كيف تجدون أنفسكم؟؟؟

[وفاء بنت الاسلام]

المشاركة الأصلية كتبت بواسطة ouarda1992

السلام عليكم
نقدر نقولك حضرت مليح راجعت المواد العلمية ومواد الحفظ ما عنديش فيها مشكل لأني حفظت
بالنسبة لاختبارات هذا الفصل نقدر نقولك كاين مواد خدمت فيها مليح كيما العلوم والانجليزية والفلسفة والشريعة والاجتماعيات
وكاين مواد ما خدمتش خلاص كيما الفرنسية
وكاين مواد نص بنص كيما الرياضيات الموضوع كان صعيب بصح مليح بزاف

غدوة اليوم الاخير عندي فيزياء

وردة stp من فضلك حطيلنا السيجي تاعكم تاع المات

[racha2011]

قبل الامتحانات قلت ندي المعدل علا الاقل 16 و درك ..........................
ربي يجيب الخير

[racha2011]

انا المواد لي ما عبيتش خلاص الكراس كيما الاجتماعيات و الاسلامية خدمت روعة اضافة الى الفرنسية و الانجليزية لي اصلا الكراس سلفتو قبل المتحان و ما رجعوهوليش و اصلا ما نسحقوش واش نقلك قريب نضمن ال20 بصح المادة لي عييت عليها و هي العلوم ما علاباليش كان خدمت ولا خرجت من القم فرحانة لقيت الليسي الكل يبكي واحد ما خدم توسوست........ الرياضيات في سؤال لتمرين ساعتين و انا نحل ما خرجليش الجواب كي خرجت و سقسيت الاستاذ قالي غلطة في التمرين و ما كان لاه نكمل المواد الاخرى كيف كيف

[إبريق]

مازال التأقلم حتى الثلاثي الخير
الان لا تعرف اولا تتوقع اسئلة استاذك إلا نادرا

[**زهو**]

انتهيت اليوم من الإمتحانات لكن وصراحة لم أستطع تقييم نفسي لأني لم أحضر لها جيدا
ولكن اكتشفت أشياء كثيرة كعدم حفظي وترك الدروس تتراكم
والإكثار من حل تماريين الفزياء والرياضيات
على كل كان الله في عوننا فالبكالوريا وصلت وعلينا أن نجتهد لنصل
وفقنا الله جميعا ان شاء الله .