مجلس نُصح للمخطوبات والمتزوجات..

[البتول سمية]

شكرا على هذا المجلس الرائع أخت إيمان و ربي يهنيك و كامل المخطوبات
أما أنا فسأضيف ثاني نصيحة و هي
الابتسامة
كلنا يعرف أن يبتسم و لكن مع الطرف الثاني الابتسامة يكون لها معنى آخر
حتى و لو كنت منزعجة من أمر ما و أردت البوح له بذلك فلا تخبريه عن انزعاجك و انت (مشنفة)
لأن الابتسامة تخلي الطرف الثاني يعتذر بسرعة عن خطأو .... و هذا عن تجربة
لي عودة للموضوع إن شاء الله

[*جوداء*]

فترة الخطوبة تظهر للناس انها بداية التهيؤ لحياة جديدة ومرحلة التغير او محاولة التغير
فلربماالانسان الخاطب تكون له قصص من قبل يحاول ان يكون وفيا مع شريكة الحياة
او ربمايحاول توظيف ما سمعه وما عاشه من قبل ليكتشف الحياة الجديدة
لهذا اسمي مرحلة الخطوبة هي مرحلة المناورات والاستعدادات فقط ..
كل الكلام الذي يقال فيها منمق ومرتب صحيحا كان او مصطنع فصاحبه يريد به الوصول الى هدف معين
وكما قلتي ان كل شخص يحاول ان يبين للطرف الاخر ما يريده وماهي اهم النقاط التي تميزه كما تفضلتي الصراحة مثلا ...
لربما كان من قبل غير صريح ولكنه في فترة الخطوبة يرى ان الصراحة مهمة ,,وهذا بديهي فمن منا لا يشترط الصراحة على اي طرف يتعامل معه ..
لهذا يا اختي اهم ما يمكن ان يتبعه كل خاطب في فترة الخطوبة اذا كان بينهما اتصال ...ليس التعرف على الشخص الاخر كما يضن البعض لانه مهما طال الكلام فلن تري وجه الحقيقة ولكن الوجه العاكس لها ..
وانما يجب ان تكون المراة اكثر هدوئا وان ترسم لنفسها طريقا لما بعد الزواج وليس في فترة الخطوبة

فان رسمت المخططات وطبقت وانجزت فماذا سيكون لديها بعد الزواج لتقديمه غير الشكليات ..
لهذا الخطوبة تكون اجمل عندما تكون ملتفة على الاحترام والمتبادل والغموض يكون احسن في مثل هته المواقف
مجرد راي

[روح القلم]

بصراحة أختي جوداء مسألة الغموض تسبب الكثير من المعاناة لبعضهن
يعني الصراحة إن وجدت فلا وجود للغموض ، و أصلا الغموض يعطي في أذهاننا بعض الاسئلة و الشكوك حو ل الطرف الاخر

ما العمل ؟

[*جوداء*]

المشاركة الأصلية كتبت بواسطة روح القلم

بصراحة أختي جوداء مسألة الغموض تسبب الكثير من المعاناة لبعضهن
يعني الصراحة إن وجدت فلا وجود للغموض ، و أصلا الغموض يعطي في أذهاننا بعض الاسئلة و الشكوك حو ل الطرف الاخر

ما العمل ؟

عن تجربة اقول لك ان الغموض هو احلى امر في فترة الخطوبة
فكشف الاوراق كلها للخاطبين امام بعضهما تعطي انطباعات مشوّشة لكلاهما
فهذه صفة لم تعجبك واخرى لم تستطيعي تقبلها واخرى تقبلتها بصعوبة والاخرى تقبلتها بأمل انها ستتغير بعد الزواج واخرى تقبلتها ولكن مشكوك في صحتها وهكذا الى ان يتم الزواج وتظهر الحقيقة التي لا تستطيع عنها صبرا المراة في فترة خطوبتها وهي الحقيقة الاخيرة والاصح في كل ما سبق لها معرفته
كيما يقولو العشرة فتاشة ..
اما الغموض فيعطي لكلا الخطيبين اصرار وحب كبير لدخول هذا العالم الجديد واكتشاف حقيقته وتكون هناك ارادة للتعامل مع التفاصيل وليس افكار مسبقة وافكار خلفية
وتكون هناك دفع غريب لخوض اي تجربة تمر داخل ذلك القفص الذي دخلاه معا بثقة مسبقة كلاهما للاخر

[imane1]

المشاركة الأصلية كتبت بواسطة روح القلم

السلام عليكم
اختي امينة شكرا على هذا المجلس

فقط أود ان أستفسر عن امر

إذا كان الرجل المتقدم لأحدهن دائما في حالة من الغموض و دائما يعد و يخلف وعده و يغيب كثيرا ثم يعود فجاة و لا يعطي تبرير واضح لغيابه
مع انه شخص يتسم بالاخلاق و ليست له خلفيات سيئة و لا تجارب ...

