جملة بالجيجلية ما يفهمها غير تاع قبها د بلاد

[الفارس]

السلام عليكم.

حبيت نشارك فالموضوع أخا داحبّ ؟؟

صحيتو.

حمّرة كونت نحوس فّمنتدى أتّاع الجلفة حتى جبرت روحي نkـرا فمّوضوع هدا .

دبصّح الهدرة ادّينّا شوية عاkــرة بارابور للهدرة ادّي لخرين .

أمّي حنا نفهمو بعطانا و نهظرو بزّربة و نزيدو للّاسم ادّلحاجة الحا قبلها. .
حبّبيبوطة ادّمّرkة .
حkـطة . و خلّي و خلي.

و الناس ما علابالهمش بلّي الهدرة ادّي لانسبيكثور الطاهر آي ماش اتّاع الجواجلة سونطر.

آي دّلميلية . و هوما يـkولو آي ادّلجواجلة . ديش ادّي جاب هدا لهادا .


اسلام عليكم .

[hajer.joujou]

السلام عليك مشكورين على الموضوع الرائع المثير ع الجواجلة اقول لكم اخواني كفاكم استهزاءا بالاخرين و باش يكون في علم الجميع ماشي كامل الجواجلة
الجميع ماشي الجواجلة كامل يهدرو هكذا هاديب هدرة الجواجلة سونثر مالا ما تعمموش على الكل و زيد ما نظنش كاينة حاجة تضحك في هدرتنا حناااااااااااا
تضحك في هدرتنا حنا الجواجلة وانا نظن بلي الشي دي كتبتو مفهووووووووووم عاادي و المثل يقول ((الجمل ما شافش لعروة تاعو
و شاف لعروة صاحبو)) شكرا مجددا

[omar-zara]

صحيت الأخت عللووضوع عجبني kـــبالة وانشالله تجيبننا حاشيحاجة جديد

[saruna]

مشكورين جميعكم على المشاركات العطرة

1- سامحيني اختي نسرينو . سوف ابعث لك رسالة في القريب ان شاء الله . ارجو منك ان تصبري علي لانني لا اعرف كيف ابعتها للايميل تاعك . مشكورة على كل مشاركاتك العطرة ارجو ان لا يكون ظنك قد خاب في .


2- مشكور اخي فارس . انا فهمتك قبالا في شي دي قولت . مشكور على المشاركة و المعلومة .

3- مشكورة اختي . حقا هناك بعض الناس من الولايات الاخرى يضحكون على الهدرة تاعنا . انا عندي خالتي في العاصمة . ولادها تضحكهم الهدرة تاعنا . ولكن ليست هناك مشاركات في هادا الموضوع تسئ الى هدرة الجواجلة . كل الاخوان و الاخوات يفهمون الجيجلية و يحبون جيجل .



جزاكم الله خيرا

[الوردة البيضا]

انا جيجلية كي نسكن في مسيلة
ودبصح كاين ادي كايطحكو على الهدرة ديانا
واحنا اللهجة ديانا جات من المغرب كيما k ريت عليها
وبلكل الجزايرين اخوة مع بعطاهم وماكانش النتفرقة بيناتهم

[saruna]

عندك الحق اختي وردة

حنا كامل ساكنين في الجزاير نورملمون واحد مايطحك على خوه


لو كان تطلعلي دروق نطحك على الهدرة الغاشي لو كان واحد ما زاد طحك علينا

مزيا انا ناس ملاح

هههههههه

مشكورة على الرد

جزاك الله خيرا

[nesrinou]

سارونا حتاشي .. بغرضك انا ديجا ماكيندخلش la boite de reception bzf tellement que 3endi bzf dabriat lol

عجبني الموضوع هذا قبالة خاصة غير شاركو فيه كتارة لجواجلة

vive lahadra diana

ودي ما كاتعجبوش واش داني فيه ليسونسيال تعجبنا احنا لجواجلة وزيدها كاين بزاف دي كاتعجبهوم تع آلجي كاين دي نعرفهوم

