ظلم كبير ياخواني والله ظلم كبير ارجو المساعدة

[saidhbb]

والله العظيم ظلمونا الله لاتربحهم من بوزيد حتى لي كان يصحح
وزارة الهف يجيبونا عجايز وشيوخة كبار مهومش موالفين بانظام الجديد
ويلعبوها يصحو
الله يهديك يابوزيد نورمالمو راك قايم اوفر

[حنان سوف]

السلام عليكم أنا مريت بنفس التجربة من قبل ظلموني ودولي كامل نقاطي اتصدمت بزاف وغاظني الحال كي شفت إلى مايقراوش كيفي ناجحين وأنا لا وزيد الناس جرحوني بزاف بصح عاودت واديت الباك رحت التخصص إلى انحبه و اليوم راني اتخرجت وكلي ما صرا والو اتوكل على ربي واعرف باللي كل حاجة ايديرهالنا ربي فيها الخير وما تقدرش تتصور شحال استفدت من تجربة الرسوب ربي ايفرحك العام الجاي انشاء الله بالمعدل إلي تستاهله ننتظر ردك وحالتك النفسية مليحة

[اشراق حفيظة]

وانا وخذوني الرياضيات عطاولي 12 وانا والله العظيم غير من حق 17 والفيزياء عطاولي 14 انا من حق 18

لوكان عطاولي علاماتي نتاع الصح ندي 17. بصح كاينشعبة تقني رياضي


واحد يقرا علوم تجريبية نهار الفيزياء خرج يبكي والرياضيات قالي منديباسيش 12
جاه الكشف عطاولو 18 رياضيات و18 فيزياء راه مرقدش من الفرحة

واحد اخر قالي تمرين المتتاليات مشافوش نساه ومبعد لقى روحو اخذ 20 في الرياضيات

حسبنا الله ونعم الوكيل

[زهرة المدائن]

عندك الزهر اللي ما جبتوش
كنت قادر تجيبو ب10
و ما دير بيه والوا
و راهم يقولوا مكاش اللي يعاود الباك من الناجحين
و كاين اللي جابوهو راهم مباصيين و يتمناو كون ما جابوهش
راح تزعف شوية
و اذا جبتوا العام الجاي ان شاء الله راح يكون بعدل عالي
و راح يوليلك غير ذكرى


انا قلت من 14 ما نهبطش
نخلعت كي صبت 12
ما عرفت لا نبكي و لا نضحك

[がが كريمة がが]

انا جبت معدل 9 حليت تمرين في رياضيات اجابة صحيحة نورمالمو يعطوني 6 لقيت 2 وفي مقالة في الفلسفة ديت فيها 12 وهي نفس المقالة الي دارتها صاحبتي بالكلمة وبنقطة وبكل شي عطاوها 13 وادا تأمنو في رياضة وحدين مكانشو كامل يلعبو مدولهم 20 من 20 وحنا الي لعبنا من نيتنا وتعبنا اعطونا 16/ 17 والله العظيم ظلمونا

[asmamaam]

ماعليش أخي ياسين وأنتم يا اخواني ربي يخلفلكم خير منها كاين ربي سبحانو " ان الله لا يضيع اجر من احسن عملا"

ربي يوفقكم

[nesrine bou]

عسى ان تكرهوا شيئا و هو خير لكم الله المستعان

[eloise]

والله كامل ظلمونا وكيلهم ربي

[fafafa43]

ربي وكيلنا في اللي ظلمنا
نخرج صدقة و نرفد معروف على كل من ظلمنا و الله لا يربحهم

[طالبة التقى]

ربي وكيلهم ربي وكيلهم مانعرف كامل كيفاش يصحوا بلاك الورق اللخرين يغمضوا عينيهم ربي وكيلهم

[pancho1]

يا خويا شوف نتا اكيد شراهالك نتاع السبور م كانش منها يمدلك 13 ثانا انت تعرف الباك خداع لازم تنظم وتجواوب وماعرف

[rose1993]

حسسسسسسسسسسسسسسسسسسسسسسسسسبنا الله ونعم الوكيل يا بن بوزيد.

[noor18-2011]

هل تنتهي الحياة عندما نفشل ؟ لامطلقا فهذا احدى مواضيعي ارجوكم ان تقرؤوه واعلموا يا اخوتي ان الله لايظلم احدا فصبرا ثم صبرا ثم صبرا فان شاء الله العام المقبل تدوها باكبر المعدلات و تنساو كل هذا

[preson break]

الاستاذ همه يصحح اكبر عدد من الاوراق حتء يتحصل على دراهم بزاف خاوتي اذا كان الخط ماشي مفهوم فالمشكلة مشكلتكم اخواني

[عقيدة الاسلام]

والله العضيم انا كدالك متفاجئة جدا من تصحيح البكالوريا هدا العام انا اخدت البكلوريا والحمد لله لاكن نقاط لم تعجبني رغم اني متاكدة انني قد فعلت ماهو مطلوب انا اخدت 4 في الفرنسية لم ارى نقطة متل هده في الفرنسية طوال مسيرتي الدراسية
ارجو الصبر من الجميع والله يعوضكم خير انشاء الله