يريد أن يخطبني لكن ابيه لا يريد للأنني اكبر منه سنا

[حياة03]

ادا كان من مكتوبك ما كانش حاجة لي رايحة تفرق بيناتكم و ادا ما كانش عرفي بلي ربي جاب السبة هدا ماكان و انا نتمنى يكون من مكتوبك انشالله

[صُبح الأندلس]

ما دمت متمسكة به فأسأل الله أن يجعله من نصيبك و يشرح صدر أباه نحوك .

[المهذبة]

علاه فضو الرجال اختي كل واحد يمشي بمكتوبو صدقيني

[shadow30]

والله غير تحير اين هو المشكل في كونك اكبر منه ببعض سنوات ===الصح في لعقلية كتفاهمتو ورتحتو لبعض هدا هو الصح
الحل عند خطيبك ==مدامو متمسك بيك ومصر على انك انتي هي المراة المناسبة سوور راح يقدر يقنع والدييه وفهمهم ===ولباقي على ربي سبحاااااااااااانه الى كنتو لبعض سور واحد مراح يبعدكم==ربي يفتح عليك ان سشااااااء الله

[صامهد]

choufi ana n9olek rire akhtik wahede srire 3lik makalah parce que ayji nhare wine yandeme 3liha
arajale daymene mlih bezef kiykoune kbire en plus 25ns ana 3andi mazalou srire 3la zweje ou balek mana lradwa y9ole loukene rire sma3te ray waldiya

douka debri rassek ana 3titek rayi ou koule wahed kifeche

rabi y9adrek beche tkhami mlihhhhhhhhhhhhhhhhhhhhhhhhhhhhhhhhhhhhhhhhhh

[fatouma alg]

ربي يجعلو من مكتوبك ان شاء الله

[أحلام سرمدية]

شوفي نخاف نقولك تحداو وتطيحي في رصة يكرهوك حياتك ولا يكرهولوا حياتو

[ام إثري]

يا اختي نصيحة من اخت لاختها
خليك منو راهو صغير عليك بزاف
خاصة شباب تاع ذرك عمرو 25 سنة ما زال عقليتو صغيرة
وانتي واش حتمك تدي واحد صغير عليك
اصبري راهو كتوبك يسنى فيك

ومن فضلكم اخوتي ماتزيدوش تقارنو نفوسكم بالنبي والسيدة خديجة لانو هو ماهو بعقل سيدنا النبي وانتي ما كي في مستوى نضج السيدة خديجة
باه تتفاهمو

ونعرف حالات بزاف عندنا ي العايلة واحد مزوج بوحدة اكثر منو بعامين برك صح في الاول عجباتو بصح كي كبرو ذرك ولات تبانلو كبيرة بزاف ما هيش تاعو

وعلاش يا اختي تحطي روحك في حالة كيما هذا

اصبري اختي اذا كتبلك ربي تزوجي راح تزوجي وان شاء الله يكون خير من هذا

ويبقى مجرد راي اختي يحتمل الصواب والخطا

['' أمة الرحمن '']

.................................................. ...............

[أسير الماضي الحزين]

ربي يعطي على قد النية وبالمكتوب إذا كان مكتوبك معاه راح يكون ليك وحدك..........

[عوماري]

ما احوجنا لتطبيق شرع الله والابتعاد عن العادات والتقاليد البالية اللتي ما انزل الله بها من سلطان

[تجويد]

السلام عليكم ورحمة الله
في رأيي لا توجد مشكلة في أن تتزوجي من هو أصغر منك إن كان التفاهم موجودا بينكما وأعرف الكثير من الأزواج الزوجة تكبر زوجها ويعيشون حياة هانئة
ولكن ولأن والده يعترض أظن أنه عليك الانسحاب إلى أن يحل الموضوع مع اهله
لأني صراحة لا يمكن أن أتصور نفسي سببا في مشاكل بين شخص وأهله مهما بلغت درجة مشاعري اتجاهه
إن كان قادرا على إقناع والده وإن كان من نصيبك فلن يحول بينكما شيئ

وربي يجيب الخير

[الحرفية]

أختي فوضي أمرك لله ، و كوني متأكدة أنه لن يخذلك ،العيب ليس في السن .....و لكن أهم شيئ حتى تكوني سعيدة في حياتك هو رضا والديه عليه.
الله يوفقك لما يخبه و يرضاه.

[أمـ جيجل ــال]

السلام عليكم ورحمة الله وبركاته


أختي الكريمة قد قلتها بلسانك أنك صليت صلاة الإستخارة وأنك لازلت متخوفة من هدا الأمر معنى هدا أن تتركي الأمر يسير في مساره الحقيقي له فإن استطاع أن يقنع والديه فيتقدمو لطلبك كما هو متعارف عليه فأهلا وسهلا لم يتطع إنسي الامر وكما سبق للكثيرات وقلن هناك غيره آلاف الآلاف خاصة وانه في وقتنا هدا أصبحنا نرى كل من يتزوجها أكبر منه يعيد الزواج للمرة الثانية ويجعل الفارق بينهما حجة مشروعة له فتجده يندم ولا أدري مادا فكري أختي في الأمر بروية ولا تتعجلي وعليك بالإستخارة مرات ومرات بالتوفيق

[isma84]

هنا المشكلة ماراهيش فيك انت لازم هو يدير المستحيل باه يقبل باباه صح صغير عليك مي نورمال المهم تكونوا متفاهمين انا نعرف شعال من وحاد تزوجوا و راهم لاباس عليهم المهم لابي يسهل و ادعي ربي و استخيري بالاك تسهال عليك و ندعيلك ربي يوفقك ان شاء الله و يكون من نصيبك ان شاء الله سبحانه و في الاخير نقولك كل شي مكتوب