كشف أول تنظيم خارجي خبيث يلعب في مصر باسم الثورة.. - الصفحة 2

سهم14 · 2011-07-23, 20:45

اقتباس:

المشاركة الأصلية كتبت بواسطة بنت مصر العروبة

الجيش لما لاقى حركه 6 ابريل مصممه على مطالب الثورة الا مصر كلها بتطلبها ومصممه على محاكمه مبارك قال يخلص منها
ويخليها ذى ايام مبارك الجماعه المحظورة
وواخده بالى من ايه طب ما كذا حركه بتقول نفس الكلام اشمعنه 6 ابريل يعنى الا ماسكيين كلام عليها؟؟

انت بتقولي إيه؟ واضح انك مش عارفة حاجة خالص، مع إن دي حاجة واضحة لناس كتير، بقولك 6 أبريل مش عاجبها أي شيء وبتفض أي حوار.

اللي انت متعرفيهوش متتكلميش فيه وتقولي: الجيش عاوز يتخلص من 6 أبريل، لما يكون عندك دليل على كده ابقي اتكلمي، أما الأدلة اللي انت بتسألي عنها اتكلم عنها امبارح الخبير الاستراتيجي حسام سويلم والخبير سامح سيف اليزل، اتكلم عن علاقة أعضاء الحركة بأمريكا وإسرائيل.

واللي متابع الأحداث يقدر يفهم الخبث والمكر بتاع 6 أبريل

الله يهدينا ويهديك.

سهم14 · 2011-07-23, 20:59

اقتباس:

المشاركة الأصلية كتبت بواسطة بنت مصر العروبة

فعلاااااااااااااااااااااااا معاكى ياقمرايه ف كلامك كله

معاها حق قي إيه؟ ده الواجب نهدى عشان نقدر نعمر البلاد.

واضح كده ان احنا معندناش وعي ومخدوعين، وبنمشي ورا أي حد يضحك علينا.

سهم14 · 2011-07-23, 21:17

اقتباس:

المشاركة الأصلية كتبت بواسطة سوكا

بلد اكثر من 5 اشهر ليس بها رئيس جمهوريه ولا نائب ولا مجلس شعب ولا مجلس شوري ولا وزراء وحال البلد هو هو بغض النظر عن بعض اعمال البلطجه يبقي الناس اللي كانوا ماسكين البلد دول في السابق كانوا بيعملوا ايه اصلا وكانوا بيشتغلوا ايه اكيد كانوا بيشتغلونا ................. اما بخصوص موضوع 6 ابريل فأنا لا اؤيد المجلس العسكري في هذا البيان اطلاقا واتمني ان يتم التعجل في انتخابات الرئاسه والشعب والشوري عشان نبقي عارفين رسنا من رجلينا وكمان عشان كل مواطن يعرف انه اصبح له حاكم مش سايبه كل واحد يعمل اللي هو عاوزه..

انت بتتكلم على مرحلة انتقالية.

أما بخصوص 6 أبريل لما يكون عندك دليل على كلامك متبقاش تأيد المجلس العسكري، لكن المجلس عند أدلة زي ما قلت لبنت مصر، وناس كتير كانو متوقعين النتيجة دي عن 6 أبريل من كلامهم المعووج المثير للشكوك، قبل ما المجلس العسكري يقول.

والحقيقة ان كلامك وكلام بنت مصر بيثبت ان في شباب كتير معندهمش وعي باللي حاصل، كل اللي بيعملوه إنهم بيسمعو صراخ لحركة 6 أبريل أوغيرها ويصدقوهم.

النيلية · 2011-07-23, 21:19

الله اعلي واعلم

سهم14 · 2011-07-23, 21:26

اقتباس:

المشاركة الأصلية كتبت بواسطة النيلية

الله اعلي واعلم

والحقيقة أظهرها الله لمن يشاهد الأحداث، من يشاهد الأحداث يبد له أن تنظيم سادس أبريل تنظيم إجرامي ماكر خبيث مفسد.

red moon · 2011-07-23, 21:35

السلام عليكم و رحمة الله و بركاته
بصراحة عندي ثقة في الجيش المصري الذي هو ابن الشعب المصري فقد إختار ان يقف مع الشعب و عصى اوامر مبارك عندما اعطى أوامر للجيش بقتل المتظاهرين على عكس الشبيحة السورية زبانية بشار الأسد...

