ساعدوني فأنا أعاني مع حماتي

[nilly]

انا عجبوني هادو لقالولك لستي مجبرة تخدمي لاهل راجلك هادي واسمها ستاتة لتقول مرانيش مجبرة نخدم على دار راجلي هاديك ستوتة وتساهل طلاق بثلاث.

[النجمة القطبية]

هاد القصة مدخلتليش كامل في راسي كاين عجوزة هكا
يا مامي هادي داعش ماشي عجوزة :d
وزيد ترقد معاك خخخخ هادي قاتلهم ارقدوا
وانتي الدبان طايح على وجهك مقدرتيش تنشيه لهدي الدرجة جاية لينا ارجوكم الدبان راهوا على وجهي ساعدوني
يا ودي لوكان شراوك من سوق العبيد ماشي هكا
مازال غير يزيدوا يربطوك في شجرة ويجلدوك سبعين جلدة
سمحيلي مي شر البلية ما يضحك
التناقض في قصتك غريب من جهة يغلق عليك النوافد والبيت وحتى زيارة الاقارب ممنوعة ومن جهة تخدمي وتمديلوا دراهمك !!!!! والبريفي مكانش مليحة هادي بدراهمي نتمرمد
وزيد تقولي عندك عام زواج ادا كان صحيح وبحسبة بسيطة يكون ابنك رضيع لا يتجاوز شهرين الى ثلاث والرضيع اصلا امه معندهاش الوقت تمشط شعرها خاصة في الشهور الاولى من شدة حاجته اليها ومشفناش وراه وليدك من الاعراب ووين يرقد وشكون يهتم بيه شفنا غير نومك في احضان عجوزتك وصراعك مع زوجك وكل يوم رايحة جاية للعمل ومعندكش عطلة امومة !!
هادي القصة فلم هندي وديجا في الافلام الهندية ومتصراش
وادا صح كاينة منها ادخلي على هدا العجوزة كيما جاكيشان وحرري البشرية من شرها وخلاص وزيدي كملي على راجلك اصرعلي جدوا وهاني صبتلك الحل ههههههههه

[Oussama taleb ahmed]

ربي يفرج عليك الاخت نعقل من كنت صغير يما مسكينة سوفرات كيفك و كتر و اخرتها رماها هيا و ولادها الله يسامحو .

[صُبح الأندلس]

أنت الآن تحصدين ما زرعت
راتبك لماذا يأخذه هو؟؟؟ولفيتيه يدي دراهمك و يشوقك في طبيب؟؟؟؟
دار العائلة لماذا تخدمينها كما لو كنت خادمة؟؟؟الآن صعب تتراجعين
لماذا سمحت من الأول أن تبيت أمه معك بدل زوجك؟؟؟أعجب من هذا لم أر
أنت في كل مرة تتنازلين و هم في كل مرة يتمادون و الله أعلم ممكن لما تنجبين يأخذون الطفل و يرموك

كان يجب من الأول أن تقولي لا لبعض الأمور الأساسية
وضعك معقد جدا لأنه يرتبط بالأم و ابنها يعني إما ترضين بما هو حاصل و أنت ساهمت فيه و إما تخرجين من هذه العائلة الغريبة
القرار لك و كملاحظة مهما قررت لا تبيعي ذهبك أبدا و لو حلف لك بأغلظ الأيمان أنه سيرجعه لأن راتبك و حرمك منه فما بالك بذهبك