الجميع مطالب بالدخول و إبداء رأيه

[djealfaoui]

اولا السلام عليكم
والله ياخي لازم نحدد المفاهيم اولا ، هناك من يقول ان هذه الشهادات لا داعي ولا فائدة منها ، لماذا ؟
هل كنا ندرس وكل همنا ان نجد عملا وراتبا معتبرا فقط ام كنا ندرس للتحصيل العلمي والمعرفي وهذا ما اشك فيه عندنا نحن الجزائرين ، هل فكر احدكم في استثمار ما درسه في الجامعة مهما كان تخصصه ، على ارض الواقع ، كم ياترى من بحث علمي او دراسة اجرينها على يقين ونحن في الجامعة ، هل نستحق هذه الشهادات ام اننا كنا ومازلنا في البريكولاج .
عقليت نخلص وما نخدمش هي الي خلاتنا اللور، الغرب يدرس للاستفادة والافادة ونحن ندرس لنملئ البطون

[geld]

للحذففففففففففففففففففففف

[redha1001]

واش تستثمر يا خويا راك تقصر بينا

في بالك الورقة و الستيلو علم


كثرة الفروع و التحصصات طبق في داركم حبيبي

المهم الدولة تقريك و منبعد يجيب ربي الخدمة

نحشو لرواحنا على خاطر المسؤولين إسستغلالين و إنتهازين و يستغلو الناس الضعفاء لما عندهم لكتاف و إدا المعالمة راهي تتبدل هدا ولد فلان

بلاك نحشول لرواحنا أقر و على الله ماشي حل

لي يتكون في السياف بيا و دى ميتي يخلص يخدم و لي يقر في الجامعة بعد خمسة سنين ستة و الكارثة بعد ما تعرف بلي ما كاين والوا روتين و فوق هدا كامل الأوامر كامل من فوق و تلفى الهدة و الكبرة و النيفو باك و خلي و خلي يخي حالة

[redha1001]

أنا عندي ليسانس في علم الإجتماع تنظيم وعمل تحصلت على عقد نتاع لانام و راني دخلت نخدم في سبيطار
و حطوني نخدم في مكتب الميزانية و المحاسبة هههههههههههههه .
و راني خدام نورمال و الخدمة تمشي على الكيف ما كان حتى مشكل ..... أنا جابلي ربي بلي الشهادات الجامعية ماعندها حتى فايدة مادام تقرا حاجة و تخدم حاجة أخرى...... لكن المشكل تشوف التعاملات بالملايير وأنا ندي مليون و نص برك .......... واش رايكم لوكان نهف 2 ملايير برك هههههههههههههههههههههههههه راني نقصر معاكم برك .

[مهند ستي]

أكيد إهانة للطالب والجامعة والشهادة
ربي يجيب الخير

[مهند ستي]

وهل الوزير الذي لايعرف قراءة خطاب ناهيك عن كتابته ولا يعرف حتى إلقاء كلمة ويتحدث بلغة العروبية يستحق أن يكون له ذلك المنصب إذا كنا نتحدث عن مستوى الطالب الجزائري.............. دعونا من كلام المستوى فمهما كانت الشهادة الممنوحة من طرف الجامعة إلا أن الخبرة في الميدان هي من تصنع الفارق وإذا كنا نحن خريجي الجامعات لانمنح فرصة على أرض الواقع فكيف نلام؟؟؟

يتشبثون في مناصبهم من دون مستوي وبشرعية أخذوها من حرب التحرير مع العلم أن من قاتل توفي في وقته رحمة الله عليه والبقية الباقية مغلبهم إن لم أقل الكل عملوا حركى عند الإستعمار واليوم يحكموننا باسم الشرعية الثورية ؟؟؟؟؟؟؟؟؟؟

أنصتوا لوزرائكم خليدة تومي وغيرها وستعرون هل لهم مستوى؟؟؟؟؟؟؟؟؟؟؟ فلماذا نحاسب نحن؟؟؟؟؟؟؟؟

[said-85]

عقود ما قبل التشغيل استغلال مقيت وبشع للأصحاب الشهادات، فهم يعملون مثل باقي العمال مع فرق بسيط، يتقاضون أجرا لا يغطي المأكل والنقل!! وبعد سنتين يتم طردهم للشارع، لا حقوق ولاهم يحزنون! هذه ليست إهانة بل جريمة في حق الطالب والعلم!!