بنت مصر العروبة · 2011-07-23, 21:43

اقتباس:

المشاركة الأصلية كتبت بواسطة سهم14

انت بتقولي إيه؟ واضح انك مش عارفة حاجة خالص، مع إن دي حاجة واضحة لناس كتير، بقولك 6 أبريل مش عاجبها أي شيء وبتفض أي حوار.

اللي انت متعرفيهوش متتكلميش فيه وتقولي: الجيش عاوز يتخلص من 6 أبريل، لما يكون عندك دليل على كده ابقي اتكلمي، أما الأدلة اللي انت بتسألي عنها اتكلم عنها امبارح الخبير الاستراتيجي حسام سويلم والخبير سامح سيف اليزل، اتكلم عن علاقة أعضاء الحركة بأمريكا وإسرائيل.

واللي متابع الأحداث يقدر يفهم الخبث والمكر بتاع 6 أبريل

اللع يهدينا ويهديك.

ما تتكلم كويس معايا.......... ماشى انت هتتخانق معايا ولا ايه؟؟؟؟؟؟
انت اصلا اى حد يجى ناحيه المجلس تعمل مشكله !!!!!
ربنا يهدينا كلنا
انا مش هادخل معاك ف حوارات اصلا انا مش ناقصه

محمد شعبان 8 · 2011-07-23, 21:51

انا لا عاجبنى موقف المجلس الاعلى للقوات المسلحه و حركة السادس من ابريل لكن قى الثوره والاغلبيه منها اجتمعت اليوم و منحت وزارة شرف فرصه كى تنفذ ما وعدت به فننتظر ونرى ما ستسفر عنه الايام القادمه

pak_fa50 · 2011-07-23, 21:55

اقتباس:

الجيش المصري يعرف خبايا لا تعرفوها يا شعب مصر ............ عودو لبيوتكم وكفاكم غوغائية انتم تدمرون بلدكم ....... والجيش يعلم ان فيه مخططات لتحطيم مصر ولقد حاصرتكم اسرائيل من السودان ومن سيناء ومن ليبيا ... لانها وقعت عقد مع المجلس اللاوطني الخائن لبناء قاعدة عسكرية في الجبل الغربي .... - مصادر استخبارتية اوكرانية -

تعرف تغطى انت وتتكتم؟ الغوغاء هما امثالك وبطل هبل .

الاخ سهم
يعنى انت من الذين يستمرئون عبادة الحكام , ايام الثورة كنت تهاجم الثورة وتدافع عن المخلوع والان تعوم على عوم المجلس العسكرى يا عم ارحمنا شوية .
لو الجيش عنده معلومات وادلة على ادانة حركة 6 ابريل يقدمها للقضاء المدنى العادى ونشوف هاترسى على ايه انما شغل التشهير وامن الدولة القديم دا قرفنا منه .

الصريح والصحيح · 2011-07-23, 22:18

أنا مع أنه يكون رئيس مصر منتخب من الشعب أنتخابات نزيهه أي كان وأن يبعد الجيش عن أي أمر غير الدفاع عن مصر من عدو خارجي

ولكن للاسف لن يحدث ذلك وبذات في مصر سوف يبقا الجيش هو المصيطر من أيام جمال عبد الناصر الى أن يقضي الله أمره

يجب على المصريين أن لا يكررون خطئهم با خلع مبارك ويحاولون سلميا با حكومه مدنيه وأن لم يحدث وتلقا الجيش الأمر من الغرب با السيطره با القوه يستسلمون ويحقنون دمائهم لا أنه سف يستخدم القوه ولن يتردد لن صفوة الزبات وأبو هيبه كثر في الجيش المصري

pak_fa50 · 2011-07-23, 23:51

اقتباس:

المشاركة الأصلية كتبت بواسطة الصريح والصحيح

أنا مع أنه يكون رئيس مصر منتخب من الشعب أنتخابات نزيهه أي كان وأن يبعد الجيش عن أي أمر غير الدفاع عن مصر من عدو خارجي

ولكن للاسف لن يحدث ذلك وبذات في مصر سوف يبقا الجيش هو المصيطر من أيام جمال عبد الناصر الى أن يقضي الله أمره

