ندمت على خطبتي

[muslim girll]

يقولو كلش بالسيف غير المحبة ماشي بالسيف
انت راكي تقولي ماتقبلتوش خلاص ..يعني ماتحمليهش ..امالا كيفاش هادا راكي رايحة تزوجي بيه وتقابليه دايما وتلبيلو رغباتو وطيعيه واذا غلط في حقك تسمحيلو وتجاوزي عليه ..وجيبي معاه دراري !
هاد الامور كامل خمي فيهم من دوك .. لانك لو كان تقبلي تكوني مرتو رح تكون عندك واجبات ...
كاين صحابية (امراة ثابت بن قيس )راحت للرسول صلى الله عليه وسلم حبت تطلق من راجلها وقاتلو يارسول الله انا لا اعيب على ثابت في دين او خلق ولكني اكره الكفر في الاسلام «أي أكره أن أعمل الأعمال التي تنافي حكم الإسلام من بغض الزوج وعصيانه وعدم القيام بحقوقه»
فالرسول ماقلهاش لالا وكيفاه وهادا ثابت كذا وكذا وانما قال لها اتردّين له حديقته ؟..(وتم الطلاق )
فاذا كنت انت متاكدة او غلب على ظنك انك لن تعطيه كامل حقوقه ولن تكوني نعم الزوجة له فافسخي الخطبة ..تلك الصحابية كانت متزوجة ورغم هذا تطلقت ..والخطبة اهون من الزواج ..وعادي جدا. ان تفسخ الخطبة لانها كما يعرفها الفقهاء هي وعد بالزواج (وليست زواجا ) وفي هذه الفترة يحدث التعارف فيمكن العدول عنها كما يمكن اتمامها ...
المهم ..اذا كنت ما تحمليهش فخلي وليد الناس يشوف وحدة اللي توالمو واللي تقدرو .. وما تظلميهش وما تظلميش روحك
لكن ••••••••
نحب نعطيلك وجهة نظر بالاك راكي غافلة على :
شوفي اختي ايدا كنت ميترة وخمسة وستين فما فوق فغير ما تشرطيش انو يكون طويل عليك بزاف فنحن لسنا في هولندا !
وبالاك انت طويلة بزاف ..يعني بالاك المشكل فيك 😂
(راني نضحك معاك برك )
ايه وكاين حاجة الانسان مالازمش يغفل عليها ايدا ماكانش الانسان مثقف -مثلا - هادا مالازمش يشرط انو تكون المراة مثقفة ! يعني ايدا المراة مستواها في الجمال عادي مالازمش تحوس على واحد (وسيم ) ! فهمتيني ؟
ولكن انا نقول ايدا ممكن تعطيلو فرصة وايدا فيه مميزات (خدمتو مليحة وقاري واهم شي مدين مايكلش لحرام وخاطيه النسا ) فهاد النوع تشدي فيه بسنانك دوك الرجال راهم ناقصين للاسف! ماتفرطيش فيه باسكو قصير عليك ..يعني انت وازني
يالوكان اكتبي في ورقة الايجابيات تاعو والسلبيات وقارني بيناتها ..وشوفي ايدا هو انسان كيما قاع الناس وقصير عليك وما تفتخريش بيه قدام الناس فهادا الاحسن انك تحبسي معاه ..وهكذا..
واكيد عليك بالاستخارة وخاوتك وباباك لازم يسقسو عليه فالخدمة الجيران الحوانتتع حومتهم المسجد الخ ..
بالاك تبدلي رايك لان القلب يتقلب
وربي يوفقك ويرزقك زوج صالح يعمرلك عينك 💜

[ام سيرينا]

انت مؤمنة والمؤمن يستخير ربه. ونتي ياختي استخيري ربك ولا تتعجلي ياما بنات تعجلو في امور زواجهم وندمو. يبالرفض او القبول. يعني انتي استخيري وربي ان شاءالله يوريلك الطريق
وزيد الراجل عيبو جيبو مش زينو فهمتي يعني كاين نساء تزوجو عارضي ازياء. وبعد الزواج عادو يتقلشو عليهم ومش دايريلهم حتي حساب
وربي يوفقك ياختي

[سَامِيَة]

شوفي ختي

يقولو " شاور ودير رايك "

جميل أنك تعرفي آراء الناس حول
موضوع يحيرك تطرحينه ولكن هذه المشورات تبقى تقريبية لأنه لا أحد يعرف تفاصيل المشكلة التي بإمكانها أن توضح الرؤية جيدا.

