أرجوكم لا نسب بعضا و لا ملاسنات و كل واحد وجهة الرأي تاعوا و من حقو علينا نسمعولوا و ناقشوه بلا خشونة
يا الأخ هل أنت متأكد أن الشروق هدرت على هاذ الفيديو و بالدليل (أنا لم أشاهده لكن قريت الموضوع و الردود تاع خاوتنا) معليش
المهم رأي الشخصي أن الشروق هي من دافعت على الجزائريين في وقت تكالبت جميع القنوات الفضاحية العمومية و الغير عمومية على الشعب الجزائري، في وقت جابوا فيديوهات مزورة و شهادات كاذبة و باش يلحق شاذ كيما حكيم المغني الرقاص يقول علينا شعب لقيط و هو أكل من خير الجزائر و ذاق كرم الجزائريين و علاء و ..........في ظل سكوت حكومتنا كانت الوحيدة اللي تدافع علينا، نحن معك يا شروق فعلى الأقل كانت تبردلنا خاطرنا و نحات علينا الغبن.
صراحة أنا مع المقاطعة في رأي عادي كل واحد يقعد في بلادو يمارس دينو و يعيش حياتو كي نولوا مع مصر ملاح واش حا يزيد فينا غير المجون و....يصدرولنا أفلامهم و رقصهم و......و كل من أكرمته الجزائر سبها هههههههههههه ابتداءا من جمال و علاء اللي شركة أوراسكوم اتعملت بأموال جزائرية نعم بقروض من بنوك جزائرية و الدولة دعمتهم على أساس أنهم إخوة أشقاء أول من طعننا في الظهر هم، صحيح يوجد الشرفاء في مصر لكن القلة القليلة، فليبتعدو عن الشعب البربر و بكل افتخار نحن بربر
و إن قلت أخي أن من يطالعها من الأغبياء فأنا من الأغبياء الذين يطالعونها يوميا
شكرا،
ملاحظة: بلا ما نتكلم على مصر و الجزائر بدون فائدة فلنلتفت لغزة و السجن الكبير الذين يعيشون فيه أو سوف يعيشون فيه بعد اتمام الجدار العازل
و هذا من بين أخبار الشروق و الخبر و.....فكذبوهم ان استطعتم فالأيام بيننا