الرئيس بوتفليقة - الأولوية في التوظيف للمستفيد من عقود الإدماج والتشغيل-

[صفاء 7006]

السلام عليكم ورحمة الله تعالى وبركاته
الرئيس قال واش عندو
بصح كشما كان وثيقة رسمية تثبت واش قال
قالوها ناس بكري الثقة فالوثيقة

[aurese]

بوتفليقة يزور تلمسان.. والعسكر يذبح في تيزي وزو.


اكلمكم وقلبي يعتصر على اخواني واصدقائي جنود الجيش الشعبي الوطني الذين قتلو في تيزي وزو مساء البارحة.
بينما كان فخامته يخطب في الشعب... وكان يستعد للذهاب الى تلمسان لافتتاح تلمسان عاصمة الثقافة الاسلامية وتستقبله الراقصة خليدة تومي. مع راقصات شاكيرا.
استشهد 18 فردا من قوات الجيش الشعبي الوطني في منطقة اعكوران وعزازقة في تيزي وزو.
اعرف شاب من هؤلاء الشهداء. في عمر 21 سنة الوحيد عند امه.
رحمهم الله جميعا.
سؤالي من يتحمل دم هؤلاء الشهداء.

[samira43]

المشاركة الأصلية كتبت بواسطة aurese

بوتفليقة يزور تلمسان.. والعسكر يذبح في تيزي وزو.


اكلمكم وقلبي يعتصر على اخواني واصدقائي جنود الجيش الشعبي الوطني الذين قتلو في تيزي وزو مساء البارحة.
بينما كان فخامته يخطب في الشعب... وكان يستعد للذهاب الى تلمسان لافتتاح تلمسان عاصمة الثقافة الاسلامية وتستقبله الراقصة خليدة تومي. مع راقصات شاكيرا.
استشهد 18 فردا من قوات الجيش الشعبي الوطني في منطقة اعكوران وعزازقة في تيزي وزو.
اعرف شاب من هؤلاء الشهداء. في عمر 21 سنة الوحيد عند امه.
رحمهم الله جميعا.
سؤالي من يتحمل دم هؤلاء الشهداء.

الله يرحمهم

لكن ليس بوتفليقة من قتلهم

المجرمين بين بعضاهم و الضحية دوما من الشعب

كل بيت جزائري فيه على الاقل فرد سواء في الجيش او الشرطة او الدرك او او
و هم دوما الضحايا لانهم ابناء الشعب لكن من يقودهم للموت و من يقتلهم لا يحاسب فيهم احد

ربي يحفظ الجزاير و ابناءها و ينتقم من اهل الفتن و المجرمين

[arez]

اخي حنا ما عندنا حتى مشكل مع الرئيس
الحكومة هي اللي راهي محبسة كلش
و الخطاب تاع البارح ما هو الا تسكيت للشعب و الراي العام
و العالم الخارجي باش ما يقولوش باللي رايحة تنوض في الجزائر
و الدليل الكبير انه الرئيس عمره ما القى خطاب مسجل
و عمره الا القى خطاب بالورق و قاع نعرف باللي الرايس اسلوبه تلقائي و في الصميم المشاكل تاع الزوالي و الشعب ككل
و زيد الرايس عندوا ايدي خفية هي اللي تقود فيه
قالولوا اخرج تهدر مع الشعب خرج و كلش بيدهم ما يخلوه لا يتقدم لا يتراجع ؟؟؟؟؟؟؟

[samira43]

المشاركة الأصلية كتبت بواسطة arez

اخي حنا ما عندنا حتى مشكل مع الرئيس
الحكومة هي اللي راهي محبسة كلش
و الخطاب تاع البارح ما هو الا تسكيت للشعب و الراي العام
و العالم الخارجي باش ما يقولوش باللي رايحة تنوض في الجزائر
و الدليل الكبير انه الرئيس عمره ما القى خطاب مسجل
و عمره الا القى خطاب بالورق و قاع نعرف باللي الرايس اسلوبه تلقائي و في الصميم المشاكل تاع الزوالي و الشعب ككل
و زيد الرايس عندوا ايدي خفية هي اللي تقود فيه
قالولوا اخرج تهدر مع الشعب خرج و كلش بيدهم ما يخلوه لا يتقدم لا يتراجع ؟؟؟؟؟؟؟

بالفعل

لكن السكوت ليس حل

الم يحن الوقت ليضحي لاجل شعبه و يصرح بمن يتحكم في الامور و يعين من يليق بحكم الجزائر و الشعب كله يدعمه



حيرونا الله لا يريحهم خلاو الشعب يتخبط

[شمس الدين485]

الله يعطينا الصبر

[mira27]

"seeing is believing"
min takter elhadra ma ysra walou
ngoulou inchallah

[مهند ستي]

أنا مسمعت خطاب ومانحب نسمع باسكوا عارف مكان حتى جديد
حبيت نقول ماتعيشوا في أحلام وأوهام

الرئيس كي يتكلم يقول قررت كذا وكذا ..... وأنا متأكد مقال هد الشيء في خطابوا

الدولة غنية والرئيس قادر يدير شيء مليح لوكان يحب
فقط يقول قررت منح حق الضمان الإجتماعي والتقاعد لحاملي الشهادات الجامعية على سبيل المثال
وعلاه معندناش حق تقاعد أو ضمان إجتماعي الواحد في عمره 30 عام معنده والو





