نصِّيحة: قاطعُوا الخبز احسنْ وأضمن لصحتكُمْ

[تَــــــيْمَـــــآءْ ,]

تُصبحون على خير
أحلام سعيدة وليلة هنيئة
لمن ينوي النوم الليلة ..!!

غدا ان شاء الله لي عودة للرّد على باقي المشاركاتْ

صحّ سحوركُم

[مختلف]

المشاركة الأصلية كتبت بواسطة كريم الناس

السلام عليكم

ضننتها حملة لمقاطعة يومية الخبر
فدخلت مغاضبا وعازما على التصدي لها
لكن و الحمد لله بعدما قرات وجدتها عن الخبز
وأوافقك فيما ذكرت
وبارك الله فيك على الموضوع

وعــليكُم السلامُ ورحمةُ الله ... وعلى الــ [ تيماءِ ] سلامٌ آخر

وصح فطورك وفطور الجميع


حتى انَا حسبتها الخبر

ومن بعد قُلت بالاَكْ انا شارِب شايْ بلبن

حتى وجدتُ من يوافقنِي ..... الحمدُ لله طلعت براءَة




أمَّا عن النظافَة

فحدثْ ولا حرج


انا نتخيَّل من صغرِي - من وحي حكايةٍ لأحدِهم - أن المشروبات غازية أو عصير

يديروها في حوض .... ويعُوموا فيه الخدامَة نورمال


من ثم وأنا أتقززُ من المشروبات الجزائريَّة >>>> لكن وش تحبي وي دونت هاف أ تشويس


المُهم

عندنَا .,,,,,,,, يجبُ تطبيق المثل القائل ( كول وغمض عينيك ) وبشدَّة

وإن لم تطبقه ...... تمُوت بالشر بيان سير



وتحيةٌ لكِ

[طاعة زوجي ..]

السلام عليكم
شكرا على الموضوع ،الحمد لله نحن لا نشتري الخبز إلا نادرا نديروا الكسرة ولكن في رمضان صعب جدا خصوصا في الصيف قبل يومين كان دوري في العجين قريب مت بالعطش خاصة ونحن عائلة كبيرة باش طيب 18 خبزة يحبلك أو في الكوشة
المهم الصحة هدا ماكان ،بصح الكسرة نتاع الدار ماكانش كيفها
دمتم بخير وصح صحوركم

[زهرة الجزائر 07]

بارك الله فيك أختي على النصيحة الطيبة

صراحة في رمضان صعيب الحال باه الواحد يطيب الكسرة كل يوم

مع الجو هادا نصها تترمى و على الخبز مزال كاين الخير في لعباد

و شوف تلقى مخبزة مولاها عندو ضميرو يخدم بنيتو و نضيف

[* زهرة البنفسج *]

شكرا على الإلتفاتة الطيبة

والله صدقت فيما قلت

عجبتني ياسر (الكسرة في طريق الإحتضار )

راهم يشكيو من الأواني فما بال بالكسرة

وما ذكرته جزء من كثير، فكم سمعنا عن اللحم المفروم والمرقاز والكاشير و٠٠٠٠و٠٠٠٠و٠٠٠٠

[محمد جديدي التبسي]

أمي تتعب من الطياب عليها لازم نجيبولها الخبز باه ترتاح شوية من الكسرة على الأقل في رمضان
الواحد كي يجي ياكل يقول بسم الله وان شاء الله ربي يبعد علينا كل مرض
وثاني لازم يتحرى الانسان يجيب من عند خباز ثقة مش أي واحد
بارك الله فيك على النصيحة ورمضان مبارك

[تَــــــيْمَـــــآءْ ,]

المشاركة الأصلية كتبت بواسطة مريم قسنطينة

بارك الله فيك ، نصيحة من ألماس و حقيقة كل ما تقولينه ، شكرا

العفْــــــــــــــو أختِي
هذا من واجبِي
شُكرا لمروركْ .

[~~ أغيلاس ~~]

المشاركة الأصلية كتبت بواسطة OM MOHAMAD YOSEF

باش طيب 18 خبزة

[~~ أغيلاس ~~]

المشاركة الأصلية كتبت بواسطة om mohamad yosef

بصح الكسرة نتاع الدار ماكانش كيفها

[*أنسام*الجنة*]

السلام عليكم ورحمة الله وبركاته
في رمضان لا نستغني على الكسرة جايا في راسي كل يوم وانا نعجن ونطيب الصبر وافرات
لكن في باقي ايام السنة فهي خليط والاغلبية الخبز
خدامة وماعندنا الوقت
الله يهدي عمال المخابز

[اَلْعُمْـــــ7ـــــــدَة]

المشاركة الأصلية كتبت بواسطة تَــــــيْمَـــــآءْ ,

ونصيحة الى كُل فتاةْ : اذا متعرفيش اديري الكسرة غير اشطاري وتعلميها خير

هذه فيها عندك حق

وحنا في دارنا غير الكسرة والمطلوع والحمد لله

وصح فطوركم..

