اللي تعرف طيب الطمينة الجزائرية تدخل

[samir tenes]

احنا نحمصو السميد و مبعد نديرو في كسرونة العسل والزبدة فوق النار حتى تذوب الزبدة في العسل ونفرغوها على السميد لازم تكون جارية و اذا بغيتي ديريلها حلوة الترك وخليها تباة حتى للصباح واذا صبتيها يابسة زيديلها شوية زبدة و ماتنسايش القرفة

[soussou_saida]

merci pr la recette

[zoubidaas]

شكرا لكم جميعا ولكن العسيلة لازم المشرية او تقدري تخدميها في الدار بالسكر والزيت

[~~ أغيلاس ~~]

المشاركة الأصلية كتبت بواسطة zoubidaas

شكرا لكم جميعا ولكن العسيلة لازم المشرية او تقدري تخدميها في الدار بالسكر والزيت

و شكون يخدم العسيلة بالسكر و الزيت ؟ ؟ ؟ يخدموها بالسكر و الماء .

خاطيني لكن أظن المشرية خير .

[zoubidaas]

المشاركة الأصلية كتبت بواسطة نبيل الموحد

و شكون يخدم العسيلة بالسكر و الزيت ؟ ؟ ؟ يخدموها بالسكر و الماء .

خاطيني لكن أظن المشرية خير .

اسمحلي والله غير غلطت في الكتيبة
انا كنت حطت الزيت يغلي باش نطيب وقاعدة غير نعس فيه علابيها كتبت الزيت

[بيبيone]

كانت صفحة رائعة
سلاااااااااااااااااااااام

[halwan]

شكرا على النصائح التي سنستفادو بها كلنا

[zoubidaas]

اوكي شكرا لكم

[ام هالة شهرزاد]

شوفي اختى انا درتها فالسبوع تاع بنتي جات روعه
نقلي السميد نص رطب ون متوسط ما نخليهش حتى يتحمر غي يبدا يصفار نحيه "على خاطرش كي تنحيه يبقى سخون ومادامه حامي وهو يزيد يحمار "
ندوب الزبدة وادا حبيتي زيدي شوية صغييييييييييرة زيت
انا درت كيلو ورطل سميد زدت لها نص رطل زبدة + شوية زيت من الاحسن تكون عافيه "لانها ما فيهاش الريحة كيما زيت ايليو"
المهم ندوب نص الزبدة فقط ونبدا نفرغ على السميد غير بالشوية ونفتله بيدي حتى يتشرب الزبدة مليح ونغطيه ونخليه وغدوة نعاود نضيف عليه الزبدة لي بقات ونفتله وهكذا 3اياممن بعد

نحمر الكاوكاو ندقه حتى يولي شوية رطب ونزيده على الطمينة نواة كوكو ونخلط الكل ثم نضيف العسل ديري الخفيفه ماشي العسل الثقيله لانها هي لي تقسح الطمينة
ذوبيها فحمام مائي غير تولي دافيه فرغيها وخلطى الطمينة
ملاحذة لازم تكون العسل خفيفة ودري عسيله وجدان ذوقها روعه هي تجي قاسحة زيدي معها شوية ما وذوبيها حتى تولي خفيفة شوية.
نتمنى نكون افدتك
حنا فوهران نقولو لها التقنتة وحنا فتلمسان يديروها بالفرينية تتحمر فالزيت ويزيدو معاها المكسرات.او الزميتة وتندار بالروينة وجيراني التلمسانيات لما ذاقو ديالي هبلوا عليها والكل طلب الوصفه ..كي تقدميها زيينيها بالفارميسال والقرفه ودراجي.