ما الشيء الذي يمكن ان نعالج به الغموض و ما سر الوعود و اخلافها ..

العفو أخيتي واسمحيلي والله غير هدا وين شفت ردك




الغموض أمر ، وإخلاف الوعد أمر آخر


نبدأ بالغموض (ولوكان وضحتي في واش غامض كنت نجاوبك خير )


الرجال عادة يتسمون بالغموض في بعض الأمور التي تخصهم (كالإخفاقات مثلا)

تلقايه مثلا في حالة نفسية مش مليحه ، تسقسيه واش كاين يقولك والو

فهذا غموض

والا كثرتي عليه يقولك راني مقلق عندي شوية مشاكل في الخدمة (مثلا)

وإذا أصرت ان تعرف سبب القلق بالضبط على الأرجح لن يجيبها

بل سيتضايق من إصرارها

فهنا لازم المرأة تتفهم الحالة هادي وتخليه براحتو

تفهم بلي ماراهوش حاب تتهز صورتو (كشخصية رجولية قوية)قدامها


أما إذا كان غامض في امور اخرى فنظن عادي أيضا

الرجال اختي ما يحبوش يهدرو بزاف

عمليين ، يهدر قيس ماتحتاجي :d الزيادة ماكاش

يعني احنا نحكو كلشي وبالتفصيل ودخلت وخرجت وعملت وطيبت وشريت و و و

لكن هو ماتقدريش تعرفي كيفاش جوز نهارو ادا ما سقسيتيهش

وادا سقسيتيه يجاوبك اجابه عامة

انتي اللي تجبدي الكلام منو


فانا ننصحك ما تقلقيش روحك ، طبايع الرجال ماشي كيما طبايع النسا

لهذا كوني عاقلة وتفهميه مليح وما تحسبيش للبعيد وما تقرايش تصرفاتو بشكل ناقص

[imane1]

أما مسألة إخلاف الوعد فهذه يجب أن تعالج

اذا كان وعدك بشيء ثم أخلفه اعرفي منو سبب إخلاف الوعد

إذا كان محتم ، خارج عن إرادته ..يعني كيما نقولو الله غالب

وتحدث إليك وهو يعتذر (ولو بصورة غير مباشرة )

جوزيهالو عادي .. لانه لم يتعمد إخلاف وعده

وقوليلو خلاص امالا تقدر اديرها غدوه(مثلا) ؟

يعني اعطيلو فرصة باش ما يحسش بلي راهو خلاص طاح من عينيك

لان هذا يسبب له أذى نفسياً..




أما إذا كانت هاذي عادتو دايما ، يوعد وما يوفيش (بسبب انه ينسى وما ياخدش الامر باهتمام)


اوقفي موقف صارم ، بيني بلي زعفتي وقوليلو بلي " ما نحبش الواحد يقولي كلمة وما يكونش قدها "

بلا تجريح بلا كلام اللي يقيسو ويبقى شافي عليه ويفكرك بيه نهار اخر

يعني ناقشيه برك في التصرف هادا ما كلاه تجبديلو سجل أخطائو كامل !

وهو راح يتدارك الموقف ان شاء الله

ويولي قد كلمتو ..



انا خطيبي مرة تاني اتصل بي مساءا لانو كان في موضوع مهم باش ننهيوه مع بعض

فكانت مدة المكالمة قصيرة بزاف ، قالي (مور العشاء ان شاء الله) يعني مور العشاء يتصل

استنيتو مور العشاء فلم يتصل

غدوه من داك كي عيط اتكلمت معاه سلام سلام لاباس لاباس (ببرودة )

وناقشته بعد ذلك في الامر بكل احترام وكيما يقولو بالقدر والرزانة

يعني قتلو بلي مانحبش كي واحد يقولي على حاجة انديرها وما يديرهاش

وقتلو بلي لوكان ماقاليش سأتصل ولم يتصل ماكنت اكترثت ..

فأحس بخطأه ..

