***طلع المورال مع**hadji**

[hadjidjelfa]

نوصيكم خاوتي الايمان بربي سبحانه وتعالى والشدة فيه وتديرو في بالكم مليح بالي الباك ماهو الا امتحان كباقي
الامتحانات بل هو اسهل من هاذوك الامتحانات اللي كاين بعض الشيوخا مانقولش قاع كاين اللي يبغو يغلو الشربة على التلميذ الزاوالي مسكين اما بعد نوصيكم باش توضعو في راسكم فكرة الباك جا صحا ماجاش خيرو في غيرو لأن هاذي الفكرة لها انطباع في الأمتحان حيث تعود على التلميذ بالايجاب لا بالسلب طبعا ومادام واحد سعا وطاح وناض ماتغيضوش النتيجة لانه دار اللي عليه والي راهو قاطع اللياس نوصيه بالي كي اللي قرا كالي ماقراش عاندهوم نفس النيفو الى بغا يلحق يلحق الارادة والتطبيق.......

هاذا توقيت اريد ان افيد به كل مسلم ومسلمة
الصباح المنواض باكرا نفضل من 4 حتى 5 لانه توقيت مخير
من5أو4 عندك نصف ساعة حتى لساعة تقرا فيها القران نفضل سورة البقرة كاملة+سورة ياسين+الواقعة+الرحمان+الدخان
تحس روحك قادر على شقاك لانه معجزة وفيها طاقات تنجم تطلع بيه للقمر .
ايا وهومبعد عندك موضوع تع رياضيت بالنسبة للشعب العلمية أو اللغة العربية بالنسبة لشعبة اداب وفلسفة او اللغة الالمانية بالنسبة لشعبة لغات اجنبية و تحلو نفضل تع الشروق اليومي أو الحوليات اللي راني رايح نمدهملكم (سمحولي غير تع العلوم التجريبية كون عندي تع الشعب لوخريين والله غير حطيتهوم)لانهم من المواضيع القترحة 100/ في الباك والى ماكانتش مقترحة الى حليت 5 مواضيع وجبت فيهم أكثر من 15 عندك في الباك بااذن الله أكثر من 16
بعد حل الموضوع الأساسي في 3 ساعات تسقاملك مع 8 زيد حل موضوع اخر في الرياضيات بالنسبة للشعب العلمية او اللغة سواءا كانت الالمانية او العربية بالنسبة للشعب الادبية تزيد تسقمالك مع 11 أيا تريح شويا تفطر وتعاود تروح تحل الفيزياء بالنسبة للشعب العلمية والفلسفة بالنسبة للشعبة اداب وفلسفة واللغة الانجليزية بالنسبة لشعبة لغات أجنبية والمحاسبة بالنسبة لشعبة تسيير واقتصاد تدير معاها تاني 3 ساعات صافية وتزيد تعاود الكرة حتى تسقمالك في الستتة تع العشية ايا تريحو شوية خاوتي هاذيك هيا تصيلولها ومبعد تختموها بالعلوم الطبيعية بالنسبة لشعبة العلوم التجريبة ونغبن خاوتي في شعبة الرياضيات وتقني الرياضي بحفظة وحل التاريخ والجغرافيا واللغة العربية موضوع موضوع على كل حال واللغة الفرنسية بالنسبة للشعب الأدبية 2 مواضيع .
في اليو م الموالي تنوض كيما البارح وتقرا القراان وتصلي كيما البارح بصح برك اليوم نقرا المواد الثانوية لان لها معاملات قع = معاملات المواد الاساسية أيا نبداها بالمواد الساهلة للحفظ برك نصغر الحجم الساعي 2 سوايع لكل مادة يالحباب و 2مواضيع كيما العادة والعوايد ونختمها بالمواد اللي تتطلب فهم لأنها مثبتة علميا الحفظ أسهل صباحا
وهكذا تكون بتوفيق الله قد راجعت البرنامج السنوي في يومين .


لدي اليوم مواضيع حصرية لن تصيبوها هكذا بالدارجة من الرياضيات والحصة المقبلة انشاء الله مواضيع في الفيزياء + ملخص بالحلول وبدون حلول ادعو لي خاوتي راني نعاود في الباك كلاستي العام الليفات جابوه قع قعدت غير انايا ماجبتوش لأسباب واضحة جاية ملعندهم شوفو خاوتي مانغبنكم بكود ماوالو الي منوالى يتليشارجي اقرا يازاوالي

Download :

https://www.mediafire.com/?w6wr1p7ku829a1t