كفى . إلى أين؟ تعالوا إلى كلمة سواء

[حنين 2011]

اظن ان 04 سبتمبر هو احسن تاريخ للاحتجاج والا نحدد تاريخا قبله

اما تاريخ 11 سبتمبر نكون قد تأخرنا ............

[bahiessoufi]

أنا مع الاخ بلال في أنه حتى ينجح الاعتصام الوطني يجب أن تسبقه وقفات أمام المديريات ليس الهدف منها هو تحقيق المطالب في حد ذاتها لأن الامر أعلى من مدير التربية لكل ولاية ولكن الهدف هو لم الشمل و احصاء الاساتذة الذين يرغبون في الحضور الى العاصمة و أخذ الاسماء كما قال الاخ بلال .
لكن التاريخ الذي اقترحه الاخ بلال متأخر قليلا يجب القيام بإغلاق المديريات خلال رمضان و يكون الاعتصام بعد العيد مباشرة 4 سبتمبر مثلا والله الموفق

[سفيان القاسمي]

نعم الرَأيُ
بارك الله فيك
نُنظِم أمورنا ثم نتّكل على الله

[العميري39]

يا الاخ بلال والاخ محمد 5 يجب ان تتفاهموا على يوم لان فكرة بلال فيها نوع من الصواب هي افضل ولكن فيها نوعا ما التاخر يجب يوم 4 سبتمبر تكون الوقفة الاحتجاحية واما اغلاق المديريات يكون في رمضان
الفائدة يجب ان نتفاهم ونكون يد واحدة لاتقهر

[benbrika]

السلام عليكم


سامحوني اخواني

كل منكم قدم رأي


انا لوكان جات بيدي و تاخذو رايي

نعيدو عند الوزارة تبهديلة لبن بوزيد

في بالي ستكون لها اثر في الراي العام


كلما كان التاريخ أقرب و قبل الدخول أفضل

و ذلك لشحذ الهمم

لمن لم يلتحق اليوم الاول يلتحق اليوم الموالي و يسمعون من الجرائد


و يوم 11 يكون التعداد قد اقترب من الاكتمال

[bahiessoufi]

المشاركة الأصلية كتبت بواسطة benbrika

السلام عليكم


سامحوني اخواني

كل منكم قدم رأي


انا لوكان جات بيدي و تاخذو رايي

نعيدو عند الوزارة تبهديلة لبن بوزيد

في بالي ستكون لها اثر في الراي العام


كلما كان التاريخ أقرب و قبل الدخول أفضل

و ذلك لشحذ الهمم

لمن لم يلتحق اليوم الاول يلتحق اليوم الموالي و يسمعون من الجرائد


و يوم 11 يكون التعداد قد اقترب من الاكتمال

صعب تجمع عدد كبير من المتعاقدين

[khaled 2010]

اقترح ان يحتمع ممثلو الولايات يوم الاربعاء في مقر وزارة التربية

ويبدأ احتجاج يوم الاحد 28 رضان الموافق لـ 28/08/2011

[زيزو0771]

ربي يفرج على كل مؤمن

[مراد حاج كولة]

سلام عليكم وبعد
ان الاستاذ بلال على حق وهو يقصد تنظيم الصفوف وكلما كان التنظيم جيدا يكون العمل جيد وله قوة اكثر وصدى اكبر...واذا كنت يا الاخ محمد5 انت لاتقبل الاراءهذه مشكلة ....شوية على الحنة وشوية على رطابة اليدين
في الحقيقة كنت انا وبلال وبن بريكة كنا نباتو في الشارع غدوا من ذاك النهار من تحركوش من شدة التعب وقلة النوم ولازم يكون العدد كبير ...ماشي نهار الصح تقول قلتلهم كامل وماجاوش وهما يقولو اه مسمعناش ...زيد على ذالك هل كل الاساتذة المتعاقدين يدخلون الى المنتدى والله اشك في ذالك لانه حدثت لنا من قبل
المهم احنى رانا نحكيو من اجل التحسين فقط ول تعلم ان بن بريكة يجب عليك ان تكون معه في اتصال وشكرا

[mhamed5]

