثالية الي راك عليشة فيها اخرجي من عالم الخيال الى عالم الحقيقة ......عندما تقولي انك تغيري كي تسمع الناس يهدرو على عائلاتهم هدي مثالية و خيال.......لازملك ترضاي بالواقع و تبعدي على هدي الخيالات .......الامر الثاني لازملك تربحي الملاحة للجميع كيما قتلك و ما تخسري حتى طرف و ما تخليش العاطفة تغلبك خاصة لصالح الطرف الضعيف ..........الامر الثالث تاكدي ثم تاكدي ان المشاكل موجودة في كل العائلات كما قتلك وحتى و ان كانوا ما يبينوش.......

[اناناسة]

السلام عليكم ، أسأل الله عز و جل أن يلهمك الصبر على ما أنتِ فيه أختي ...و أسأله أيضا أن يلم شملكم و يزرع في قلوبكم الرحمه و الطمئنينه ...آمينَ ..آمين ...لا تحزني أختي و أحمدي الله كيفما كان الحال.

[abdellah36]

مرة نسمع في حصة في اداعة البهجة بلاك على 2 تاع اصبح يتصل شخص ايقول انوا عايش في عائلة غنية و عندوا اخوة و كل واحد بالغرفة انتاعوا يقول بلي يهدر مع باباه و خاوتوا غير في العيد برك يعني ايسلم عليهم و قولهم صح عيدكم اما في الايام الاخرى فلا سلام و لا كلام مع انو ما هو ما عادي حتى واحد....يعني باختصار عقليتهم هكدا...ما يحبوش واحد يدصر لاخر.....و لكان يدصروا راهوا يولي يتخاسر معاه......يعني اتصور هدوا الناس كيفاش عايشين ...سبحان الله...
كاين مرة وحدة اخرة فتاة من تبازة تتصا باداعة المتيجة باش تحكي مشكلتها للمفتي اتقول انو امها تكرها هي و اخواتتها و تضل تدعي عليهم و تعاير فيهم و تهين فيهم بكل الاشكال......تقدري تتصوري ام مثل هدي.....
هدا النمادج تخليك تحسي انو المجتمع انتاعنا ما زال مجتمع جاهل ...طريقة التفكير تميل دائما نحو العدوانية بالنسبة للطرف الاخر خلافا لما يجب ان تكون عليه من المحبة و المودة و العاطفة ......وهدى موجودة عند اغلب الجزائريين مع الاسف...

[narimane1991]

ربي يفرج همك ان شاء الله و يرزقك السعادة واكتري من الدعاء حبيبتي و ان شاء الله تلقي الفرج