ويحبوها ،، وزيدها كيما قاال الفارس على لانسبقثر طاهر مايعوجش لينا زعما يقولو لجواجلة بصح غالطين علاخاطرش الهدرة تاعنا

ماشي هاكذيك كااااااااامل وزيدها يهدر ب qu و .... وعلابالهوم من هوما دي كيهدرو هاكذيك سقسيو لجواجلة يقولولكم بلي

دصحاب مي... مانكملش خير علاخاطرش ماحاباش يفهومني غالط ويقولو كينعوجلهوم بصح c la verité

سلااااااااااااااااام

[saruna]

مشكورة اختي نسرينو على ردك المفرح

مزيا ما تغششتيش مني انا حسبتك ما تزيديش تهدري معايي .

لي الشرف في ان اضع موضوع و يعجبك و يشاركو فيه الاخوان و الاخوات . مشكورة .

انا فهمتك دشديقولت

و مهما اختلفت اللكنات تاعنا المهم ساكنين كامل في جيجل

وغير الجاهل يطحك على الناس في حاجة كيما هادي


و اللي يطحك على هدرتنا نحطوه في التقيل

و زيد بزيادة كاين بزاف ناس يحبو الجواجلة في ولايات كثيرة من الجزائر

المهم حنا نحبو اللي يحبنا و اللي يطحك علينا نطلبو من ربي يهديه

و ما نعباوش بيه

وتحية كبيرة لكل اعضاء المنتدى من كل الولايات .

مشكورة يا نسرينو

جزاك الله خيرا على ردك الرائع

[wah]

السلام عليكم حبيت نقول لخاوتي بلي الهدرة ديال الجواجلة راهي حلوة وتعجبني بالعكس ماش كيما نظنوا هوما بلي راهي ضحك .......والسلام..تقبلو مروري.

[saruna]

المشاركة الأصلية كتبت بواسطة wah

السلام عليكم حبيت نقول لخاوتي بلي الهدرة ديال الجواجلة راهي حلوة وتعجبني بالعكس ماش كيما نظنوا هوما بلي راهي ضحك .......والسلام..تقبلو مروري.

مشكور اخي يعطيك الصحة

حتى حنا نحبوك

جزاك الله خيرا على الرد العطر

[حنين موحد]

بالعكس انا قريت في جيجل واخوالي من جيجل ونحب الهدرة تاعكم حلوة وتزربو فيها وتزيدو حرف الحا دايما
مي بصح تعجبني واصحابي بكل من تم

[saruna]

المشاركة الأصلية كتبت بواسطة حنين موحد

بالعكس انا قريت في جيجل واخوالي من جيجل ونحب الهدرة تاعكم حلوة وتزربو فيها وتزيدو حرف الحا دايما
مي بصح تعجبني واصحابي بكل من تم

مشكوووووووووووور اخي حنين

نعم حقا نحن نزرب في الهدرة ونزيد حرف الحاء او الدال قبل الكلمات

مشكور جزاك الله الف خير

[أرجوانة]

السلام عليكم حبيت نقول الهدرة ديال الجواجلة راهي حلوة وتعجبني بالعكس ماش كيما تحسبوها عندي بابنت عمي متزوجة فما عقليتهم روعة و هما ناس ملاح بزاف

[saruna]

المشاركة الأصلية كتبت بواسطة abir-b

السلام عليكم حبيت نقول الهدرة ديال الجواجلة راهي حلوة وتعجبني بالعكس ماش كيما تحسبوها عندي بابنت عمي متزوجة فما عقليتهم روعة و هما ناس ملاح بزاف

مشكورة يا عبير

قد ما تكون هدرتنا حلوة وما تلحقش حلاوة ردودكم .

مشكورة و الله متاكدة انو حتى انتي ناس ملاح

جزاكي الله خيرا

[boulboul113]

السلام حليكم ورحمة الله تعالى وبركاته
حاب نتعلم لغة الجواجلة لأني نجي لتم بزاف ومانعرفش كلمات
وحاب نسقسيكم؟
واش تعنو بكلمة: حنش ذا الموتور ؟؟؟