افعل مثلي و ستنجح في البكالوريا

[okbano 41]

بارك الله فيك اختي الكريمة

[رشيدة20]

مشكووووووووووووووورة يا اختي والله حسيك وكانكي تكلميني انا خصيصا والكلام الي قلتيه كامل فت عليه وراني معاودة الباك هدا العام و انشاء الله نستفيد من الاخطاء

[ramizoo]

جميل هذا الموضوع

[ايمان الهاني]

شكرا اخت ريبا ساعدتيني جيدا تعرفي شحال خايفة من لباك ومن هدرت الناس تعرفي وليت نوض ونرقد بالباك وليت نحلم بالباك وليت كل يوم نبكي ونشوف في روحي مش ناجحة تعرفي بغيت نهبل

[HANNAH4EVER]

وفقني و جميع الممتحنين

[omniharoun]

مشكورة أختي الكريمة على موضوعك الرائع .
انا مقبل على شهادة الباكالوريا وكما قلت أقول اليوم أدرس غدا أدرس ولاأدرس من فضلك كيف الحل؟؟؟؟؟

[RIBA-18]

المشاركة الأصلية كتبت بواسطة omniharoun

مشكورة أختي الكريمة على موضوعك الرائع .
انا مقبل على شهادة الباكالوريا وكما قلت أقول اليوم أدرس غدا أدرس ولاأدرس من فضلك كيف الحل؟؟؟؟؟

نصيحتي لك هي

كل ما تلقا روحك ما حابش تقرا

قل في نفسك........ أنا ما بقاليش بزااااف و نرتاح

و علاش ما نقراش في هاذ الاشهر اللي مازالو و نتهنـــــــا

و شوف وقتك وين راهو يضيع..... او سبب اللي خلاك ما تقراش

مثلا : اذا كان ماراكش تقرا بسبب مشاهدتك للتلفاز بكثرة....

قل ... درك نروح نقرا و نجتهد.... و التلفاز ماوش هارب

يفوت الباك.... ونشبع منو

يعني تحدا نفسك

و ايضا كل ما تلقا روحك مستهثر و ماش حاب تقرا...

فكر .... نهار تخرج النتائج و تجد كل زملائك فرحانين و .... حاول التفكير في الفرحة التي ستغمرك و تغمر اهلك .... و الزغارييييت ...

كل هاد الامور تساعدك باش تتحدى نفسك .... و تبدا تقرا بحماس كبير



كان الله في عونكم

[هروال]

بارك الله فيكي نصائح جد مفيدة اتمنى ان يتمسك بها كل طالب علم عنده إمتحان فالخوف هو السبب الرئيسي في فشل اغلب الطلبة

[ka_ak1000]

مبـــــروكـ عليــــــــــــــــك
ولعقـوبة لينــــــــــــا إن شـاء الله

والله غيـر ولات الإرادة والعــــــــــــــــــزيمة
ربي يخليـــــــــــــــــــــــــــــــــك

علابـــــالك مـرات نفشل والله مـانقدر نشد كــــــــــــــــــــــــــــــراس ونحفظ

ربي يوفقنــــــــــــا وينجحنـــــــــا إن شـاء الله

[amine2011]

الموضع يستهل التثبيت
ألف شكر

[la pitch]

شكرا على الموضوع

[mery1992]

شكرا جزيلا على هذه النصائح والله غير طلعتيلي المورال أدعو لي بالنجاح

[B.Badis]

شكرا ....و يعني فعلا فعلا فعلا يعطيك الصحة ....هذا الموضوع مليح ....وذكرني في الباك تاعي الأول 2006 اللي ديتو في عامو

[B.Badis]

