إضراب مفتوح بتاريخ 8 _11_2009

[didin]

ان شاء الله اخي

[ح ـكآيه م ـبدع]

يا جماعة رانا حكينا على الإضراب غير من جهتنا
و من جهة اللي راح يعملو الاضراب
يحسوا غير لي والديهم شيوخا
راه تاني الاستاذ ديفوا يخلص ب شهر و 20 يوم

[bosef66]

ان شاء الله يكون اضراب مي علبالي بلي رايحين نقرا و في الثانوية انتاعنا

[samsoft]

الله غالب ... هذي جزائر 2009 ... إضراب من أجل المطالبة بالحقوق ... ولكن تضيع في نفس الوقت حقوق الآخرين (بالنسبة لنا الأستاذ يقوم بالإضراب للمطالبة بحقوقه لكن وفي نفس الوقت يضيع حق التلميذ)
اليابانيين وبعض الغربيين عندما يريدون الإضراب أو الاحتجاج يقومون بمضاعفة عملهم للضغط على الحكومة ... وهذا ما سيحصل عندنا في جزائر 2010 ولكن للأسف سيكون تقليدا في غير محله .. فبدل أن يضرب الأساتذة سيقومون بتكثيف الدروس قصد إتمام المقرر.
... هذا رأيي فمن المستحيل أن يحذفوا الدروس من المقرر دون إضراب آخر من قبل التلاميذ كما حدث من قبل في الجزائر العاصمة والعلم لله.
... وفي الأخير ندعوا الله أن يوفقنا لما يحب ويرضى.

[MADJIDO]

لالا يا خويا الإضراب نريحو فيه خير ولا أنت تبغي تقرا سونزاري
الإضراب تريكيبيري فيه
سمحلي على الألفاظ
شكرا على الموضوع
بارك الله فيك

[°•°• همس الخواطر •°•°]

سمعت بلي كاينا مفاوضات ممكن مايكونش إضراب

[°•°• همس الخواطر •°•°]

المشاركة الأصلية كتبت بواسطة didin

ترتاحوا هاد ليامات مي من باعد تولو تشارجيوا

هذا اضراب عام تسما كي ما نقراوش دروس ما يقراوهمش كامل

[Kader TKD]

سيكون التلميد المتضرر الوحيد

[abir2022]

حنا الاضرابات بدات اليوم 90 بالمئة
مي مادام اضراب وطني يعني الناس كامل راحا تكون روطار ف البرنامج بالتأكيد الوزارة رح تظطر تنقص بعض الوحدات وهادي حاجة مليحة بالبزاف....
بالتوفيق للجميع ...ان شاء الله ندو الباك في الاخر .....

[°•°• همس الخواطر •°•°]

إضراب قداش يوم؟

[didin]

الله اعلم غدا ستكون هناك دراسة

[زمردة الاحلام]

المشاركة الأصلية كتبت بواسطة manel777

إضراب قداش يوم؟

راهم يقولو لاسبوع متجدد معناها يمكن اكثر حنا اليوم ماقريناش و قالولنا ماترجعوش حتى يوقولو في التلفزيون بلي كاين استئناف للدراسة

[°•°• همس الخواطر •°•°]

المشاركة الأصلية كتبت بواسطة زمردة الاحلام

راهم يقولو لاسبوع متجدد معناها يمكن اكثر حنا اليوم ماقريناش و قالولنا ماترجعوش حتى يوقولو في التلفزيون بلي كاين استئناف للدراسة

يا ربي و يديروه 15 يوم ههههه

[samsoft]

لقد قررت جميع النقابات البت في إضراب وطني شمل جميع قطاعات التربية في الوظيف العمومي وذلك بسبب الضغوط التي يتلقوها إثر الحرب النفسية بين الجزائر ومصر قبل المبارات المصيرية في 14 نوفمبر الجاري...
ولقد صدر في البيان الذي تلقى samsoft نسخة منه أن السلطات المعنية قررت في حالة ما إذا تأهل المنتخب الوطني على حساب مصر فسيستمر الإضراب، ولكن في حالة ما إذا حدث عكس ذلك فسوف تكون سنة بيضاء لا محالة.

[samsoft]

ها ... ها ...ها ...ها
إنها مجرد مزحة فقط
إن شاء الله الجزائر تتأهل والإضراب يتوقف