ما أعرفه أن الرجال عادة لا يحبون
المرأة الأطول منهم لحاجة في أنفسهم فمن يعلم ربما هذا الرجل
راه تنازل عن هذا الشيء وهف على قلبو لأجل عيونك وحبا لك
الن تقدري هذا؟
- هذا الكلام بين قوسين -

على هذا أنتي الأدرى
إجلسي لوحدك وفكري جيدا وإن
وجدت أنك تحسين بالكره اتجاه الرجل فعليك أن تصارحي أهلك.
..أما إن كان مجرد عدم إعجاب فاعطي نفسك فرصة في فترة الخطوبة علكي تجدين فيه ما يعجبك ولا تعجلي بعقد الفاتحة تماطلي
قليلا حتى تتضح الرؤية.

تواصلك مع هذا الرجل الآن عن بعد فقط ولكن بعد الزواج والعرس
ستتعقد الأمور إن كنت تكرهينه
ارجو انك فهمت قصدي.

في الأخير فكري جيدا

وعيب الرجل ليس في جيبه بقدر
ما هو في أخلاقه
فأين الشكل من هذه الأمور

بالتوفيق

[زبدة ذايبة]

إذا عندك تردد بنسبة 1% حاولي تهدري معاه.

لعل يكون في جعبته الكثير.

ولعل الله يحدث بعد ذلك أمرا.

وإذا كان حتى الصوت ماتحمليهش

افسخي الخطبة وتهناي.

[dede2000]

نصيحة افسخي الخطبةحالا و الان ، لانك مراحيش تروحي بعيد مع شخص انت مكيش مقتنعة به،روحي الي السيرة النبوية وأقرإي قصة الخلع .وكيف خلعت صحابية جليلة صحابي ....لنفس الاسباب،ارجعي قبل ما طيح الفأس في الرأس

[نور لاتراه]

السلام عليكم
اختي
قلب المؤمن دليله
وهكذا امور لاتحتمل الترقيع
اما تكون عن قناعة واما الترك
والا فانكِ ستسوغين لنفسكِ دوما
والاهم
تظلمينها وتظلمين الخاطب
ربي يريح خاطركِ

[123boutheina]

المشاركة الأصلية كتبت بواسطة نور لاتراه

السلام عليكم
اختي
قلب المؤمن دليله
وهكذا امور لاتحتمل الترقيع
اما تكون عن قناعة واما الترك
والا فانكِ ستسوغين لنفسكِ دوما
والاهم
تظلمينها وتظلمين الخاطب
ربي يريح خاطركِ

فِعلا , اما قناعه كاملة واما الترك

[عبدالنور.ب]

يمكنك أن ترفضيه فالخطبة هي وعد بالزواج فقط، أما ما فعلتيه من الباسك للدبلة وووو فهذا ليس من عاداتنا بل هو منهي عنه في ديننا.

افسخي الخطبة خاصة إذا علمتي انك لن تؤدي حقه

[farescn20]

القرار قرارك و انت من ستمضين حياتك معه

[somaia1999]

اختي الكريمة إن من حق الفتاة أن ترفض من تريد وأن تقبل من تريد، ولكن ليس من حقها أن تجرح مشاعره بذكر أسباب الرفض، فالمطلوب هو حسن الاعتذار، وقد يرزقك الله بمن هو خير منه ويرزقه بمن هي أفضل منك، وليس في رفضك له عيب له، والإنسان لا يملك مشاعره، والعبرة بتلاقي الأرواح وهي جنود مجندة ما تعارف منها ائتلف وما تناكر منها اختلف، ولا عبرة بالأشباح والأشكال، وقد لا يعجبك شكله ولكن قد يعجب أخرى، والرجل لا يضره قبح الشكل إذا كان صاحب دين وخلق وصفاء في الروح، ونسأل الله أن يقدر لك الخير ثم يرضيك به، وأن يقدر له الخير ويرضيه به.