[Dj BoBo]

السلام عليكم

تحية طيبة أخوتي أخواتي أما بعد

علينا أن نستعمل كل الوسائل المشروعة لأيصال صوتنا للعلن فقضيتنا و مطالبنا مشروعة و علينا أستمالة الصحف و الجرائد و خاصة الجرائد الكبرى مثل الشروق و الخبر و النهار وعليه فعلى كل عضو مراسلة هذه الجرائد الثلاث و ذلك عبر الأيميل و صفحات الأتصال المخصصة لذلك
و ذلك لكسب الرأي العام و أيصال صوتنا ا.لى أكبر عدد ممكن فموضوع واحد عنا في هذه الجرائد كفيل بأيصال صوتنا الى كل مناطق الوطن و كل المسؤولين

و عليه أرجو من كل الأخوة و الأخوات بعث رسائل و أميلات الى هذه الجرائد و أعلامها بصفحتنا على الفايسبوك و باقي الصفحات و القروبات

و اليكم أميلات و روابط جريدتي الخبر و الشروق

أميل جريدة الشروق - البريد الإلكتروني حذف من قبل الإدارة (غير مسموح بكتابة البريد) -

رابط صفحة التواصل مع جريدة الخبر https://web.elkhabar.com/?page contac

هذه وسيلة بسيطة و لكن مفعولها قوي

الرجاء من كل عضو و عضوة أرسال و لو رسالة واحدة

و ختام الكلام السلام

[zoura401]

نعم اهانة فاغلب المؤسسات سواء كانت خاصة او عامة نجد فيها موظفين لا مستوى لهم حتى اننا في بعض الاحيان و الله العظيم نجد اصحاب المستوى الابتدائي
لكن ما باليد حيلة مادا يمكننا ان نفعل هده هي الدولة الجزائرية المناصب للاقوى اي الدين يملكون الجاه و المال حيث تنعدم الرقابة كليا

[حمزة 2685]

واش ادير ب راينا ؟

كي ولا و الشنابط -الحرس البلدي - يعرفو يجيبو حقهم خير منا معناه ماشي المستوى هو اللي راهو يحكم

لازم اليد ف اليد تجيب حقك بالسيف عليهم

وهذي الهدرة ف المنتديات والله ولات تصدع الراس

[n.rahil]

هذه العقود وخاصة تاع لاداس غير شيعة بلا شبعة تحسب على اهلك بلى خدام وراك بحال بحال تخلص لي تضيعو باش تروح للخدمة كثر كثر من لي تخلصو اذا خلص

[redha1001]

هادي هي كامل الردود مزالنا بعاد


كيما الدولة راهي تهين في الشهادة و الطالب بهدا الهف و الزوخ لي يروح ليه غير لي الله غالب يعني نستغلوا الضعفاء أما الأقوياء ماشي محتاجين هادي العقود عقود الذل و الإستهزاء ب 26 سنة من الدراسة عقود الخرطي و الدز عقود أفقدتنا حتى هويتنا و من نكون هل نحن في بلد مسلم أم.................



إدا حبيتوا تتلغى هادي العقود كيما في فرنسا نهار حبوا يطبقوها طربقت على ريسانهم لازم أحنا كيما يوصفونا هادوك لتفاهموا على إدراج هادي العقود بأجيال المستقبل و الأجيال التي ستقود البلاد ووووووو لازم يفهموا بلي راهم يحطموا في الشباب راهم يبيعوا في ولادهم راهم يخدعوا في أبنائهم


كثرة الردود تعني اهمية الموضوع مليون رد مئة ألف رد سنحمل الملف بما فيه من ردود لجميع وسائل الإعلام لازم ما نبقاوش ساكتين حتى و إذا كان مجرد منتدى قادرين نقلبوه وجهة و مقصد لآلاف الجامعيين باه يعرفوا حقيقة الدولة و ماذا تفعل في أبنائها 100000.............. رد نقوم بنشر الملف على مختلف المواقع ووسائل الإعلام هادي العقود لازم تتلغى لازم تتلغى لازم تتلغى


إذا أنا تخدعت مرانيش راح نخلي لي جاي يتخدع بكل بساطة مراني راح نقولوا لا جيل المستقبل ولا هم يحزنون

قالك خليدة تومي كانت في وحد الوقت ضد الإنتخابات
قالك المعارضة دارت تحالف ثلاثي

[حسينة 36]

ما لقيت ما نهدر نسكت خير

ذل وهوااااااااااااااان .......................................