المظاهرات و الشغب في شلف - الصفحة 2

صُبح الأندلس · 2011-01-06, 21:00

اقتباس:

المشاركة الأصلية كتبت بواسطة mldbg6

في الغرب عندنا الوهارنة والشلفاوة هوما لينوضوها والله رجالة نقولها صراحة ونريد الكل من بلعباس إلى غليزان إلى تموشنت إلى سعيدة إلى تيارت...........نريد كامل المناطق ناضت في الحراش وباب الواد الله يحفظكم يا الحرارشة وأبناء باب الواد نريد الإحتجاجات في كل مكان في الشرق ناضت في قسنطينة وسطيف ولا أنسى تيازة وعين الدفلى في الوسط

الرجال من يبنون بلادهم لا أن يخربوها !! بل هم مجموعة من دعاة الفوضى لا أكثر و لو تتبعتهم لوجدتهم يكسرون المحلات لسرقتها

madjara · 2011-01-06, 21:03

iهذا هو الحل الوحيد فكل شيء تعفن

موح دادي · 2011-01-06, 21:09

ربي يهديــــــــــــــــك

عُضو مُحترم · 2011-01-06, 21:48

آخر خبر

تم حرق و تخريب مقر البريد و البلدية في الشطية

aya07 · 2011-01-06, 21:49

احداث شغب في مناطق غرب ولاية البويرة خاصة في الاخضرية و القادرية في هذه الاثناء
مع بعض التجاوزات من طرف المتظاهرين.

attaoui · 2011-01-06, 21:50

الله يجيب اصحاب الخير

عُضو مُحترم · 2011-01-06, 21:51

اقتباس:

المشاركة الأصلية كتبت بواسطة صُبْح

الرجال من يبنون بلادهم لا أن يخربوها !! بل هم مجموعة من دعاة الفوضى لا أكثر و لو تتبعتهم لوجدتهم يكسرون المحلات لسرقتها

شكيب خليل خرب البلاد

لماذا لم تتحدثي عنه

باع حاسي مسعود و لا واحد حاسبو علاه ما هدرتوش

نظام الفوضى · 2011-01-06, 21:57

اقتباس:

المشاركة الأصلية كتبت بواسطة *الفتى الصغير*

شكيب خليل خرب البلاد

لماذا لم تتحدثي عنه

باع حاسي مسعود و لا واحد حاسبو علاه ما هدرتوش

الراجل دا التقاعد وتقاسم الدراهم

ونتوما راكم تهدرو ؟؟؟؟؟؟ مابقاتش هدرة يلزم فعل

بالصح ماشي التكسار

والعهدة الرابعة راهي يخدمولها في الطريق

حسان 9 · 2011-01-07, 00:02

اقتباس:

المشاركة الأصلية كتبت بواسطة صُبْح

التغيير و الإصلاح لا يكون بالكسر و التخريب و النهب
لا حول و لا قوة إلا بالله ، فعلا مظاهر مشينة تسيء إلى بلادنا

اااااااااااه يا خي قصة يا خي مازال تغنيونا في الموشح هذا وبواش يكون بالرشوة والنفاق والكذب اذا انتم تقدروا انا وكثير من الجزائريين ما يقدروش والدولة راهي ما تفهمش الا لغة الضرب والصراخ
خليها تخلى علينا وعليهم المهم يا نعيشوا كامل يا تخلى علينا كامل
لا حول ولا قوة الا باله تعرفوا تقولوها غير عل الزوالي علاه ما تقوليهاش لاويحي وللمسؤولين
ربي يهدي ما خلق ولا ينحيهم

ججيق ثافسوث · 2011-01-07, 00:39

يا نعيشوا كامل يا نموتوا كامل
الشي ما يبشرش بالخير لأنو ماهيشش حاجة ساهلة تتمرد على الدولة الله يجعل الخير و يخرجنا سالمين و ما تطفرش في الشباب المسكين

ساجد لله · 2011-01-07, 01:06

التكسار و التخريب ماوش حل الخاسر الوحيد هو الشعب

لما حرقوا شركة رونو من الخاسر

رونو مأمنا على سياراتها راح تتوجه لشركات التأمين و تعوضلها من أموال الشعب.

يعني أولا و أخيرا الشعب هو ليدفع الثمن