لوكان جات ليا الرئيس وجماعتوا إلى مزبلة التاريخ

[طيب وابن حلال]

هدرة هدرة هدرة هدرة هدرة
نحوسوا على التطبيق

[zidou_24]

وحدك من فهم ذلك أخي
غنيلو الغنية تاع 10 سنين شماج ونسنى في الإدماج
ياو الراجل في حالة الله يشفيه
الخطاب أولا غير مباشر ومليء بالمونتاج
يقرأ فيه ويريد إنهاءه [اسرع وقت
لم يتكلم على الشباب إلا في جملة واحدة
تكلم على الإنجازات الوهمية كالعادة
لم يشف غليل أي شريحة من المجتمع
عفوا إلا شريحة النساء التي لا يمكن أن ينساها ويا ليت في حاجة فيها الفائدة
الله المستعان
وما أعجبني حقا ,اضحكني وأبكاني أنه يريد تعديل قانون الانتخابات وكأنها لن تزور
ختامها لم يكن مسكا
,انتم أيها الشباب لكم الله وخيرها في غيرها
في الختام خطاب جاااااااااااااااااااااااااااااااااااااااااااااااف لا يسمن ولا يغني من جوع

[samira43]

المشاركة الأصلية كتبت بواسطة zidou_24

وحدك من فهم ذلك أخي
غنيلو الغنية تاع 10 سنين شماج ونسنى في الإدماج
ياو الراجل في حالة الله يشفيه
الخطاب أولا غير مباشر ومليء بالمونتاج
يقرأ فيه ويريد إنهاءه [اسرع وقت
لم يتكلم على الشباب إلا في جملة واحدة
تكلم على الإنجازات الوهمية كالعادة
لم يشف غليل أي شريحة من المجتمع
عفوا إلا شريحة النساء التي لا يمكن أن ينساها ويا ليت في حاجة فيها الفائدة
الله المستعان
وما أعجبني حقا ,اضحكني وأبكاني أنه يريد تعديل قانون الانتخابات وكأنها لن تزور
ختامها لم يكن مسكا
,انتم أيها الشباب لكم الله وخيرها في غيرها
في الختام خطاب جاااااااااااااااااااااااااااااااااااااااااااااااف لا يسمن ولا يغني من جوع

مع من تتكلم يوجد الكثير من السادجين و لا يقبلون النصيحة


من عندي شكرا على النصيحة
ربي يجيب لخير لينا و ليه
ياترى من اين خطب و تحت اي ضغط و من كتب تلك الاوراق

تساءلات كثييييييييييييييييييييييرة
تحيا الجزاير

[sabrac]

راه غي يخرط على الشعب وهو شبه ميت وهذا الكلام تفوات للوقت وحتى يبقى فالسلطة اطول فترة ممكنة

[birelarch]

المشاركة الأصلية كتبت بواسطة sabrac

راه غي يخرط على الشعب وهو شبه ميت وهذا الكلام تفوات للوقت وحتى يبقى فالسلطة اطول فترة ممكنة

اعطينا حقنا واقعد فيها 100 سنة

[birelarch]

ان شاء الله سيتم تعيين رئيس جمهورية في اطار ادماج اصحاب الشهادات

[حسينة 36]

لا اله الا الله محمد رسول الله
يقولو ادماج شكون يدمجو شكون يخلو جماعة الادب العربي والاجتماع مساكن دخلوهم للادارات وقالولهم اخدمو واش من ادماج يستنو وجماعة الاقتصاد راهم يتفرجو واحد اتصال ويخدم في البلدية يخرج شهادة الميلاد واش من ادماج يستنى
راهي بلاد رشوة وفساد الله يهدهم انشاء الله
والامثلة كثيرة
معلومة اضافية منذ ايام رحت وكالة الضمان الاجتماعي وين يقومو بعملية التحصيل تصدمت وخرجت ما امنتش لقيت شخص نعرفو وليد حومة باكالوريا ادب عربي ودرس في الجامعة علم اجتماع وقرانا وحد الوقت فلسفة مستخلف حرت كي شفتو موضف في الكناس قسم التحصيلات يعني منصب حساس يخدمو فيه اصحاب المالية والعلوم الاقتصادية والمحاسبة وكان يحسب ويعاود شفتت فيه ومن باعد سالت قتلو خويا درك خير في الكناس الخدمة والا التعليم خير ضحك وتذمر وقلي التعليم رحمة
هذا لان ماهوش في اختصاصو وزيد دخل يخدم معريفة

نزيدكم معلومة المدير الولائي تاع الكناس الي عندنا يخدم حبابو الكل والي يصلي معاه ويدير معريفة ويربي اللحية يضمن بوصت والمسؤولين الاخرين تاني كيفو يخدمو غير اماليهم
وكي تجي ليبوست يقسموها بيناتهم
الله يجيب الخير هذه مجرد عينة بسيطة

لذلك لا امل في الادماج والرئيس راه مريض في حالة ربي يشفيه ويدين وحدة ما تصفقش غير الضغوطات تاع هذه الايام الي خلاته يهدر

يارب صبرنا