سأعاني من فقدان الذاكرة يوم الأحد

[ورثان الجنان]

المشاركة الأصلية كتبت بواسطة la belle sarah

يا اخي انا الحماااااس اللي بداخلي مانقدرش نوصفو وفي نفس الوقت
الضغط والتخوف
وكاني راح نعقب الباك غدوا

صدقيني والله مارايحين تستفادو والو دوكا
تطفروها غير في ارواحكم هذا مكااااااان
راني جوزت عام وعلابالي كيفاش راح يكون
وإن شاء الله مايكون إلا الخير هذا مكااااااااان
ماتتقلقوووووووووووش برك

[صفا الروح ايمانوو]

لا تقلقي اختي فريال العام الماضي لم يضعوا لنا تقويم هههه حتى اني والله نسيت امره لا يهم مجرد تقويم فقط المهم نحضر جيدا للبكالوريا الله يوفقك وينجحك بدراستك يارب

[kader 13]

نعطيك حل شباب النهار لول متروحيش ........هذا هو ميسقسوك ما تسقسيهم

[ورثان الجنان]

ههه ولا كيما قال الأخ kader هذا هو الحل الأمثل ههه
بالتوفيق اختي

[ورثان الجنان]

كلام الأخ kwaydar كافي شافي
بارك الله فيك خويا

[قمر الزمان رؤية]

علابالك فريال قلقتينا معاك اكثر ما احنا مقلقين

ربي يستر

[نرجس المنتدى]

مام انا رانا كيف كيف اختى

[فريال المحتاجة عفو الله]

المشاركة الأصلية كتبت بواسطة faysel01

ادا كنت فاهم دروس العام الماضي كما يجب غيل تطل عليهم تبدا تتدكر بالشوية انت تحسب روحك انسيتهم مي بسرعة تتفكرهم و الله المستعان.

ان شاء الله ... دائما أقول هذا و صراحة أعاني قليلا لكنني أجيب بطريقة عادية إنها مجرد تخوف و سيزول بإذن الله
ربما لم تفهموا قصدي، لا أبحث عن العلامة و لا أريد أن تكون أجوبتي صحيحة فقط لا أريد أن تهتز ثقتي بنفسي و لو قليلا

المشاركة الأصلية كتبت بواسطة madoelodie

تقويم واش هههه ؟ انا جامي حضرتلو بصح نحضر للتصحيح برك

شكرا على المرور أخي و ان شاء الله نسمعو على بعض أخبار طيبة

المشاركة الأصلية كتبت بواسطة raoufit

يا أختي صدقيني لا يوجد من يحس بك و يهتم بأمرك أكثر من والدتك
فحتى إن لم تبين لك ذلك فتيقني بأنها تحس بك و هي مهتمة بأمر الباك أكثر منك
إذا كنت متشوقة للباك و الدراسة فهي متشوقة أكثر منك لرؤية ابنتها تنجح في هذا الإمتحان
وفقك الله أختاه و لا تنسي أن ترضي والديك قبل إرضاء نفسك

أعرف يا أخي و الله يدوملنا جميع الأمهات و الله أمي فعلا متحمسة و لم أقل غير ذلك حتى أن أملها في جد كبير ( ان شاء الله ما نخيبهاش ) أنا تحدثت فقط عن هذه الفترة تقول لي دعي حماسك لنفسك و دعيه حافزا لك لا أمرا سلبيا
هذا ما قصدت .... " الجنة تحت أقدام الامهات "

المشاركة الأصلية كتبت بواسطة med-18

اختي ثيقي بالقدرات ديالك وإن شاء الله مايكون غير الخير
والله عام راائع وبيفيه يجوز
دك نهار الأحد ندخلو حتى نولو في جوان وتقولو البارح برك دخلنا نقراو
وتتمناو لوكان نهار الباك يطول شوية باش تحفظو وتراجعو أكثر وأكثر
يعني لازم التحضير من أول يوم
بالتوفييييييييييييييييق للجميع

أجل سمعت أنه عام يمضي سريعا و يحمل في طياته الكثير من الأحداث التي تصبح فيما بعد ذكريات لا تنسى بإذن الله

المشاركة الأصلية كتبت بواسطة la belle sarah

يا اخي انا الحماااااس اللي بداخلي مانقدرش نوصفو وفي نفس الوقت
الضغط والتخوف
وكاني راح نعقب الباك غدوا

رانا كيف كيف سارة الله يجيب الخير

المشاركة الأصلية كتبت بواسطة kader 13

نعطيك حل شباب النهار لول متروحيش ........هذا هو ميسقسوك ما تسقسيهم

ههههههههه كيف هذا ؟؟؟ يكاد الحماس يقتلني و أنت تطلب مني عدم الذهاب !!! غير ممكن أخي
على كل شكرا على المرور العطر

