فوضى في التسجيل لشهادة الماستير

[جهاد اسلام]

خلاص انا استسلمت مش رايح اسجل في اي شيئ لا ماستر ولاما يحزنون والله الواحد كره القراية وجد القراية راح افكر في شيئ بعيد عن كل هذه المهازل

[amin-simple]

المشاركة الأصلية كتبت بواسطة samino14

عاد مالا أعضاء المنتدى كامل كانوا نهار الخميس معايا في دالي براهيم والله كان عمبالي راني خلصتلكم قهاوي {ولاتشربو حمود..هههههههههه} وقيلا عندنا نفس المصير,ياو كان غير يسهلنا ربي ونقراو مع بعضانا انشاء الله .وبخصوص سؤالك أختي ايمان العرب فرقم تسجيلي هو 1096 وخليت ورايا كما ذكرت سابقا غاشي كبير والله منعرف كيفاه صراتلهم..تحياتي لجميع الأعضاء خاصة ألي كانوا معايا نهار الخميس في العفرة { الحاج كونان وamin_simple }والسلام.

ربي يخليك خويا سامينو و الله حتى انا كون كنت عارفك تروح فماك كون تلاقينا و جمعنا مليح
ماعليش كاش نهار ان شاء الله في كاش معافرة هههههههههههههههه:d
انا كنت جيت موراك انت دفعت و رحت و انا كنت في لاشان برا
و من بعد الغاشي هجم عليهم و حبسو التسجيل و قالك لازم تتنظمو باش نسجلوكم
و انا مش عارف كيفاه حتى سجلت بالزقى و الهدرة و زيد و زيد
و الرقم تاعي ماكانش بعيد عليك بزاف 1124
و عايطلي صاحبي قالي حاوزو البقية و مانعرف قالولهم خلاص حبسنا التسجال مانسجلوش و غلقو الأبواب في وجوهم
ربي يجيب الخير برك و ربي يسهل للجميع ان شاء الله
تحياتي لكم

[mostafa27250]

بالتوفيق للجميع وخاصة أعضاء منتدانا إن شاء الله

[يانيس تيتو]

ألف تحية ليك خويا amin_simple ولكل أعضاء المنتدى , والله شيء مؤسف الذي وصلت اليه الادارة في بلادنا وخاصة بالجامعة وين تتوصل موظفة طوووول لسانها وتعيط على الطلبة ..تشد الدواسا بالتشناف ..ومن بعد يغلقوا الباب ويحاوزوا الباقي ..تقول راهم يخدموا في رزق باباهم؟ المهم احنا درك ندعيو ربي سبحانوا ييسرنا في هذا الماستر تاع النيلو{بلاك الواحد يزيد يقرى مدام ماعندوش التزامات} ولي مساعفهمش الحظ غير باه يسجلوا ربي يقدرهم الخير حيث شاء.
وعن استفسار الاخت hamooda بخصوص الاعلان عن تسجيلات الماستر نقوللها أنا شخصيا شفتها في منتدانا وبلاك هي لي مدارتش بالها , وعلى العموم كاش مايكون تسجيل في جامعات أخرى نعلموها نشاء الله ونزيدوا نسجلوا معاها ..{لا خاطر تحصلت على حزام بني في التسجيل بالماستر من دالي براهيم وعندي الخرة الكافية ههههههههههههههههههه}سلامــــــــــــــــــــي.

[يانيس تيتو]

هادوما جايبين بينا الوقت
راه مايتحس بالجمرة غير الجبال لي مايتلاقاوش..هههههههههه

[دكتورة بإذن الله]

الان فقط كلمتني اختي بالهاتف لانني كنت متحيرة اذا سجلتلي ام لا ...........كنت مقلقا لانها طولت عليا بالرد
و لكن قالتلي سجلتلي بصعوبة ياااااااااالطيف
على كل
ربي يوفق الكل مع انني احس ان الامل ضعيف

[hamooda]

يا سلام
الناس سجلت و راهي تستنى
و ان و الله ما سمعت حتى خلاص الديلي
يا ناس قولونا ارجوكم وين نروحوا نسجلوا و ين هي الجامعات اللي فتحت

و انا كيفاه نعرف

هل تم تمديد الاجا ل بدالي ابراهيم
ارجوكم اريد التسجيل

والانتظار والفناه من بكري

[mohamed rezak]

في دالي ابراهيم على الاقل المدة كانت اسبوعا مع اعطاء الحق لجميع الطلبة بالتسجيل.
الكارثة كانت جامعة البليدة فالشروط الموضوعة كانت كما يلي
دفعة 2010 فقط. عدم دخول اي امتحان استدراكي و لا شامل و عدو اعادة السنة .
و الغريب ان مدة التسجيلات كانت 5 ايام فقط.
الحمد لله انا قمت بالتسجيل. و العدد ليس كبيرا. و اكثرهم من جامعة البليدة

[dadi adel]

mais 3lach ma hatouhach fi site nta3houm ( blida)

[dadi adel]

ah ya ness blida 3lach mahbitouch t9olona 3la hadi master

[جمال الهدى]

راهم يقولوا يدوا 25 في كل تخصص

[ايمان العرب]

25 قليلة بزاااااااااااااااااف
بزااااااااف
انا في تخصص المالية الي سجلت فيها كاين تقريبا 1500 طالب
الامل ضعيف بزااااااااف بهذا العدد
ربي يوفق الجميع

[omar-boss]

لحد الأن ماكان حتا شيء رسمي بخصوص العدد لي رايحيين يدوهوم
أنا سمعت 40 و كاين ل قالي ياخدو نسبة معينة حسب عدد ملفات
حيث لا يعقل مالية 1800 مثلا و 300 تسوييق يدو 25
ماتدخلش في العقل

[maitre manel]

يعني انه انتهت التسجيلات ?

[جهيدة تيارت]

السلام عليكم حابة نقولكم انو الي فاتوا الديلي تاع الماستر في العاصمة راها جامعة الاغواط مازالها تسجل حتى 04 نوفمبراخر اجل
و الملف هو
طلب خطي
الديبلوم
كشف النقاط لاربع سنوات
كشف نقاط البكالوريا
و ربي يسهل على الجميع