طلب اقامة ورش لتفصال الجبب

[bassamat]

اختى عرجون انتى فى المستوى وخدمتك متقونة والخلعة لا محل لها من الاعراب

[عرجون]

الله يبارك فيكم والله تعليقاتكم عجبتني ربي يخلوكم ويهنيكم
راني مع راي موسى كل وحدة تخيط تحط لنا واش خيطت مع التفاصيل هكذا تعم الفائدة واللي تقدر تطبق مثلها تطبق وتحط لنا هكذا نتعاونوا
على الشغل باه يجي خفيف
الصح الصح راني خايفة لاني اول مرة ندخل منتدى وراني ما زلت جديدة بديت نحط الموديلات من 17 يوم فقط والله ما كنت معولة نوصل لهنا
شكرا لكم ونوعدكم بلي راني راح نبذل كل مجهودي ولكن واكتاه نبداو؟

[رحيق الايمان]

نضم صوتي لصوتكم و نطلب من الفحلات تاعنا يحلولنا قسم لتعليم الخياطة كاين الي حاب يتعلمها كيما حالتي و مالقاش وقت رانا نستناو تربحو فينا اجر و نتمى نبداو من الاول و اي حاجة حتى تتطبق باه نفوتو للي وراها
ام كوثر و عرجون معملين عليكم

[ام رونق]

الفكرة رائعة وانا اضم صوتي للاخوات ونتمنى من كل واحدة تعرف الخياطة تعاونا وتكسب دعواتنا لاننا محتاجين لخبرتهم واللي تتعلم نشجعوها وانشاء الله نبدو مع عرجون او ام كوثر لانهم حقيقة في المستوى

[esperance]

bonsoir les filles, si le lecteur de carte mémoire était a la maison je vous aurez donné le premier cours de couture pour donner du courage a Ardjouna " comment faire une veste avec capuche avec un tissu imperméable....et après je suivrai ses cours pour faire des djebates............ mais hélas je ne peux pas mettre les photos mon fils a prêté a son copain le lecteur de carte mémoire ......mais je ne suis pas chatera comme aredjouna moi je ne couds pas les " belles djebates " mais des pantalons des robes des ensembles avec patron bien sur mais je n'ai plus le courage de faire un patron maintenant je couds rarement et je fait les modèles d'après burda ........j'ai étudié la couture pendant 2 ans chez une dame allez ma fille Ardjouna lance toi et bon courage ce que tu fait c'est très jolie alors laisse nous profite de ton savoir

[esperance]

demain in challah je vous mettrez la photo de la veste

[جيجلية]

الموضوع رائع

أنا فكرتي هي عرض مجموعة من الجبات ونصوت على واحد وتعملنا الأخت عرجون أو أي أخت عندها خبرة ورشة للموديل

[ounissinauha]

الواحدة منا تكون خايفة من الامتحان لما تكون ماهيش محضرة وانت ما شاء الله مودلات الجبب كلهم شابين وفي المستوى الله ايخليك اعملي ورشة .والطلب هدا لا يخص الاخت عرجون بحد داتها بل كل الخياطات المشاركات في هدا المنتدى المفيد .وشكر للاخت عرجون يعتبر ردك بمثابة بصيص امل

[wafaa_alg]

انا تاني معاكم
والله حابة نتعلم التفصال

[ounissinauha]

راك خياطة انتاع الصح يا اختي عرجون وهدا واضح من خلال المودلات المعروضة .ننتضر منك ان تعطينا ولو الشيء القليل وهدا الكلام موجه الى كل خياطة في هدا المنتدى لك تكسب دعوة للصلاح والصحة يا رب

[Afakmax]

لاول اشارك فسوفتكون فى هاته الورشة التى طالما انتظرتها انا انضم الى المجموعة بكل فخر فانا اجيد عمل الكروشي وكل ما يتعلق صدور الكروشى ملابس اطفال .....................................

[khawla-b]

لكن متى ؟؟؟؟؟؟؟؟؟؟؟؟؟

[ريحانة 07]

اعطيكم الصحة على الردود اقترح ان نبدا السبت القادم بمدال من مودلات الاخت عرجون

[totana]

انا ايضا عجتني الفكرة و انضم الى الاخوات والقرار اكيد رايحين نرشحوا الاخوات ام كوثر ...والخت عرجون مع العلم اننى خياطة متخصصة في الملابس الجاهزة لاكن معند يش الوقت لدي اطفال والوقت غلبنى

[ام شرفو]

انا عندي اقتراح
الاخت عرجون تفصل وتخيط جبة وتكتب والا تصور المراحل وتتفاهم مع خياطة اخرى عن طريق المشرفات او البريد الخاص ويقوموا بالاعلان عن الدورة واللي تحب تشارك تسجل نفسها ويكونوا مجموعة groupe تقوم بالتطبيق و طرح الاسئلة والنتيجة اننا نتعلمو
وكل مرة موديل جديد