المشاركة الأصلية كتبت بواسطة مراد حاج كولة

سلام عليكم وبعد
ان الاستاذ بلال على حق وهو يقصد تنظيم الصفوف وكلما كان التنظيم جيدا يكون العمل جيد وله قوة اكثر وصدى اكبر...واذا كنت يا الاخ محمد5 انت لاتقبل الاراءهذه مشكلة ....شوية على الحنة وشوية على رطابة اليدين
في الحقيقة كنت انا وبلال وبن بريكة كنا نباتو في الشارع غدوا من ذاك النهار من تحركوش من شدة التعب وقلة النوم ولازم يكون العدد كبير ...ماشي نهار الصح تقول قلتلهم كامل وماجاوش وهما يقولو اه مسمعناش ...زيد على ذالك هل كل الاساتذة المتعاقدين يدخلون الى المنتدى والله اشك في ذالك لانه حدثت لنا من قبل
المهم احنى رانا نحكيو من اجل التحسين فقط ول تعلم ان بن بريكة يجب عليك ان تكون معه في اتصال وشكرا

انا ايضا اقترحت رأيا و كل رأي قابل للنثاش. و يرحم والديكم خلونا من الاسطوانات نتاعكم. لي حاب يعاونا كثر خيرو و لي ما بغاش ما يقولش انا و انا.

[mhamed5]

المشاركة الأصلية كتبت بواسطة مراد حاج كولة

سلام عليكم وبعد
ان الاستاذ بلال على حق وهو يقصد تنظيم الصفوف وكلما كان التنظيم جيدا يكون العمل جيد وله قوة اكثر وصدى اكبر...واذا كنت يا الاخ محمد5 انت لاتقبل الاراءهذه مشكلة ....شوية على الحنة وشوية على رطابة اليدين
في الحقيقة كنت انا وبلال وبن بريكة كنا نباتو في الشارع غدوا من ذاك النهار من تحركوش من شدة التعب وقلة النوم ولازم يكون العدد كبير ...ماشي نهار الصح تقول قلتلهم كامل وماجاوش وهما يقولو اه مسمعناش ...زيد على ذالك هل كل الاساتذة المتعاقدين يدخلون الى المنتدى والله اشك في ذالك لانه حدثت لنا من قبل
المهم احنى رانا نحكيو من اجل التحسين فقط ول تعلم ان بن بريكة يجب عليك ان تكون معه في اتصال وشكرا

انا ايضا اقترحت رأيا و كل رأي قابل للنقاش.لكن التاريخ الذي حدده بلال متأخر .و قد لاحظت أراء الأغلبية انه متأخر. و يرحم والديكم خلونا من الاسطوانات نتاعكم. لي حاب يعاونا كثر خيرو و لي ما بغاش ما يقولش انا و انا.حنا على الاقل رانا نجرو هنا و هنا و المهم يكون ضميري مرتاح

[billalmagino]

المشاركة الأصلية كتبت بواسطة mhamed5

انا ايضا اقترحت رأيا و كل رأي قابل للنقاش.لكن التاريخ الذي حدده بلال متأخر .و قد لاحظت أراء الأغلبية انه متأخر. و يرحم والديكم خلونا من الاسطوانات نتاعكم. لي حاب يعاونا كثر خيرو و لي ما بغاش ما يقولش انا و انا.حنا على الاقل رانا نجرو هنا و هنا و المهم يكون ضميري مرتاح

شوف يا خويا محمد: راني فاهم الوضع هذا لي راك فيه بصح لازم تعرف بلي:
الرأي قبل شجاعة الشجعان ..... هو أول وهي المقام الثاني
الاحتجاج يشبه كثيرا الحرب ، لي شارك في حرب واحدة خير من لي ماشاركش ، ولي شارك في حربين خير لي شارك في حرب واحدة من ناحية الخبرة المكتسبة وطرق تسيير الحرب والكثير من الأمور لي كي تحتج فقط تعرفها.

الاحتجاج الماضي كان فيه ايجابيات نقائص ونتا تحوس تدير احتجاج وما راكش عاطي أهمية للتنظيم. التنظيم هو لي يخليك تنجح ولا يخليك تفشل.

