يا اخي انت لم تدكر الاسباب التي من اجلها رفضت الوالدة زواجك
فالكثير من الاولاد يحبوا يتزوجوا وهو حق طبيعي بصح ميعرفوش او حتى يخمموا لثقل مسؤولية الزواج
فادا كنت مثلا ناوي تتزوج وكل الاعباء المادية على ظهر اهلك فمن الطبيعي يكون جوابها ان الوقت لم يحن بعد خاصة انوا كاين اخ لك اكبر وكاين البنات اللي يحتاجوا مصاريف وتجهيز
راك تقول انك عامل لكن هدا لا يكفي فهل انت حقا مستعد لتحمل كامل نفقات الزواج وقادر عليها وكل البيت فيه عدد من الغرف ما يكفي للجميع
يا اخي صحيح اني اتعاطف معك واعرف كل ظروفك وانه الحق الطبيعي والشرعي لكن الاهل تقديرهم للامور وتفكيرهم مختلف فهم يفكرون بكل اولادهم البنات والاولاد عكس الاولاد اللي كل واحد يفكر في نفسه فقط
احتمال ايضا انها تفكر في تزويج البنات ومساعدتكم لها في تجهيزهن ثم التفرغ لكم
اعلم ان تفكيرها قد يغضبك ولكن انا راني نقولك انه لابد من وجود اسباب منطقية مكانش ام متحبش تزويج الاولادها شبه مستحيل
ياا اخي شوية صبر وشوية حوار يحل الامور والهرب والغضب معندوا حتى فايدة
وكيما قالت الاخت التي قبلي الزواج رزق كرهت ولا حبيت راح تديه في الوقت المحدد هدا تقدير الرحمن الدي لا يظلم عباده
اصلح حالك مع الله وان كنت قادر ماديا تتزوج وتستقل ببيتك الخاص فتوكل على ربي واقنعها مع الوقت
لكني شبه متاكدة ان هدا مستحيل ماعندك حتى قدرة مادية للاستقلالية مالا اصبر حتى يحين الوقت واسعى للوقوف مع اخوك ومساعدته لعل وعسى ياتي دورك
موفق
( تقرير عن مشاركة سيئة )، و الموجودة أسفل كل مشاركة .
2018-05-05, 16:57
العرض المتطور
