دورة تدريبية لتعلم صنع الحلويات مع أختنا " ام سوسو" جزاها الله خيرا

[rafik abdo]

وفيك بركة استناي احسن باش نحطلك التصاور

[kokotg]

السلام عليكم حابة وصفة قلب اللوز وتكون مجربة وناجحة.............شكرا

[rafik abdo]

المشاركة الأصلية كتبت بواسطة kokotg

السلام عليكم حابة وصفة قلب اللوز وتكون مجربة وناجحة.............شكرا

*المقادير:



-1 كغ سميد خشن.
-700غ ألى 750غ سكر عادي.
-100غ سمن ذائب.
-كاس شاي من ماء الزهر.
-القليل من الملح.
-ماء ضروري حوالي ربع لتر
-ملعقة من الفانيلا.



*الحشو:



-اللوز.
-ماء الزهر.
-قرفة.



*الشاربات:



-300غ سكر + 1لتر من الماء + كأس شاي من ماء الزهر
.

*طريقة التحضير:

-ابدأ بتحضير الشاربات و ذلك بوضع السكر و الماء يغليان لمدة 10 دقائق في نهاية الغليان أضيفي ماء الزهر و اتركيه يبرد.
-أخلطي السميد ، السكر، الملح و الفانيلا. أضيفي السمن الذائب اخلطي جيدا بأصابع اليد فقط من دون أن تعجنيه و رشي بالماء و ماء الزهر من حين ألى آخرتماما كما يحضر الكسكس .
-اتركي الخليط يرتاح على الأقل نصف يوم او ليلة كاملة باش تخرج نتيجة حيدة، ادهني السينية ضعي فيها نصف الخليط و ضعي عليها الحشو ثم غطيها بالنصف الآخر ،سويها مليح بيدك ثم اقسمي المساحة ألى مربعات. ضعي في كل مربع حبة لوز . يوضع قلب اللوز في فرن مسخن ب 200 درجة مئوية لمدة 30 د حتى يصبح لونه أحمرفي أطراف السينية عندها حمريه من الأعلى .
-عند أخراجه من الفرن يسقى بالشاربات الباردة ثم يرجع ألى الفرن الساخن لكن مطفأ لمدة 10 دقائق . اتركيه يبرد ثم قطعيه.
بتوفيق ان شاء الله اختي

[بنت الحاج07]

مرحبا بيك اختي وينها البداية رانا نسناوووووووووو

[فصل جميل]

بارك الله فيك رب يحفظك .

[جزائرية حرة مستقلة]

السلام عليكم و شكرا على الموضوع الرائع
أختي أم سوسو أريد استشارتك
طيبنا القريوش و ما صلحش جا يتفترش ما يتهزش
دبرو عليا قالو ديري بيه قاطو مايطيبش
ساعديني و دبري عليا واش نزيدلو
و شكرا
أنا في انتظار الرد

[كريمة عضو جديد]

المشاركة الأصلية كتبت بواسطة جزائرية حرة مستقلة

السلام عليكم و شكرا على الموضوع الرائع
أختي أم سوسو أريد استشارتك
طيبنا القريوش و ما صلحش جا يتفترش ما يتهزش
دبرو عليا قالو ديري بيه قاطو مايطيبش
ساعديني و دبري عليا واش نزيدلو
و شكرا
أنا في انتظار الرد

سلام اختي تقدري ترجعيه قاطو بجاوية يجيك هايل

[rafik abdo]

المشاركة الأصلية كتبت بواسطة كريمة عضو جديد

سلام اختي تقدري ترجعيه قاطو بجاوية يجيك هايل

معها الحق ديري بيه البجاوية
وهي
3كيلات تاع قريوش مكسر
كيلا لوز
كيلا جوز
كيلا بيستاش
حلوة الترك
وتلميها بالعسل
وبعدين تعطيها في السوية وتخليها حتى تبرد شوية ثم اقسميها مربعات

[KHALIDA TLM]

بارك الله فيك يا أختي
أنا عندي مشكلة,نبغي ندير الحلويات ولكن حتى أبسطها متنجحليش رغم أني أنقلها كما هي لا حلويات العيد ولا كيك والله وليت نحشم أمام زوجي و أهله أرجوك أن تفيديني في هذا الأمر.

[rafik abdo]

المشاركة الأصلية كتبت بواسطة khalida tlm

بارك الله فيك يا أختي
أنا عندي مشكلة,نبغي ندير الحلويات ولكن حتى أبسطها متنجحليش رغم أني أنقلها كما هي لا حلويات العيد ولا كيك والله وليت نحشم أمام زوجي و أهله أرجوك أن تفيديني في هذا الأمر.

السلام عليكم اختي
عندمي ترو حوي تفتحي العجين بالحلال اتركي العجين يرتاح على اقل 20د راح تنجحلك العجين ان شاء الله واذا احتجت اي خدمة راني هنا في المساعدة

[chanbi amine]

شكرا اختي ام سوسو عندي عرس اخويافي جوان طلبوا مني حلويات سعديني من فضلك:-

[البعيدة عن البحر]

السلام عليكم ورحمة الله تعالى وبركاته
أشكر أم سوسو على كل هده الوصفات فهي رائعة جدا
بارك الله فيك

[تيماء الله]

السلام عليكم ورحمة الله وبركاته مشكووووووووورة والله تربحي فينا اجر انا نحبي ندييييير القاطو بصح ما يصلحلييييييييييش دديما ديفو والله ما نعرف اختي العزيييزة راكمن ابهرتوني نسنا منك الدرسالاول وييين تحطي الدروس

[*جوري*]

السلام عليكم و رحمة الله و بركاته
اهلا و سهلا بكي معنا ام سوسو و ان شاء الله نستفيد من خبرتك في صنع الحلويات

[rafik abdo]

السلام عليكم ورحمة الله وبركاته
برنامج ادورة
"]كل يوم "]]السبت والاربعاء "]]سيتم وضع "]وصفة وبعدين راح ]نشوف ردودكم"]وتطبيقاتكم بااذن]الله]
اليوم باذن ابدا بااول الوصفة وهي حلوة معروفة كتير في الجزائر وهي العرايش كاين بزاف من ناس يحبو يجربو لعرايش بصح ماينجحوش فيها يخرجلهم يابس
جربو هذه الوصفة اكيد راح تنجحوا فيها وخبروني من بعد

للاحتفاظ بدرس اضغط بيمين الفارة ثم احتفظ بها