علاه خيرت أنا التاريخ المذكور أعلاه :
04 سبتمبر كل أستاذ يكون عارف الحالة نتاعو مدمج ولا غير مدمج.
- اليوم الذي تفتح فيه أبواب مديريات التربية لاجتماعات المديرين .
- انطلاق الأشغال الادارية : ( مراقبين مقتصدين ،مديرين).
- الاحتجاج أمام مديرية التربية يخليك تعرف شكون هاذون الأساتذة لي راك رايح تعيشين معاهم وتبات معاهم على الكرتون ( إذا لقيتوه)، وراك رايح تحكيلهم ويحكولك قصة حياتهم. كاين الكثير من الولايات لم يحتجوا أبدا ولا يعرفون كم هو عددهم ؟ لا يعرفون بعضهم ؟ لم يحتجوا من قبل أي لديهم خوف من المجهول.
- 04 سبتمبر أيضا يكون قد حل الفطر أي لا سبب لمن لم يأتي ، فمن رفض الاحتجاج أمام المديرية مستحيل يحتج أمام رئاسة الجمهورية.
04- سبتمبر رايح يخليك تنسق مع المكتب الولائي تاعك باش يكون التحرك إلى المرادية منظم ومحمي قانونيا.

ثانيا يوم 11 سبتمبر:
دخول التلاميذ إلى حجرات الدراسة.
التغطية الاعلامية من التلفاز والصحف والاذاعات ومراقبة السيد الرئيس شخصيا.
لا حجة لغياب الاساتذة أهل الاختصاص الذي أدمجو ، لأن أي تاريخ قبل 11 سبتمبر تكون فيه الحالة غير واضحة لكل الأساتذة بما فيهم من استلمو التعيينات لأن تاريخ تنصيبهم سيكون 06 أو 07 سبتمبر.
التعب مشكل كبير أثناء الاحتجاج ( في الاحتجاج الماضي كنا حوالي 700 أستاذ ، والله غير توصل الحالة حتان مانقدروش نهدرو مع أقرب الناس لينا بسبب فقدان الصوت .
المبات على الكرطون يخلي كل حاجة فيك توجع ( صح رانا قاع موالفين) بصح بالنسبة لشخص من 08 صباحا حتان لل 06 مساءا وهو يصرخ ويردد في الشعارات وفي مشادات مع الشرطة والاستفزاز من بعض الاشخاص يخليك على تستطيع الحراك.
في المرادية أنا كنت ناكل كل 2 سوايع وماكنتش قادر نرفد روحي والله من دون حشمة.
مواجهة الشرطة وتحديهم وغلق الطريق وترديد الشعارات في الحرارة العالية مستحيلة على شخص صائم.
والأهم من هذا قاع : كنا في العطلة ، وكل أستاذ عندو تعيين تاعو، ومن 48 ولاية ، وجميع أصناف الأساتذة والعدد تاع الأساتذة كان حوالي 50000 أستاذ حضر منهم 600- 750 على أكبر تقدير ،
معناها راك رايح تواجه مشكل في عدد الأساتذة.
لازم تدير الأمور هذي في بالك ، ماتفكرش بالعاطفة، عاصمة كاملة مافيهاش ألف أستاذ متعاقد؟ جاو منهم 12 أستاذة وأستاذ تاع انجليزية.
التغطية الصحفية الكبيرة ( ربي يحفظ الخبر والوطن) والله ما خلات العدد تاع الأساتذة يزيد، نفس الأشخاص ونفس الوجوه.
أنا راني ننصح لأني عشت هذاك الوضع وكي أعلنوا الادماج سألت واحد قتلوا حضرت الاحتجاج؟ قالي علاه دارو؟ وين؟
ما تغركش الردود لي راها هنا ، أغلب الأساتذة لي كنت نسخسيهم كيفاش جيت هنا للمرادية قالولي اصحابنا قالونا وكي قلتلهم منتدى الجلفة ماشفتوهش؟ قالولي لالا.
يا خويا أنا راني مع أي احتجاج تديروه، بصح لازم تعرف بلي الاحتجاج المناسب يحتاج إلى الوقت المناسب والأشخاص المناشبين والتنظيم المناسب.
ان شاء الله ربي يوفقنا للمطلب الشرعي وهو الادماج بدون قيد أو شرط.
صح فوركم والسلام عليكم

[shadaalhan]

بارك الله فيك نعم الراي

[اسيا 86]

كلام الاخ بلال صحيح مئة بالمئة و التاريخ الذي حدده في محله لان الوزير و الرئيس دائما يتطلعون لدخول اجتماعي منظم وسير حسن ضف الى ذلك سقوط القذافي وتخوف الجزائر من ذلك فقد قامت بتعزيزات امنية مشددة في الحدود فاذا تظافرت الجهود سننال المطلوب باذن الله

[bek4ever]

مع الأخ بلال الضغط أولا على مستوى المديريات ثم نحو العاصمة