وظيفة المراة و الرجل

[Nesrine-nina]

المشاركة الأصلية كتبت بواسطة difallahomar

اخبرنا اخ لنا متزوج من عاملة ان المراة العاملة تفقد انوثتها بعملها
واخبرنا اخر يعمل في مؤسسة تربوية وطبعا تجمعه حوارات مع استاذات يقول ان المراة العاملة عموما تحتقر زوجها وترى نفسها مثله(راجل) ...انا مانيش متزوج ومانيش رايح نتزوج والحمد لله....مازلت مانويتش وسعت اهوال على الزواج ملا واش داني ليه راني هكذا الحمد لله..

عظم حق الزوج على زوجته - عدم جواز طاعة الزوج ومعصية الله - حق الزوج على زوجته - أن على الأم أن تعلم ابنتها حق زوجها قبل زفافها إليه وذكر مثال لوصية امرأة من السلف لابنتها

عن أنس بن مالك أن رسول الله قال: ((لا يصلح لبشر أن يسجد لبشر، ولو صلح أن يسجد بشر لبشر لأمرت المرأة أن تسجد لزوجها من عظم حقه عليها، والذي نفسي بيده لو أن من قدمه إلى مفرق رأسه قرحة تنبجس بالقيح والصديد ثم أقبلت تلحسه ما أدت حقه)).
إن حق الرجل على المرأة عظيم، بين النبي عظمته بقوله: ((والذي نفسي بيده لو أن من قدمه إلى مفرق رأسه قرحة تنبجس بالقيح والصديد، ثم أقبلت تلحسه ما أدت حقه)).
والمرأة الكيسة الفطنة هي التي تعظّم ما عظّم الله ورسوله، وهي التي تقدر زوجها حق قدره: فتجتهد في طاعته لأن طاعته من موجبات الجنة، قال : ((إذا صلت المرأة خمسها، وصامت شهرها، وحفظت فرجها، وأطاعت زوجها، قيل لها: ادخلي الجنة من أي أبوابها شئت)).

شكراا لك اخي على المشاركة الطيبة
و انا في هذا الموضوع لست انتهك حقوق الزوج او اشجع النساء على رفض طلبات ازواجهن فبالعكس الزوج هو تاج للمراة هو نصفها الثاني الذي تطيعه و تقوم بما يريد و تلبي طلباته و الذي يعتبر اول انسان في حياتها و الذي ان لزم الامر تفضله على والدها و هذا لا يختلف فيه عاقلان و حقوق الزوج معروفة لدى الجميع
و لكن هنا نعالج قضية وظيفة المراة و اسباب منعها منها..... و اختيار الزوج قائم على شروط فان ارادها عاملة او ماكثة في البيت فما عليه سوى طلب ذلك و لا يحق لها ان تعصيه ان قبلت بشروطه ...

و انشاء الله راح تتزوج و علاش لالا

[Nesrine-nina]

المشاركة الأصلية كتبت بواسطة boub2008

كنت رايح نقولك موضوع تافه -للغلق-
مي موضوعك الاول معليش
الجواب نتاعك راه عند راجلك، كل واحد و كيفاش يشوف خدمة نتاع مرتو

ok شكرااااا لك على المشاركة الطيبة و التي لم تكن مشجعة بما فيه الكفاية
و اقول انه انا ماعنديش راجل و ما زلت صغيرة و لكن هدفي هو اني نشوف رايكم في هذا الموضوع الذي اراه محل جدال في كل الاماكن و المحلات و على النات
و شكرااااا مرة اخرى

[Nesrine-nina]

المشاركة الأصلية كتبت بواسطة boub2008

[right]