واعتذر عنه ، ومن نهارها ما يقوليش هادي لعشيا ان شاء الله ههههه اذا ساعدو الحال يتصل ادا ما ساعدوش واحد ما يحاسبو


(هي حاجة صغيره بصح ادا تسامحنا فيها راح نلقاو روحنا نتسامحو في حاجات كبار )





نتمنى نكون أفدتك ولو قليلاً

وأي استفسار رانا في الخدمة ان شاء الله

[imane1]

بقيت مسألة أنه يغيب كثيرا ثم يعود ولا يعطي مبرراً

شوفي اختي هنا كاين بزاااف احتمالات

الاول ربما انو يكون انزعج من حاجة انتي قولتيهالو وما يحبش يتكلم عنها

هنا انتي اللي تعرفي ادا صح ولا لالا ، يعني على حساب خطيبك هل هو شخصية صامته

لا تبدي استيائها علناً امام التصرفات الجارحة ؟ ولا شخصية تتكلم وتناقش عادي


تاني احتمال ممكن يكون انشغل بأمر ما ، يعني عندو خدمتو عندو اهلو عندو شغالاتو عندو صحابو

تالت احتمال ممكن يكون حب يبعد لفترة باش يجدد مشاعرو ، ممكن يكون حس بملل (وهدا شيء عادي و وارد عند جميع البشر)



شوفي انا شخصيا لا أحب لعبة المطاردة

انا أترك له كل الحرية .. يتصل متى شاء ، فإن كنت غير مشغولة رددت على اتصاله حيت تلقيه

وإن كنت مشغولة عاودت الاتصال به بعد الفراغ

وهو نفس الشي

يعني انا نتصل مرة وحده ادا رد اللهم وبارك وادا ما ردش راهو مشغول ربي يكون في عونو

ما نتقلق ما نطلع ما نهبط

عمري ما قتلو علاش ما عيطتش (حتى لوكان يدي اسبوع ما يعيطش )

ولأنني لا أضغط عليه تجدينه يتصل متى تسنى له ذلك ودايما مرتاح نفسياً




ديري في بالك اختي بلي الرجال عايشين هموم بره ويحبو يريحو ادا جالسوا نسائهم

ماشي بره معاناة ومع نساهم معاناة اخرى (ربما أشد )

يولي الراجل يتبع غير في الخدمة كي يخلاصولو الشغالات تاعو يولي يقضي في شغالات الناس

>>>>>>>>>>>>>>>>> المهم ما يدخلش للدار



اما مسألة انه لا يعطي تبريرا فتحصل كثيراً

انتي عوديه يعطي مبرر ، في البداية اسأليه وهو أكيد راح يجاوبك

ادا جاوبك ما تكذبيهش .. إذا شفتي اجابتو غير منطقية بتاتا قوليلو ايييه (بطريقة يحس بلي راكي فهمتي انه كذب)

واذا كانت مقبولة ماعندك علاش تكذبيه


انتي تاني كي تغيبي اعطيلو المبرر ، كي يتصل ما ترديش اعطيلو المبرر

ماتخليهش حتى يسألك ، لانو ممكن ما يسألكش وانتي تبانلك انو ما دارهش في حسابو يعني ما انتبهش

لكن هو في الحقيقة يكون يستنى فيك تتكلمي برك ..

اتكلمي قبل ام يسألك باش يكون كل شيء بيناتكم واضح



وفي الختام ربي يسخركم لبعضاكم

[imane1]

المشاركة الأصلية كتبت بواسطة البتول سمية

شكرا على هذا المجلس الرائع أخت إيمان و ربي يهنيك و كامل المخطوبات
أما أنا فسأضيف ثاني نصيحة و هي
الابتسامة
كلنا يعرف أن يبتسم و لكن مع الطرف الثاني الابتسامة يكون لها معنى آخر
حتى و لو كنت منزعجة من أمر ما و أردت البوح له بذلك فلا تخبريه عن انزعاجك و انت (مشنفة)
لأن الابتسامة تخلي الطرف الثاني يعتذر بسرعة عن خطأو .... و هذا عن تجربة
لي عودة للموضوع إن شاء الله

