موضوع للنقاش "الجاد"

[البوعزيزي]

المشاركة الأصلية كتبت بواسطة qasseml2003

ممم ... وعندما يموت بوتفليقة ... ما الحل إذا ؟؟ ولا تقولي يرحمها ربي ؟؟؟ وزيد راجع مليح الموضوع تفهم وجهة النظر تاعي من الرجل ...

"أطراف متناحرة في السلطة ؟ "
سميهملي، بالإسم، علاه راك خايف، ياخي أنت في بلاد العزة والكرامة ... ما تخاااافش

"هناك أطراف أجنبية لها نفوذ في الجزائر وقادرة على ركوب كل موجة.
هناك لصوص ومجرمين ومتربصين لنهب ممتلكات المواطنين وتكسيرها .
هناك حسابات حتى بين الموطنين أنفسهم ."

يا أخي بركاونا من ما وراء الطبيعة والمتافيزيقا ... واش من موجة وأطراف ... لصوص ومتربصين ... حسابات ... هادي موجودة ربما في العالم كامل ... ماشي غير في بلاد العزة والكرامة.


"ياأخي ماعليهش .
أنت تحب أن تعبر عن نفسك لكن هل تضمن ان التظاهر ينتهي كما بدأ .
أم أن هناك من يصطاد في المياه العكرة .
إذا ضمنت لي هذا فأنا أول الخارجين معك"

الضامن ربي يا أخي ... ومن يهب/يخف صعود الجبال يعش أبد الدهر بين الحفر ... حطها في بالك هادي.
وراني وضحتلك بلي "الخوف وقلة الكونفيونس" هي اللي في رواسيكم ... دايرين فيها لازم الشعب يكسر ويخرب ... مي، كي يوفق ربي سبحانه ... ني نتا ني واحد غيرك يقدر يدير حاجة

[الكناري السعيد]

راني معاك في كل كلمة قلتها خويا
واللي راه يقول لن أتظاهر ولن أسكت فلازم تعرف أنو باباه/باباها مسؤول وسراق كبير ويلا حدث التغيير تروح عليه السرقة
أنا مع التظاهر100/100 وضد كل منافق يلعبها يقول لالا بويسك شبعان من دراهم الحرام وراه خايف الزاوالية يطلعو
واللي يعبها/وتلعبها ضد المظاهرات يلا كان راجل ولا مرأة تخرج نهار 12 ويدخل روحو تشوف واش يصرا فيه

[fatoum22]

المشاركة الأصلية كتبت بواسطة الكناري السعيد

راني معاك في كل كلمة قلتها خويا
واللي راه يقول لن أتظاهر ولن أسكت فلازم تعرف أنو باباه/باباها مسؤول وسراق كبير ويلا حدث التغيير تروح عليه السرقة
أنا مع التظاهر100/100 وضد كل منافق يلعبها يقول لالا بويسك شبعان من دراهم الحرام وراه خايف الزاوالية يطلعو
واللي يعبها/وتلعبها ضد المظاهرات يلا كان راجل ولا مرأة تخرج نهار 12 ويدخل روحو تشوف واش يصرا فيه

والله يااخي لي بباه مسؤول راه حاكم خدمة ماهوش ياخذ ويعطي في الكلام معاك... هذي اولا
ووثانيا كل واحد ورايو انا قلت ضد الفتنة و التكسار.. وزيد كل واحد واش راهو يشوف في روحو.. وانا ما نسمحش لاي واحد يستخدمني باه يحقق مصالحوا على خاطر مانيش بهيمة -حاشاكم- ولا تتهم الناس بالتنيفيق ماهوش من حقك لكنت تعرف الحق .. سلام

[qasseml2003]

المشاركة الأصلية كتبت بواسطة fatoum22

والله يااخي لي بباه مسؤول راه حاكم خدمة ماهوش ياخذ ويعطي في الكلام معاك... هذي اولا
ووثانيا كل واحد ورايو انا قلت ضد الفتنة و التكسار.. وزيد كل واحد واش راهو يشوف في روحو.. وانا ما نسمحش لاي واحد يستخدمني باه يحقق مصالحوا على خاطر مانيش بهيمة -حاشاكم- ولا تتهم الناس بالتنيفيق ماهوش من حقك لكنت تعرف الحق .. سلام

أختي، رانا كامل نعانيو ... وهذا هو المشكل .... علاه رانا "كامل" نعانيو ؟؟
وكيما قولتلك إذا كان عندك حل آخر، فيدنا بيه ؟؟

[fatoum22]

المشاركة الأصلية كتبت بواسطة qasseml2003

أختي، رانا كامل نعانيو ... وهذا هو المشكل .... علاه رانا "كامل" نعانيو ؟؟
وكيما قولتلك إذا كان عندك حل آخر، فيدنا بيه ؟؟