حبيت نزيد على أختي و نحكي على قصتي في باك 2006
بسم الله الرحمن الرحيم
أنا شاب كنت في مرحلتي الإبتدائية و الإكمالية من المتفوقين و الحمد لله كانت عائلتي تفتخر بي و أيضا كي وصلت السنة الأولى ثانوي و السنة الثانية ....بصح كي وصلت للباك عائلتي كرهتني و فقدت الأمل مني أني ندي الباك .... حتى أساتذتي في الثانوية حيث أني ما كنتش مقلق روحي بيه و ما كنتش خايف بصح كنت نقرالو بأعصاب باردة ....سجلت لدروس الدعم في الرياضيات و الفزياء و العلوم........بصح صدقوني حضرت تقريبا 20% من إجمالي الحصص و الفزياء كنت نحضر بمعدل مرة في الشهر......و بالنسبة للثانوية وقفت الدراسة في فيفري....... حذاري التقليد غير للي يقدر.......بصح أنا كنت على بالي واش قاعد ندير ....درت برنامج أني نخير مادة أساسية و نقراها مليح بصح لازم نضمن فيها فوق 15 باش هي اللي تنجحني في الباك .....و نعاود حذاري التقليد.......خيرت المادة اللي نقوي فيها هي الرياضيات بالدرجة الأولى....العلوم في الدرجة الثانية ثم الفزياء في الدرجة الثالثة......و وراهم المواد الأدبية ........المهم جبتها وقت ننهض على العشرة تاع الصباح و صحابي يقراو في الليسي ...نبدا نقرى في الرياضيات حتى الظهر .....و نروح نصليه في المسجد باش نديفولي...و نرجع نقرى العلوم ..و بالمناسبة خيرت محور في العلوم عاودتو في العام 3 مرات هو الخلية و الطاقة و ركزت عليه بزاف......المهم نكمل العلوم حتى العصر و نروح نصلى في المسجد....و نرجع للدار نقرى رياضيات حتى المغرب نروح للمسجد نحفظ القرآن حتى ورى العشاء ......و من بعد نتفرج في التلفاز حتى 00:00 تاع الليل....حذاري التقليد غير للي شايف روحو قادر.....و كي تعود ال 00:00 نبدا الرياضيات حتى 02:00 تاع الليل......و هكذا كل يوم بصح الفزياء ماركزتش عليها غير الديناميك حكملي و الإهتزازات و الكحولات و الأسترة في الكيمياء وقت و حطيتها ساهلة على حساب مواضيع الباكالوريا اللي شفت.....المهم بقيت هكا حتى نهاية السنة.....أسخايلو العربية قستها ليلة الباك تاعها و الفلسفة و الإجتماعيات قبل الباك بأسبوع و الفرونسي و الإنجليزية قبل الباك تاعهم بساعة!!!!!! حذاري التقليد......المهم عقبت الباك و ديت في
الفزياء 5.5
الفلسفة 7.5
الفرنسية 8.5
العربية 8.5
الإنجليزية 11.5
الإجتماعيات 10
نقاط متدنية .......على خاطر ماقريتهمش مليح
بصح في العلوم جبت 12
و الرياضيات 16.....و نجحت في جالت هاتين المادتين بمعدل 10.59 و فرحت والدي و أبهرت أساتذي حيث كنت من الأقلية اللي نجحو في قسمي
و الله في حصص الدعم نجحو تقريبا من الذكور أنا و زوج ولاد في العام اللي نسبة نجاح العلميين فيه لا تتعدى 26%
و زدت عاودو حر في باك 2007 مع قرايتي الجامعية بيولوجيا ..و ماقريتلوش بزاف

و جبت معدلي 12.92 درت بيه هندسة معمارية حيث كانت الطب بمعدل 12.99
و الحمد لله....بصح من قصتي تشوفو وجهين :
وجه العبد المثابر الي درس مواد و تعب فيهم تحصل بيهم على الباك
وجه العبد الكسول اللي مايروحش يقرى و يفرج التلفاز ....و أهمل معضم المواد اللي في جالتهم ما تحصلش على معدل مليح.......و إن شاء الله تاخذو إيجابياتي و تعملوش بسلبياتي
المهم ...أقراو كل مادة على حساب معاملها .....بصح أقراو كلش
ما تضيعوش وقتكم في الخروج لدروس الدعم بزاف و عولو على أنفسكم ...و توكلو على ربي
صليو كل صلاة في وقتها باش تستريحو و تعاودو تشحنو أنفسكم.......و ربي ينجح الجميع

[ام محمد.88]

حبيت نسال الاخت كم اخذت في مادة الفلسفة وجميع المواد اعلم انه محرج وفي اي شعبة كنت تدرسين