الى كل من اراد المشاركة في بكالوريا 2011مثلي.....

[خديجة الجزائرية]

المشاركة الأصلية كتبت بواسطة didin

أنا راح نعاود بربي إن شاء الله ونقرالوا غير الشهر الأخر كلش راح نقراه فاليكول
راح نقرى فالمدرسة التحضيرية المتعددة التقنيات

واش كنت حاب تدير؟

[gnawa_diffusion]

المشاركة الأصلية كتبت بواسطة خديجة الجزائرية

واش كنت حاب تدير؟

Art cinéma

[❀ بَسْمَةْ أَمَلْ ❀]

انا تاني حابة نعاود ماعاااكممممممممم

[sara]

يا جماعة انا ثاني في ورطة جبت 14 و التعاويد فيها فيها بصح مترددة نبلوكي العام ولالا رح ندخل للجامعة ونشوف الاحوال ومبعد نقرر لكن عمومااا الي عرفتهم كامل عاااودو وحرصوو جابو الاكثر بكثير باذن اللله اتمنى لكم التوفيق جميعا دون استثناااء ربي يسهل ليكم واتنمى ان يضل تواجدكم في هذا المنتدى باااه نتبادلو المعلومااات ان شاء الله ربي ما يضيعناش

[didin]

والله مالقيت وش ندير

نقول فيزيا ولا كيميا يضكوا عليا على خاطر راك فالدزاير
ياو فالخارج فنون سنيمائية بحقها


نورمالموا الي يعيش فالجزائر 20 سنة يعطولوا شهادة عليا معترف بها دوليا ويخدم وين يحب

[minou22]

اخواني انا تحصلت على معدل قدره 15.16 رماوني للمدرسة التحضيرية نتاع العلوم الاقتصادية رغم اني علمي نبلوكي العام ونعاود واللي صار يصير

[mira.ph]

انا مستحيل نبلوكي صح صعيب الحال بصح واحد مايضمن اني راح نجيبو 16 لاني حابة نجيبو بمعدل 16 ورايحة نبدا من ضرك

راني حايرة و خايفة.......

[العصفورة الحرة]

انا جبتو 14 وراح انعاود الباك مي رايحة انشوف لحوال في الجامعة مي نقرا غير بعض الاشهر ثم اترك الجامعة من اجل التحضير للباكلوريا.

[safioo]

حتى انا يا الخاوة راح نعاود الباك ان شاء الله

باغيا نزيد نسجل انجليزي

[خـواطـر]

.............

[asmamaam]

يا خاوتي نصيحة مني لبغا يعاود الباك ميبلوكيش العام نتاع الجامعة على خاطر مكانش ليضمن يجيب الباك بمعدل احسن العام الجاي وممكن العام الجاي الصيدلة ومشتقاتها تولي 18 كل شيئ ممكن في بلادنا يعني متضيعوش عام جامعة

[khaled34sd]

المشاركة الأصلية كتبت بواسطة didin

أنا راح نعاود بربي إن شاء الله ونقرالوا غير الشهر الأخر كلش راح نقراه فاليكول
راح نقرى فالمدرسة التحضيرية المتعددة التقنيات

salam mon frere
ana thani rani ecole préparatoire sience et tech annaba
w rani rai7 n3awed lbac liber
normalment n9der
mais galouli
prgramme chrger te3 epst

[خديجة الجزائرية]

المشاركة الأصلية كتبت بواسطة didin

والله مالقيت وش ندير

نقول فيزيا ولا كيميا يضكوا عليا على خاطر راك فالدزاير
ياو فالخارج فنون سنيمائية بحقها


نورمالموا الي يعيش فالجزائر 20 سنة يعطولوا شهادة عليا معترف بها دوليا ويخدم وين يحب

عندك الحق كي تولي تشوف ما تلقا حتي حاجة تصلح
نورمالمو كل اختصاص وعندو قيمتو بصح حنايا كاينين بزاف اختصاصات مهمش عاطيينهم حقهم
ربي يوفقك ان شاء الله

[didin]

خويا خالد تقدر تعاود البروقرام شارجي بالصح في نفس الوقت راك تقرى للباك ياك نقراو رياضيات فيزيا كيميا فرونسي وانلجلي
يعني الشهر الخر راجع الادابيات وشويا علوم

[hicham200810]

سلام عليكم حتى أنا راني نعاني ديت 14.48 و راني فلاحة فالحراش بصح رايح نعاودو . نقرا فالجامعة الفصلين الأول و الثاني ومن بعد نبدا نحضر للباك و اذا لقيت روح ندور فالفيد نبلوكي العام و نلها بالباك و حدو. صحا فطوركم