*لمن يقول أن غزال سبب الخسارة*

[اميرة]

يا جماعة صحيح ان غزال اخطا و شاوشي وسعدان كدلك
لكن ما تقولوهاش هاكدا فلمنتدى راهم هادوك الي ما يتسماوش يستشفاو فينا راني غير نهدي فيكم الرجاء ما تفرغوش قلبكم هنا ماراناش غير دزيريين برك جاو العديان راهم هنايا ارجوكم ما نعطوهمش الفرصة باش يتشمتو فينا

[اميرة]

one
two
three
viva
lalgerie
معاكم فالربح والخسارة

[اميرة]

مومياء واشن هادا؟؟؟؟

[المبتسمة 2]

انا راني حاسنة عون غزال من كتر ما راه يحاول يرضينا وياكد بلي يسجل وقادر على التسجيل ولا متوتر ومقلق

[wafaa bel]

Vive gazzaaaaaaaaaaaaaaaaaaaaaaaaaaaaaaaaal

[اميرة]

وين راه الزميل المصري

[hassona]

الشعب الجزائري كامل يفهم البالون دركا الناس كامل تسب سعدان و غزال و ...
احنا كنا نلعبو الكرات العالية الي لازم لها واحد 9 كيما غزال يضرب بالراس و ماهوش وقتو باش يدخل بودبوز
كي اطلعنا للمونديال قلنا سعدان مليح و دركا ماهوش مليح كي خسرتو مع سلوفينيا
خليوه يخدم يدبر راسو انا نبغي سعدان و الفريق الوطني كامل رابح و لا خاسر 123 فيفا لالجيري
نهار الجمعة نربحو لنجليز يولي سعدان احسن مدرب
الشعب الجزائري نكار الخير

[mostefa82]

المشاركة الأصلية كتبت بواسطة نشيدة 23

و الله غزال يرتكب أخطاء بزاف ما يربحنا ما يخلينا نربحو


صح الفريق ما دار والو قبل ما يدخل هو بصح على جال كي خرج ببطاقة حمراء الفريق ارتبك و تلقى هدف ، التعادل كان حيكون أحسن



بصح قدر الله ، كنا تاكلين على هذه المباراة كي راحت خلاص



راني مدمرة

السلام عليكم ورحمة الله تعالى وبركاته
-ما تزعفي ما والو.هذا هو البالوووون.
مرة نفرح ومرة نحزن.المهم التشريف.
كي شرفونا باللعب الجييد و الاحترام و اللعب النظيف هذاك هو الصصصصصصصصصح
تحياتي

[ايمــ راجية الجنان ـان]

المشاركة الأصلية كتبت بواسطة abella0823

ghazeeellll la3ibb moumtazzz
w inchallah el moustakebell koulou amamouuu

راني معاه تاني

[floritta]

تحيا غزال و اللي ماعجبوش الحال مايشوفش المونديال

[اميرة]

الي ما عجبوش الحال يشجع البرتغال

[LOSIANO]

المشاركة الأصلية كتبت بواسطة حامل اللواء

اسمعني يا خويا انا الشي الي قلقني هو
تسريحات الاستيلاب والاغتراب لمذا عمل التسريحة هكذاك؟؟؟ اهو جزائري؟؟؟ ام عربي؟؟؟؟ ام مسلم؟؟؟؟؟ لمذا سبغ الشعر ؟؟؟؟

نعم هو كان حاب يسجل هدف لكن مش ممكن الاولى ايش دخلك انت في الاعب اتركه يعمل هجمة معاكسة انت واش دخلك
2لمذا تمسها بيدك ؟؟؟ كرة السلة رانا نلعبو ؟؟؟بف بف؟؟ الكرات التى تاتيك وحك مع الحار ما سجلتها والكرات الراسيات التى راطيتها ما سجلتها هذي التى جات مش منيحة زعمة ..؟؟؟
في الاخير غزال انتهت قصتو اخذ الحمرة ريح روح وريحنا ما يطمعنا ما والو ....
اما شاوشي فجل من لا يخطا الحار الانجليزي زلقتلوا ؟؟ ااه هو سلك شحال من وحدة واعتذر

لكن الشيء الوحديد الذي كرهتو في المنتخب

غزال يبدةزياني شاوشي...

‬تسريحات* ‬شعر* ‬سخيفة* ‬

لا* ‬علاقة* ‬لها* ‬بتقاليد* ‬الجزائريين

ولا* ‬بعاداتهم* ‬وقيمهم

وكأنهم فارون من فيلم للخيال العلمي، أو خرجوا من سيرك.

اخي الكريم
اوافقك في نصف ما قلت من حيث تسريحات الشعر الغريبة علينا و التي ممكن او اكيد ان الشباب الجزائري سيقتدي بمثلها
و لكن
لا احد عاقل سيلمس الكرة بيده و هو لاعب كرة قدم
بالاخص في المونديال
قلتها و اعيدها
ان سبب الاخطاء التي ارتكبت و التي سترتكب من قبل اللاعبين سببها الجمهور الجزائري و الصحافة
لقد شكلنا ضغطا كبيرا عليهم في حين انهم كانوا بامس الحاجة لدعمنا
اسكتوا شوية و خليوهم يخدموا
انتوما ما تحبوا حتى واحد يدخل في خدمتكم
alors
يرحم بوكم خليوهم

[recco]

أهكدا يفتخرون بمنتخبهم

حرااااااااااااااااااااااااااااااااااااااااااااام معندهمش روح رياضية

[فريال المحتاجة عفو الله]

خلاص تعيشو ما بقا حتى واحد يحكي على مباراة سلوفينيا أكيد اللاعبين عاودو شافو الماتش و عرفو أخطاؤهم و راح يصلحوها انشاء الله حنا معانا أقوى سلاح و
متأكدين بللي ما راحش يخيبنا تعرفو واش هو:


.::: الدعاء ثم الدعاء يا جماعة .:::

[chihebleroi]

ربي يسلم لسانك يعطيك الصحة على ما قلت و الي قلت كامل في الصواب والله لو كان الضغط ماشي عليه كان يسجل وربي يهدي الشعب تاعنا والصحافة ان شاء الله تكون احسن احتراف لانها 000000000 اي صفر