اولا لازم نحدوا مالذي نريد تغييره..
اذاكانت الوضعية يعني البطالة.. لازم اولا نهتم بتحسين مستوانا الثقافي وحتي في اللغات يعني نحضروا مليح للمسابقات ونروحوا ماشي نروحوا فراغة ونحبو ننجحو بل بالعكس نخليو الفرصة لاعداء الجزائر باه يدخلو معارفهم ويطلبو الرشوة..
واذا حبيتو ديرو مضاهرات سلمية عالية المستوى ضد الواقع الذي يعيشه الشاب الجزائري حدو يوم اخر غير اليوم الذي حدده احد الاحزاب الراغب في تحقيق مصالحه.....
يعني مانسمحوش باه نكونوا موجة يركبها بعض الانتهازيين للوصول الى الشاطئ .. و الموجة تبقى في البحر ...
ســلام

[brotherhood]

المشاركة الأصلية كتبت بواسطة fatoum22

اولا لازم نحدوا مالذي نريد تغييره..
اذاكانت الوضعية يعني البطالة.. لازم اولا نهتم بتحسين مستوانا الثقافي وحتي في اللغات يعني نحضروا مليح للمسابقات ونروحوا ماشي نروحوا فراغة ونحبو ننجحو بل بالعكس نخليو الفرصة لاعداء الجزائر باه يدخلو معارفهم ويطلبو الرشوة..
واذا حبيتو ديرو مضاهرات سلمية عالية المستوى ضد الواقع الذي يعيشه الشاب الجزائري حدو يوم اخر غير اليوم الذي حدده احد الاحزاب الراغب في تحقيق مصالحه.....
يعني مانسمحوش باه نكونوا موجة يركبها بعض الانتهازيين للوصول الى الشاطئ .. و الموجة تبقى في البحر ...
ســلام

ههههههههههه

راكي صغيرة في العمر و العقل

مثلا مادامك راكي مهتمة

مسابقة المديرية الجهوية للميزانية 3000 مشارك على جال 26 منصب...هعهعهعهععه

بدون تعليق...

[razed]

المشاركة الأصلية كتبت بواسطة الكناري السعيد

راني معاك في كل كلمة قلتها خويا
واللي يعبها/وتلعبها ضد المظاهرات يلا كان راجل ولا مرأة تخرج نهار 12 ويدخل روحو تشوف واش يصرا فيه

يا أخي إذا كنت انت مواطن و راك تهدر كيما هكا مالا لوكان جيت مسؤول واش تدير.. تقتل الشعب كامل...،ماراناش ولاد مسؤولين و والدينا ماراهمش سراقين عشنا في المزيرية كيما غالبية الشعب وصبرنا حتى فرج ربي ، خمم شوي بعقلك اسيدي خرجت و كسرت و درت مظاهرات ،امبعد واش راح يصرا،راح يخدموك اللي يجيو في بلاصت بوتفليقة ؟،راح يقسمو معاك دراهم البترول ؟ راح يروح نظام و يجي نظام اخر بلاك أسوأ منو ،خمم مليح خويا.

[aonallah]

مازال كاين ارهابيين في الجزائر و ما ليس مضمونا هو استغلالهم لفرصة التظاهرات و القيام بعمليات لا يحمد عقباها.ومن بعد تتخلط قاع الدعوة وتولي أنت يا لي راك باغي المظاهرات تبكي.
هذا ما يخافه العاقل.
أنا أفصل الصبر و التوكل على نفسي و انتظار المكتوب و سياسة الحكومة.أنا يعجبني أويحيا ولا يجب ان تنسو أن الجزائر مازالت ما براتش و مازالها دولة في طريق النمو
لا تقارنوها بتونس أو مصر .
و المشاريغ التي جاء بها بوتفليقة ربي يطول في عمرو تعمر العينين
حبة حبة نجيبوها في الفيلي

[brotherhood]

المشاركة الأصلية كتبت بواسطة aonallah

مازال كاين ارهابيين في الجزائر و ما ليس مضمونا هو استغلالهم لفرصة التظاهرات و القيام بعمليات لا يحمد عقباها.ومن بعد تتخلط قاع الدعوة وتولي أنت يا لي راك باغي المظاهرات تبكي.
هذا ما يخافه العاقل.
أنا أفصل الصبر و التوكل على نفسي و انتظار المكتوب و سياسة الحكومة.أنا يعجبني أويحيا ولا يجب ان تنسو أن الجزائر مازالت ما براتش و مازالها دولة في طريق النمو
لا تقارنوها بتونس أو مصر .
و المشاريغ التي جاء بها بوتفليقة ربي يطول في عمرو تعمر العينين
حبة حبة نجيبوها في الفيلي

ماشفتش ارهاب الحكومة ولا واش

هل تعلم رايحين يزيدوا للنساء تع الشهداء 15000 دج يعني

ترجع تسلك 64000 دج في الشهر...وين صرات هادي...وين راهي العدالة الاجتماعية...وين راهي تقارب الاجور

الارهاب راهو في كل بلاصة...و انت راك منهم