[الأخ خالِـــد]

السلام عليكم

كما يقال أصابع اليد تختلف، يوجد مخبزات مشهود لصاحبها بحرصه على النظافة،

خاصة أننا نعيش في منطقتنا على الأقل منافسة غير مسبوقة بين المخبزات، فالكل

يظهر احترامه لمعايير النظافة وجودة الخبز ، وما عليك إلا تحري الأصدق منهم .

أما المطلوع فأتنازل عنه من أجل راحة الوالدة إلا أنها تصر أحيانا فأتمتع به

[طارق2518]

بارك الله فيك
الخبز عادة فرنسية تركوها لنا ولم تكن في أجدادنا ........ ثم أصبحنا اليوم لا نستغني عنها
صدقتي يجب الرجوع إلى عاداتنا والكسرة لا يضاهيها الخبز

[نسائم الهدى]

المشاركة الأصلية كتبت بواسطة تَــــــيْمَـــــآءْ ,

صراحة هِي قصة سردها عليّا أحد اقاربِي
كالعادة وكأي شبْ منْ جماعة [الشوماجْ] والبطالة
يبحث عن عمّل واذا به يصادف صاحب مخبزة
يخبره بأن له مكانة شاغرة ان أراد العملْ
أكيد قريبي هذا وافقْ وبعد يومين بدأ العمل لكنْ بعدْ ثلاثة أيام توقف

وكيما نقولولها {بطَّــــــــــــــــــآآلْ}
قال منقدرش نخدم مع ناس معندهمش ضمير و وو وو

المُهم هو قالَ لي بالحرف الواحد
الخبز لي راكم تاكلُو فيه راهْ مرضْ صآآفِي

قُتلو :علاه ؟؟؟
قالي سبحانْ الله الراجل لي يكون يخلط فالعجين يعرق من السخانة يرفد العجين
ويمسح بيه العرق من ظهرو من وجهو من كل بلاصة !!!
صرآآحة انا حكمنِي آنْ شوكْ
لهذي الجرجة معندوش ضمير
هذاك الخبز لي يدير بيه هكا
راه ياكلو فيه ولادو وفاميلتو و ووو ...!!

عُذرا القصة مقرفة لكنْ للأسف
هذا هو الواقعْ المريءْ ..


أُناْ ضاعوا وضاعت معهم ضمائِرهم
لتخلفهما قمة القرف والدناءة
نسأل الله لنا ولهم الهداية

ونصيحة الى كُل فتاةْ : اذا متعرفيش اديري الكسرة غير اشطاري وتعلميها خير

أولا أنا والحمد لله نعرف نعجن ونطيب خبز الدار(احنا في الدار والحمد لله نعرفوا كل الأعمال التقليدية حتى الكسكس وعلمتنا ماما نفتلوه)
ولكن عندي سؤال
كي يمسح هذا الشخص العرق بالعجين من وجهوا ما يلصقش فيه العجين؟؟؟
لأنوا كي تكوني تعجني لوكان ما تكونش يدك خفيفة يلصق العجين كاااامل فيها فما بالك تمسحي بيه وجهك؟؟؟
يرجع وجهك تقول شي حاطتلوا ماسك
تحبي الصح أنا هذه الحادثة لم تدخل مخي لا بالطول ولا بالعرض.
صح فطوركم

[تَــــــيْمَـــــآءْ ,]

المشاركة الأصلية كتبت بواسطة كريمة 82

أولا أنا والحمد لله نعرف نعجن ونطيب خبز الدار(احنا في الدار والحمد لله نعرفوا كل الأعمال التقليدية حتى الكسكس وعلمتنا ماما نفتلوه)
ولكن عندي سؤال
كي يمسح هذا الشخص العرق بالعجين من وجهوا ما يلصقش فيه العجين؟؟؟
لأنوا كي تكوني تعجني لوكان ما تكونش يدك خفيفة يلصق العجين كاااامل فيها فما بالك تمسحي بيه وجهك؟؟؟
يرجع وجهك تقول شي حاطتلوا ماسك
تحبي الصح أنا هذه الحادثة لم تدخل مخي لا بالطول ولا بالعرض.
صح فطوركم

اختي القصة حقيقية يعني مصدر موثوقاما بخصوص انك تصدقي والا لالا
هاذا امر يرجعلك منيش راح نحتم عليك تصدقي انا نصيحتي وحطيتها
وبخصوص يلصق العجين علاه يلصق تخيلي راهم فل الكوشة والخانة تقتل يعني راهم يقطرو بالعرق
سي بور سا ميلصقش
وزيد علاه جاتك غريبة الناس لي معندهمش ضمير يديرو اكثر من هك