تحدي لي في العشرة الأواخر من رمضان

[Mr.R]

أهلا السلام عليكم اخوتي

أعلم ان تواجدي ربما قد يبدو لكم قليل نوعا ما

لكن الموااضيع كثيرة و العناوين تاعها متفهم منها والو هههه

مواضيع قاع رايحين فلسفة , مساعدة , مسااااعدة , فلللسفة ههه

المهم اليوم رانا 20 رمضان , و راهم يقولوا الجمعة الجاية العيد باذن الله

الآن راني تقريبا حافظ المقالات المقترحة : الرياضيات+المشكلة والاشكالية+قيمة الفلسفة+ الظواهر الانسانية ,

و الفيزياء راني نحل تمارين من مراجعة عطلة الربيع تع الأستاذ قزوري جزاه الله خيرا ,, أي حاجة فيها الحلول شوفوها متندموش ههه

هذا واش درت من نهاية باك بلون ^^^^

لذا في هذه الأيام المتبقية قبل العيد ,,, نورمالمو 9 :

راح نحاول باذن الله نراجع جميع المواد اللي بقات :

لانو فباك بلون محفظتش جميع دروس فالاجتماعيات , المواد الأدبية مارجعتهمش قاع
و الرياضيات معامل 7 :'(
بدون نسيان العلوم

راني فاهم وش كنا نقرو فالعام , تسما نورمالمو الحفيظة تجي ساهلة أيضا بما انو مشي أول مرة راح نحفظها

قد يبدو الأمر صعب او غير ممكن , لكن سيبون .. ديسيديت

مواقع التواصل الاجتماعي سي فري يلهو شوية مي بيهم نقلع الغمة تع قرايا تسما لحد الآن مقلعت والو

المسنجر طلعت اللايت -Lite بسكو L'espace مبقاش -_-

سينون باقيلنا 15 يوم راح نديرو فيها العجائب

راح نقرا عادي ,, اذا بقاو مواد ادبية معليش نخليهم مور العيد

++ لازم نختم القرءان , سي فري راني روطار .... بزااف ولكن نحاول

العشر الأواخر تع رمضان من أفضل الأيام عند الله , ماتراطوش الفرصة راح تقارعوا عام آخر باش يعاودوا يجو

و في هذه العشر توجد ليلة خير من ألف شهر , ليلة القدر



فالأخير

ماتنساوناش بالدعاء , اذا تحتاجوا لأي شيئ مني راني دائما متواجد

و صح صحوركم , و بالتوفيق