اسمحيلي درت في بالي نتي كبيرة، اعتذر عن سوء التصرف
المهم درك يا اختي الصغيرة نفهمك علاش هذا النزاع
*** المرأة و الرجل مكملان بعضهما البعض ----صح ولا الا
و المعروف عن كلمة مكمل، يعني لا توجدعند الطرف الاخر. يعني اذا المرأة خدامة كيما الراجل اذا مراهيش مكملة للرجل يعني هي راجل كيما هو تجيب المصروف و بالاك تصرف عليه.----لا فائدة
*** المرأة تطمح الى البعيد، درست في الجامعة، يعني تعمل، خصوصا مع الاوليان يحبو يزوخو بالطفلة نتاعهم باش تكون خدامة مهندسة و لا محامية ....يعني الزوخ برك -مكاش فائدة- لوكان نسقسيها لعلاش تخدمي تقول انا نحب نكون عنصر فعال في المجتمع، صحا لوكان نسقسيها على الاختصاص نتاعها، و الله لا علاقة، و انا شفت بعيني، و حابة تكون فعالة في المجتمع ---------ربما فيها فائدة ان كانت صح تقرأ، لكن عمل المرأة عندو شروط
*** بنات بزاف يتعاندو، تشوف صاحبتها خدامة هي دير كيما هي، بلاما تفهم، سياسة عاند ولا تحسد ----لا فائدة
*** بنات بزاف يخدمو باش يخرجو -----لا فائدة

يكمل..........

نعم اخي شكراااا على هذه الردود الرائعة و انا احترم رايك كثيرااااا فهذا من حقك و لكل رايه كما قلت و الاختلاف نعمة
لكن اقول انه ليس كل الفتيات مثل بعضهن صح كاينين بزاف ايحبو يزوخو بالصح كاينة واحدة اخرى بالاك تخدم لتعيل اسرة من اكثر من 10 افراد و ربما اخوة عاطلون عن العمل فلا يجب ان نظلمها او ربما ام ارملة لها اولاد ممكن هذه من الشروط كما ذكرت
و على العموم هذا رايك و شكرااااااا جزيلاااااااا

[Nesrine-nina]

المشاركة الأصلية كتبت بواسطة boub2008

في هذه الحاله معنديش راي مخالف، انا موافقك 100 بالمئة
انا كنت نهدر على فتاة ميخصها والو من الناحية المادية، و كاين بزاف كيما هاك، الطياب و الله متعرف دير حاجة، تعرف غير ترفع الصاك نتاعها و تخرج زعما للعمل، و لوكان نشوفوها في الخدمة نتاعها، و الله غير كارثة، ما كاين حتى مردودية، الا القليل منهم، منقولوش قاع

ايييه عندك الحق و انا من رايك فقبل خروجها للعمل بالنسبة لي لازمها تتعلم تخدم في الدار و هذا الشي اظنه ضروري جدا بل
كيما الماء و الهواء و هذا اظنه لا يختلف فيه شخصان

[Nesrine-nina]

المشاركة الأصلية كتبت بواسطة boub2008

موضوعك الاول جميل
نتمنالك ان تفيدي و تستفيدي اختي العزيزة

شكراااااا لك اخي الكريم عللى هذا الاطراء الرائع و المشجع
و انشاء الله استفيد و افيد في المرة القادمة انشاء الله

[Nesrine-nina]

المشاركة الأصلية كتبت بواسطة boub2008

كاين بزاف سلبيات المرأة العاملة

انا مرانيش ضد العاملة، كاينة لي حالتها المادية تحتم عليها العمل، في هذه الحالة تعمل المرأة

شكراااااا لك على هذه الردود و انا اوافقك في بعضها و لكني رايت في مجتمعنا نساء عاملات وفقنا بين العائلةو العمل و ازواجهن و ايضا امراة ماكثة في البيت و والله لا يشوفك في هذيك الدار و الا هذوك الذراري يعني المراة الذكية تقدر توفق بين كل المجالات

[Nesrine-nina]

المشاركة الأصلية كتبت بواسطة boub2008

كاين المرأة الفحلة، اذا تحتم عليها العمل، توفق بين البيت و العمل (في الخدمة مكاش الدسارة) و الاولاد، يعني صح فحلة

