يا طلبة يا شاطرين تحطوا في الفوباراج.

[hocinehamma]

يا طلبة يا شاطرين تحطوا في الفوباراج!
نعم إخواني تحطوا في الفوباراج من زمان..فإليكم سؤال بسيط لمادا الجامعة الليلية
(u.f.c. )؟
هل اللي ماقدروش يقراو في الضوء يقدروا يقراو في الظلمة !!
إليكم القـــــــــصــة:
كان ياما كان في زمان ثمانينات العصر الماضي و في وطن إسمه الجزائر ، ناس ما قراوش و القاو ارواحتيهم في مناصب مهمة و لكن بلا شهادات تناسب المقام ..و في نفس الوقت كان عدد كبير من الطلبة المجتهدين و الناجحين بالجد و الكد في الباكالوريا يدرسوا في الجامعات ، و كانت هذه الظاهرة تؤرقهم و تفسد عليهم المنام و لا يستطيعوا أن يتمتعوا بما في أيديهم ، لأن هاذ الطلبة رايحين يتخرجوا و فيهم اللي يقرا حتى في الخارج و في أحسن الجامعات العالمية...إذن المناصب الهامة ما هيش دايمة ...ما الحل؟

إجتمع ممثلوا اللي ما قراوش في السّر و درسوا الموضوع المصيري و هم طبعا شطار الذيب و اخوه و اقالوا ماكانش اللعب بمستقبلنا انديروا لهذا القطيع انتاع الغنم فوباراج قبل مايلحقوا لينا وايقولونا خلوا بلايصكم..
و اتفقوا بالإجماع باش يخلقوا نظام جديد أو بالأحرى جامعات جديدة خاصة بيهم و بأمثالهم حتى يحافظوا على مواصلة المسيرة ، هاذ الحامعات تعطيلهم الديبلومات و هما في مكاتبهم و بلا تعب أواحد ما يفيق لازم في الظلمة الكحلة .

ولهذا الهدف وجدت الجامعات الليلية (جامعات الظلام) أي بعبارة أخرى" فاست فود" انتاع الناس اللي ما تعشاوش و طبعا دخلوها بلا باك ، و هكذا ضمنوا المناصب و زيادة على هاذ الشيء زادوا اترقاو ترقية من بعدها ترقية أخرى و اصبحوا ما يخافوش من الطلبة انتاع الضوء .

و زادوا اتفقوا باش اجتماعتهم تكون دورية و سرية و الإتفاقات تنفذ بسهولة لأنه عندهم المناصب القرارية .
و من بين اتفاقاتهم أي البرتوكولات :
- حرصهم على معيار التوظيف في الجامعات أي الشيوخة يكون بالخاصية المتميزة "البنعميس" و كان طلبة ذاك الزمان ايعبروا عليها البيتياس bts وهاذ الشيء إيساعدهم باش ايكسروا المستوى انتاع طلبة النهار...و بعدين يضحكوا عليهم مستواكم هابط لأنه في الحقيقة المستوى هوما اللي طيحوه بلعاني.... وايقول المثّل "فاقد الشيء لا يعطيه"و ايقولولهم زادة "اللي قرا قرا بكري " و كذليك "قراية الظلمة خير من قراية الضوء " وامدحهم الشيخ عيسى الجرموني وقال "اسراو في الليل (الفوباراج) اداو الزين أوراحوا" .
- و بمناسبة الحديث عن البيتياس bts ما لاحظتوش أن كل وزراء التعليم العالي السابقين و اللاحقين من منطقة جغرافية محددة باتنة و تبسة و سوق اهراس و ماجاورهم نبداوها يا سيادي من ابرارحي إلى احراوبية.....و كأن غير همّا اللب قراو...
- و اللي ايجيبوا شهادات من الخارج ايقولولهم ..ما كاش معادلة .
- و اللي ايحب الكابا أو ايكمل الدراسات العليا نجبدولهم معيار السن أقل من 25 سنة أو ديبلوم ufc أو duea .

و لكن جبل الفيس بوك ايقول ليهم ( ما ينفع غير الصّح ) و احسابكم في الدنيا و الآخرة معروف.