ربي يجازيك خير اختي سمية على هذه الإضافة القيمة

الإبتسامة صح تلعب دور كبير بين الناس كامل على اختلاف مستوياتهم

مش بين الازواج فقط


تلقايها سبحان الله تختصر مساحات كبييييييييييرة

وتفتح أبوابا كثييييييييييييرة



لكن احنا طبيعتنا دايما مشنفين

الراجل يكون بره لاباس بيه غير يدخل للدار قبل ما يوصل للباب يكرفص روحو

>>>>>>>>>>>>>>>>> باش يبان بلي زوج جزائري


والمرأة عندها الحاسة السادسة غير تسمع صوت الباب تعرفو بلي راجلها

تتفكر خرايب ولادها كامل وتعب النهار والقضيان اللي خص وتبدا تتكرفص تدريجياً

تفتحلو الباب فيحصل السيناريو التالي :






بدل ما تقولو عالسلامة تقولو :

الحمدلله اللي طلقوك !!

يقوللها : هاهو القضيان اللي قلتي عليه

تقولو هدا وين ؟ الحمدلله اللي اتفكرت!

امبعد هو يقوللها كاش ما طيبتيلنا ؟

بسم الله هدا وين دخلت ؟!!

يروح يضرب طلة في الكوزينه يقوللها

واش دايما طنجرة ماء وزوج حبات بطاطا !!






باقي السيناريو معروووووف



شكرا سمية ، سعدت كثيرااا بتواجدك ، ابقي بالقرب ولا تغادرينا ..

[imane1]

المشاركة الأصلية كتبت بواسطة *جوداء*

عن تجربة اقول لك ان الغموض هو احلى امر في فترة الخطوبة
فكشف الاوراق كلها للخاطبين امام بعضهما تعطي انطباعات مشوّشة لكلاهما
فهذه صفة لم تعجبك واخرى لم تستطيعي تقبلها واخرى تقبلتها بصعوبة والاخرى تقبلتها بأمل انها ستتغير بعد الزواج واخرى تقبلتها ولكن مشكوك في صحتها وهكذا الى ان يتم الزواج وتظهر الحقيقة التي لا تستطيع عنها صبرا المراة في فترة خطوبتها وهي الحقيقة الاخيرة والاصح في كل ما سبق لها معرفته
كيما يقولو العشرة فتاشة ..
اما الغموض فيعطي لكلا الخطيبين اصرار وحب كبير لدخول هذا العالم الجديد واكتشاف حقيقته وتكون هناك ارادة للتعامل مع التفاصيل وليس افكار مسبقة وافكار خلفية
وتكون هناك دفع غريب لخوض اي تجربة تمر داخل ذلك القفص الذي دخلاه معا بثقة مسبقة كلاهما للاخر

شوفي أختي جوداء



الغموض نوعين ، كاين هداك الغموض اللي ما يتلاقاش مع الصراحة واحنا هدا ما نحوسوش عليه

وكاين الغموض اللي يحصل بيه التشويق (واللي راكي قاصداتو في كلامك) وهذا ضروري ومطلوب




يعني :



بعض الامور لا بديل للصراحة فيها ، كاش طبيعة فيه لازم اناقشوها بصراحة

كاش موقف حصل ما يعجبش لازم اناقشوه بصراحه

كاش نقص فينا احنا لازم نتكلمو عليه بصراحة

يعني نتعاملو بشكل عادي بلا تكلف

ونكونو دايما واضحين ، باين وين رانا حابين نوصلو ما نلفوش وندورو في باطل ..

علابالك واش معنتها تكوني صريحة مع الطرف الآخر

يعني تخليه (مع الوقت) يتوقع كيفاش راكي رايحه تتصرفي منا والجاي ..

لانكِ إنسانه واضحة ..

تعطي التفاصيل ديالك بالقدر الذي يهم ، وتخبي جزء منها (وهذا يتطلب ذكاء )




مثلا

انا أمارس الكتابة كهواية ، خطيبي يعرف ذلك ولكن لا يعرف ماذا أكتب

لم يقرأ لي ..

فبالتالي هاذي نقطة غامضة في شخصيتي تولد نوع من التشوق ..


مثال اخر

يسألك أي الفاكهة تفضلين تجاوبي تقوليلو كل خطره وكيفاش ..على حَسَب ..

هنا صارحتيه ما كدبتيش عليه ، بصح ما اعطيتيلوش التفاصيل الدقيقة




هادو زوج أمثلة في حاجات صغيرة وبها نقيسو الامور الكبيرة



ملاحظة :

يقولو بلي الرجال يحبو المرأة الغامضة

جوداء ، ربي يبارك فيك على هذا التدخل القيم

شاكرة لك مرورك ...