بصح هدي الناس قاع راهم يحوسو عليها، يا ختي هدي حبة مفقودة، قليل لي تصحلو

ايه حبة مفقودة تحتاج لصياد ماهر و حتى هذا الصياد مفقود و الا لالا

[Nesrine-nina]

المشاركة الأصلية كتبت بواسطة boub2008

هههههههه، مالا في زوج مفقودين،
المهم الهنا، وباش يجي الهنا بين الزوجين، لازم نحيو اسباب لي تجيب المشاكل، والعمل سبب لكل المشاكل، الواقع راهو يثبت ما اقول،
مثلا، رجلها يسقسيها علاش طولتي، و هي تقلو مازال ما ولفتش الخدمة نتاعي، خليني يرحم باباك راني عيانة
واش هو يقول
خصوصا اذا هو كان مرتاح ماديا
علاش قاع هادو المشاكل

نعم صح المهم الهنا بين الزوجين و كل واحد يدي اللي يوافقو في العقلية

[Nesrine-nina]

المشاركة الأصلية كتبت بواسطة boub2008

يقول احد الحكماء
المرأة هي المجتمع
هذا الحكيم علابالو، مهمة المرأة مش تخدم برا
العمل نتاعها تكوين الاجيال، تربية الاولاد التربية الصالحة، كي واحد يشوف واحد هداك الولد، يقول الله يرحم والدين الذي علموه التربية و الاخلاق.

نعم و نعم قول و لكن وظيفة حواء لا تمنعها من تربية جيل واعد و صاعد و نعم جيل لانها تعرفت على المجتمع الخارجي و رات ماهو سوء لابنائها و تعلمت طرق المحادثة معهم... و لربما احسن من جيل الماكثة في البيت التي لا تدري ما يدور في محيطها الخارجي و تشعر بالضجر من البيت فتصبح تكور و تعطي للعور

[Nesrine-nina]

المشاركة الأصلية كتبت بواسطة boub2008

ههههههههه
مليحة هادي نتاع تكور و تكدي لعور

ههههههههايه ياك صح

[Nesrine-nina]

المشاركة الأصلية كتبت بواسطة boub2008

يا سيدي خلاص، نتي كي تكبري راكي تشوفي بعينيك
و تما ورينا شطارتك، و وارينا المرأة المثالية التي توفق بين المنزل و العمل بدون تعب، و نشوفو وين يوصلك ذكاءك الخارق
الهدرة مش ساهلة يا صغيرتي
انا راني خدام في شركة و معايا بنات خدامات و كاين لي عندها اولاد, انا راني نهدر من تجربة هؤلاء

شكرااااا على النصيحة و يا اخي انا لا اخالفك الراي مثلما رايتهن انا ايضا رايت نساء و نساء فهناك العاملة اللي قدرت تتوفق و هناك العكس كما هناك ماكثة في البيت قدرت تتوفق و اخرى لا يعني انت و زهرك ههه و اللي يبقى هو حسن الاختيار
و ادعيلي انشاء الله كي نكبر نتوفق في الكل و انا ما عنديش ذكاء خارق و ما قلتش من دون تعب لانه التعب لابد منه
شكراااااااااااا على هذه الاراء التي استفيد منها انا و غيري

[Nesrine-nina]

المشاركة الأصلية كتبت بواسطة boub2008

البنت ما فيها والو كي تقوم باولادها و دارها حتى اذا كانت دكتورة، حنا مش كيما الغربيون، حنا عندنا دين و ثقافة و اصل

و نعم القول سلمت يداك

[Nesrine-nina]

المشاركة الأصلية كتبت بواسطة boub2008

صح فطورك اختي نسرين و كل ما قدم افادة
سلام عليكم

و انتما زادا اخي الكريم و شكراا لك لانك افدتنا جدااا بارائك الرائعة وعليكم السلام و رحمة الله و بركاته