المشاركة الأصلية كتبت بواسطة kwaydar

اظن انكي تستبقيين الاحداث يااخي بزاف انتي شكون قاللك بلي رح تجي اسئلت التقويم صعيبة و شكون قال لك بلي مكنيش ريحة تجاوبي بجادارة و استحقاق لو استمريتي بهذا التفكير الضيق مانكيش رايحة تروحي بعيد و مانكيش رايحة تجيبي الباك قاع لازم توثقي بربي و بنفسك

لالا ليس تفكيرا ضيقا ... يبدو أنني أخطأت حين وضعت هذا الموضوع ... ثقتي بالله عز و جل و من ثم نفسي لن تتزعزع بإذن الله ... فقط مجرد تخوف بسيييييط
شكرا لك

المشاركة الأصلية كتبت بواسطة قمر الزمان رؤية

علابالك فريال قلقتينا معاك اكثر ما احنا مقلقين
آآآسفة أختي لم أقصد إزعاجكم بموضوعي هذا
ربي يستر

المشاركة الأصلية كتبت بواسطة نرجس المنتدى

مام انا رانا كيف كيف اختى

بارك الله فيك على المورور أختاه

[Anfel m]

والله يا اختي انا اعاني من نفس المشكلة .. لكني مؤخرا قررت عدم التفكير بهذه الامور لانها ستقلقني و لن استفيد منها شيئا .. فمستواك لن يحدد بالاعتماد على تقويم بداية العام ... المستوى الحقيقي سيظهر على مدى العام الدراسي و سيترجم يمجهوداتك و تفانيك في تحقيق النجاح ..

[فريال المحتاجة عفو الله]

شكرا لك أختاه و ان شاء الله نثبتوا مع مرور العام أننا قادرون على افتكاك الشهادة و بامتيااااااااااااز ( ياااا رب لي و لكم )

[kader 13]

كلش يفوت إن شاء الله

[tima94]

أنا كذلك أختي .. لقد عبرتي على حالتي بمعنى الكلمة ^^ أنا كذلك متخوفة من الأسئلة التقويمية لكن ما يخيفني أكثر هو أستاذة العلوم الطبيعية لأن تقويمها شفهي ربي يستر برك .. وفقك الله أختي وأزال عنك و عنا الخوف إن شاء الله

[قمر الزمان رؤية]

هههههه وشكون قالك ازعجتينا ؟؟

انت عبرتي عما بداخلنا فقط ، فشكرا جزيلا لك

لكن الامتحان التقويمي لا يكون في اليوم الاول

خصوصا الكتابي ، يكون بعد يومين او ثلاث

و ربي يوفقنا اجمعين ان شاء الله

[Emo Princess]

كنت أعتقد انني نسيت كل شي
لكن بمجرد حل بعض تمارين الفزياء ،، اعتدت على الامر حيث بدات الافكار تخرج لول
فعلا اشتقت لتمارين الطاقة الكامنة و الطاقة الحركية ،، متزلج و يصعد و كرة تنزلحق و نوااس ♥♥♥
راجعت القليل من الطاقة ، ثم سوف أراجع المغناطيس و العدسات و أكون قد انتهيت من الفزياء
في بدئ الأمر قد تعتقد انتك نسيت لكن بمجرد البدأ لن تندم ،، خاصة ان كنت قد درست جيدا سنتك الثانية ،، Good luck

[✗ ┋ وَړْﮃَةُ آلـﭴَزآئـړْ ┋ ✗]

وعلاه تخلعوا في رواحكم هكذا
أنا كل التقويمات التشخيصية هردتها بمعنى الكلمة
ما عدا الفيزياء جبت فيه 14
غابتلي خلاص
تع العلوم قالتلنا ما نردلكمش الأوراق واحد ما جاب فوق المعدل
وتبالكم كنا نبكيوا؟؟؟؟؟؟؟؟؟ لا أبدا ضحكنا على رواحنا حتى كرهنا
العام طويل وتقدروا تقراوا فيه بكل راحة

أنا ما تقلقتش خلاص كي ما جبتش في التقويمات مليح عادي جدا
والحمد لله تحصلت على البكالوريا بمعدل 17
مالا لوكان ما تجيبوش مليح في الثلاثيات واش ديروا؟؟ تروحوا تنتاحروا ولا واش؟؟
غير والفوا من الآن ستأخذون صفعة في الثلاثي الأول لم تروا لها مثيلا سيت تصعيب الإمتحانات فوق ما تتصورون من أجل تقييم مستواكم أنا في الثلاثي الأول طحت بدرجتين في المعدل وكاين للي كان يجيب 13 ورجع يجيب 9
لكن من بعد في البكالوريا عادي جبنا كامل وبالمعدلات اللي كنا نحلموا بها والحمد لله
توجد صديقتي هنا في المنتدى لا أريد ذكر إسمها من العاصمة اختباراتهم كانت أصعب من اختباراتنا الأول فيهم يجيب 14 المعدل وهي كانت تجيب 13
لكن في البكالوريا الأولى جابت 18 وصديقتي هذه تحصلت على 16.95
لذا لا تقلقوا