مسألة بسيطة

[belmani oussama]

شكرا ليك يأخت رفيف بارك الله فيك
سبب الضعف في الداوال هو بصراحة الأساتدة المستخلفين لي قراونا دارونا فئران تجارب بش يكتسبو الخبرة نوكل عليهك ربي
الفصل الأول كامل قراونا 5 أساتدة كل مرة يجيبولنا أستادة جديدة ماعندها لا خبرة لا والو تجي تجرب فينا وكل وحدة عندها أسلوبها وأرواح آ أسامة وأفهم
كان من المفروض الأولوية لينا نحن التقني ونفس المشكل مع زملائي شعبة الرياضيين
كان من المفروض الاولوية للتقني والرياضي يجيبولهم أساتدة دات خبرة طويلة ودات كفاءة بصح الله غالب هادي هي الجزائر كلش معريفة
المهم
كاينة حاجة أخرى مازلت مانعرفهاش مليح وهي
كيفاش نستنجو المستقيمات المتقاربة دايما نغلط فيهم
وبارك الله فيك وربي يوفقك في الدراسة الجامعية

[Rafife09]

المشاركة الأصلية كتبت بواسطة belmani oussama

شكرا ليك يأخت رفيف بارك الله فيك
سبب الضعف في الداوال هو بصراحة الأساتدة المستخلفين لي قراونا دارونا فئران تجارب بش يكتسبو الخبرة نوكل عليهك ربي
الفصل الأول كامل قراونا 5 أساتدة كل مرة يجيبولنا أستادة جديدة ماعندها لا خبرة لا والو تجي تجرب فينا وكل وحدة عندها أسلوبها وأرواح آ أسامة وأفهم
كان من المفروض الأولوية لينا نحن التقني ونفس المشكل مع زملائي شعبة الرياضيين
كان من المفروض الاولوية للتقني والرياضي يجيبولهم أساتدة دات خبرة طويلة ودات كفاءة بصح الله غالب هادي هي الجزائر كلش معريفة
المهم
كاينة حاجة أخرى مازلت مانعرفهاش مليح وهي
كيفاش نستنجو المستقيمات المتقاربة دايما نغلط فيهم
وبارك الله فيك وربي يوفقك في الدراسة الجامعية

[i] سلام
هههههه لاحظ أنني قدمت اقتراحين فقط اما أنك مش فاهم الدرس أو أنك تتسرع وما تركزش وما عندكش الدقة في حسابتك
و لكن الاقتراح الثالث ما قدمتوش يعني قضية الأستاد تحدثنا عليها في موضوع سابق وقلنا من جهة هاد شعارنا نحن التلاميد "ما قريناش ما فهمناش ما علابالناش ما سمعناش ............."
و من جهة ثانية هادي مش مشكلتك وحدك قلنا بللي 90 بالميا من التلاميد يعانون و هادي ربما اصبحت حاجة بديهية
ولكن صدقني قلة الكفاءة ما تجي والو قدام انعدام الانسانية و تحول الثانوية الى سوق سوداء
أنا صراحة في السنة 2 قريت عند أستاد جزاه الله خيرا عمللنا لاباز و لكن في التارمينال جانا أستاد خللي ما نهدرش خير مشني حابة ننقص عليه الدنوب خليه يحتفظ بيها في رصيدو احسن
كنا 44 في القسم هو لا علاقة و احنا واحد يقرا في المتتاليات و واحد يقرا في الدوال و واحد يقرا..............و واحد حاط الكيتمان في ودنيه و يغني ويشطح و الجماعة ملمومين يتفرجو في صور ليكيب و واحدة طيبت البوب كورن في الدار وملات محفظتها و جات في القسم تعمل فيهم في قراطيس وتوزع و واحد يرسم و واحد يعلق و واحد يقلد وواحد يغني المهم نضحكو ونعملو جو و الاستاد يحاول يستفزنا ويلعبلنا على المورال بطريقتو الخاصة من اجل تحقيق أهدافوالخاصة
و التلاميد يستفزو في الاستاد كشما يتغشش و لكن عمري ما شفت واحد هادىء الى هادي الدرجة بالعكس يضحك ويحولو لهجوم معاكس هههه
من بعد نفيقو هادي راهي حصة الرياضيات معاملها 7 اين هو استاد الرياضيات و يقوم واحد يرمي كراساتو و يقلنا "حي العام الجاي"
أنا من بعدما حظرتلوش ولا حصة مع أنو في القسم كان أي حاجة يسألني انا و في الكثير من الأحيان يعمل تصرفات غير لائقة مع زملائي ويحاول يبرر موقفو ليا انا فقط و كي غبت من بعد نتلاقاه قداه من مرة و يبقى يسألني علاه نغيب وادا ما كنت مريضة ولكن انا حبيت نثبتلو انو مش موجود وما عندو حتى دور واحسنلو أنو يستقيل ليس بالتقليل من احترامه كما فعل الكثير وانما بطريقتي الخاصة
ونجحت مع أنو كان يقول و يعاود أنو هاد القسم غير تاع فلسة و كوميديا و يتحدى كان راح ينجح حتى واحد و لكن لست بحاجته أو بحاجة ثقته اواعترافه لأنجح أنا الحمد نجحت و هو ما لعب حتى دور

ولكن بعد اجابتك فهمت مشكلتك أنت مش فاهم الدرس
أنا ما نقدرش نقلك على المستقيمات المقاربة هكا بشكل عابر
عاود اقرا و حاول تفهم دروس الدوال كلها من البداية النهايات الاشتقاقية
وما تزربش بحل التمرينات قلنا تفهم الدرس باه تحل التمارين و مش العكس
بالتوفيق و لازم تنسى حكاية الاستاد كيما أنا نسيتها لأني عابالي من بعد مش رح يبكي عليا أنا اللي نفرح كي ننجح و أنا اللي نتقهر كي ما ننجحش وهما يعنيهش الأمر في حتى حاجة وايضا أنا ما نحبش نلعب دور الضحية
نتمنى أنت ثاني تكون هكاك
نتمنالك التوفيق والنجاح/i]

[youcef_99]

كي يتزوج وليد خالتو

[imane1]

أحب أن أضيف شيئاً بسيطاً بخصوص دراسة الدوال

ادي وقتك كامل في حساب المشتق وتعيين إشارته

لا تنتقل لأي سؤال ثانِ قبل أن تتؤكد بنسبة 100 بالمئة أن المشتق صحيح

لأن ما سيأتي من أسئلة سيكون مبنياً على هذا المشتق الذي قمت بحسابه

وبالتالي أي خطأ (ولو كان في الإشارة ) سيكلفك الكثير

تروح اشارة المشتق يروح جدول التغيرات يروح الرسم يروح كل شيء

وياما راحلهم الناس الباك على جال " مـــــــشــــتـــــق "

نسأل الله السلامة والعافية

[الهام الحياة]

شكرا على النننصيحة اختي ايمان ... حتى انا نخاف غير من اخطاء الحساب

ان شاء الله ربي يوقفنا هدا ما كان