يجب على المصريين أن لا يكررون خطئهم با خلع مبارك ويحاولون سلميا با حكومه مدنيه وأن لم يحدث وتلقا الجيش الأمر من الغرب با السيطره با القوه يستسلمون ويحقنون دمائهم لا أنه سف يستخدم القوه ولن يتردد لن صفوة الزبات وأبو هيبه كثر في الجيش المصري

لسنا بالشعب الذى يستسلم وليس بعد ثورة كالتى قمنا بها والجيش ليس بالجيش الذى ينفذ اوامر قادته بضرب الشعب بالنار ولذلك اطمئنك ان مصر ستصبح دولة ديمقراطية ولن يحكمها العسكر ان شاء الله .

سهم14 · 2011-07-24, 01:34

اقتباس:

المشاركة الأصلية كتبت بواسطة pak_fa50

تعرف تغطى انت وتتكتم؟ الغوغاء هما امثالك وبطل هبل .

الاخ سهم
يعنى انت من الذين يستمرئون عبادة الحكام , ايام الثورة كنت تهاجم الثورة وتدافع عن المخلوع والان تعوم على عوم المجلس العسكرى يا عم ارحمنا شوية .
لو الجيش عنده معلومات وادلة على ادانة حركة 6 ابريل يقدمها للقضاء المدنى العادى ونشوف هاترسى على ايه انما شغل التشهير وامن الدولة القديم دا قرفنا منه .

اعتراضي على الثورة كان للسبب ده، إنه الخبثاء كانو كتير قي الميدان، زي خبثاء 6 أبريل كده..

رغم كده انا رجعت في رأيي وأيدت الثورة، لأنها ممكن تيجي بخير، لما اكون غلطان بعترف، لكن زي ما انت شايف خبثاء 6 أبريل وغيرهم عاوزين يقلبو الثورة علينا، مش عاوزين لنا خير.

سهم14 · 2011-07-24, 01:41

اقتباس:

المشاركة الأصلية كتبت بواسطة بنت مصر العروبة

ما تتكلم كويس معايا.......... ماشى انت هتتخانق معايا ولا ايه؟؟؟؟؟؟
انت اصلا اى حد يجى ناحيه المجلس تعمل مشكله !!!!!
ربنا يهدينا كلنا
انا مش هادخل معاك ف حوارات اصلا انا مش ناقصه

أصل الحقيقة أنا مستغرب لغياب الوعي عندنا، هحاول متكلمش في الموضوع ده عشان متخانقش مع حد.

وخلي شباب 6 أبريل في الميدان يعيشو حياتهم مع أنغام الدي جي، زي ما احتفلو قبل كده بالشهداء على مسرح البالون على أنغام الموسيقى وإيقاع الرقص، أشياء تغضب الرحمن، في الليلة دي تعرفي عدد المصابين كان كام؟ كان أكتر من ألف.
يبقو يخلو الموسيقى والرقص ينفعوهم.

pak_fa50 · 2011-07-24, 08:15

اقتباس:

اعتراضي على الثورة كان للسبب ده، إنه الخبثاء كانو كتير قي الميدان، زي خبثاء 6 أبريل كده..

رغم كده انا رجعت في رأيي وأيدت الثورة، لأنها ممكن تيجي بخير، لما اكون غلطان بعترف، لكن زي ما انت شايف خبثاء 6 أبريل وغيرهم عاوزين يقلبو الثورة علينا، مش عاوزين لنا خير.

حلوة ايدت الثورة دى
بعد ما الثورة انتصرت واطاحت برأس النظام جاى تقول ايدتها طيب دا دليل على انك بتفهم الاحداث بعد ما تخلص خلاص ياريت تفضل تتفرج كده وبعد ما الاحداث تخلص ابقى ابدى رأيك بدل ما كل مرة يطلع غلط وترجع تعترف بغلطك .

abderrehmen · 2011-07-24, 08:36

انا جزائري و تعرفون ان الجزائر سبقت كل العرب الى ما يسمى بالثورة او الفتنة انا لا انصحكم الا ببيوتكم و اعمالكم و اولادكم و الا والله سياتي يوم لن تجدو ما تبكون عليه
فلا امريكا و لا فرنسا ولا بريطانيا سترحمكم والداء سياتي من مرضى يعيشون بينكم و عاهرة تدعى الجزيرة و امها قطر