حلوياتي لعيد الفطر المبارك

[ام حمزة22]

المشاركة الأصلية كتبت بواسطة x ام رحاب x

اولا مبارك عليك العيد حبيبتي وينعاد عليك بالخير انت واهلك اجمعين
وربي يرحم والدك ويجعل مثواه جنة الفردوس مع النبييين والصالحين ربي يصبرك حنونة راني حاسة بيك انا راحو الاثنين وراني عارفة انك حاسة بيا والله انا ماشي كيما انت الله ايبارك قدرتي تحتمي على روحك واديري الحلوة انا عكسك ماقدرتش دارو بناتي زوج انواع ماشفتش واش دارو ماقدرش اول مرة مانوقفش مع بناتي وهوما يديرو في الحلوة كي مات بابا حسيت روحي وحيدة وسندي الي في الدنيا راح وهو كان كلش في حياتي كان ايقولي انت انحسك في بلاصت والديا اتخمي عليا وحزنت عليه 4 سنوات وكي زادت امي اتوفات خلاصت البنة الي في الدنيا كامل راحت وراكي عارفة احساس الحزن الكبير لي راني فيه وانت الحمد لله راهي امك مزالها معاك ربي يعطيها الصحة والعافية ديري فيها كل عزك وماتحسوهاش انكم خاصتكم حاجة راهي هي من داخل ماتحملش عليكم ربي يفرحكم بامكم يارب
وحلوياتك تحفة ماشاء الله عليك تسلم الايادي عزيزتي

اهلين حبيبتي عبدك مبارك وكل عام وانت والعائلة بالف خير
ام رحاب يا اختي لازم تتغلبي على احزانك وتوقفي مثل ما كنت واكثر واش ذنب ازواجنا واولادنا يشوفونا دايما حزنين هدا راح ياثر فيهم وربي سبحانه وتعالى مايقبلش بهادا الحزن لي يفوت 3 ايام و4سنين بزاف تحزني على الوالد ربي يرحمو ويجعل متواه الجنة لازم الصبرحبيبتي والدعاء وتصدقي عليه اك لي ينفع اما الحزن يزيدك تعب في تعب والموت كاس مر لابد الكل يدوق منه ربي يثبتنا ويرزقنا حسن الخاتمة
ام رحاب قلبي راه جمرة على والدي والحرقة ماراحش تطفى سوائا ادا استمريت فالحزن ولا توقفت الحيات تستمر بمرها وحلوها وحتى والدتي ربي يحفصها ويطول في عمرها ما قدرتش تصبر لكن قدامنا تحاول تكون قوية رغم مرض اخوها الوحيد لي بعد وفات ابي اكتشف عندو المرض الخبيث نجاني واياكم الله منه

حبيبتي حاولي تتغلبي على حزنك ووقفي مع بناتك ربي بحفضهملك وان شاء الله ندخل الفرحة لقلبك والبيتك يا رب

تحياتي غاليتي

سلااام

[البدرية]

تقبل الله منا ومنكم صالح الأعمال
اللهم بارك أختي أم حمزة حلوياتك كلها روعة وتشهي سلمت يداك

أسأل الله أن يرحم والدك ويجعله من أهل الجنة وأسأ ل الله أن ير حم أخي الحبيب وجميع موتى المسلمين اللهم آمين

وطهور ان شاء الله لخالك فقط أحببت أن أقول لك لو يجرب زيت الضرو مفيد لهذا المرض ان كان في الصدر يشرب منه قليلا او يدهن به الصدر والله هو الشافي
عندي طلب لو سمحت ممكن تعطيني وصفة صابلي ونوع الزبدة التي استعملتها ووصفة حلوة النقاش والبنيون اعتذر على ازعاجك اختيي الفاضلة وجزاك الله خيرا

[ام حمزة22]

المشاركة الأصلية كتبت بواسطة البدرية

تقبل الله منا ومنكم صالح الأعمال

**** امين يا رب العالمين *****

اللهم بارك أختي أم حمزة حلوياتك كلها روعة وتشهي سلمت يداك

****يبارك فيك يسلمك اختي البدرية شهيتك فالجنة *******



أسأل الله أن يرحم والدك ويجعله من أهل الجنة وأسأ ل الله أن ير حم أخي الحبيب وجميع موتى المسلمين اللهم آمين

*******امين يا رب العالمين ********

وطهور ان شاء الله لخالك فقط أحببت أن أقول لك لو يجرب زيت الضرو مفيد لهذا المرض ان كان في الصدر يشرب منه قليلا او يدهن به الصدر والله هو الشافي

*******ان شاء الله اختي بارك الله فيك ********

عندي طلب لو سمحت ممكن تعطيني وصفة صابلي ونوع الزبدة التي استعملتها ووصفة حلوة النقاش والبنيون اعتذر على ازعاجك اختيي الفاضلة وجزاك الله خيرا

♥♥♥♥♥♥♥♥ طلبك على العين والرأس اختي مافيها حتى ازعاج وفيك بركة الله ♥♥♥♥♥♥♥♥

[أم سدرة]

الله يبارك كلشي رووووووعة والله يرحم جميع موتى المسلمين

[chez biba]

صحة عيدكم اختي ام حمزة كل عام ونتوما بخير
يعطيك ألف صحة على قاطواتك ما شاء الله فعلا كانت كلها في المستوى وخاصة الكفتة تحححححفة .. ربي يرحم الوالد ويصبركم على فراقو ويجعل مثواه الجنة ويحفظ لك عايلتك ويفرحك باولادك

[ام حمزة22]

المشاركة الأصلية كتبت بواسطة أم سدرة

الله يبارك كلشي رووووووعة والله يرحم جميع موتى المسلمين

امين يا رب

ويبارك فيك يسلمك

مشكوووورة

المشاركة الأصلية كتبت بواسطة chez biba

صحة عيدكم اختي ام حمزة كل عام ونتوما بخير
يعطيك ألف صحة على قاطواتك ما شاء الله فعلا كانت كلها في المستوى وخاصة الكفتة تحححححفة .. ربي يرحم الوالد ويصبركم على فراقو ويجعل مثواه الجنة ويحفظ لك عايلتك ويفرحك باولادك

صح عيدك انت كدالك اختي بيبا ينعاد عليك وعلى عاءلتك بالصحة والهناء
والله يعافيك اختي ربي بحفضك ويجازيك على المرور واادعاء

[&ام ايوب&]

ماشاء الله حلوياتك بالطبع والشان
ربي يرحم الوالد ويجعل مثواه الجنةويحفظلك الوالدة

[ام حمزة22]

المشاركة الأصلية كتبت بواسطة &ام ايوب&

ماشاء الله حلوياتك بالطبع والشان
ربي يرحم الوالد ويجعل مثواه الجنةويحفظلك الوالدة

امين يا رب
ربي يحفضلك اعز الناس ليك
شكرا لمرورك الطيب

[LINA 97]

بارك الله فيك حلوياتك تحفة حقا.

[ام حمزة22]

المشاركة الأصلية كتبت بواسطة lina 97

بارك الله فيك حلوياتك تحفة حقا.

وفيك بركة الله
شكرا على المرور

[conductrice]

يعطيكـ الصحة
عيد سعيد وكلـ عامـ وانتـ بخير

[اميريم19]

عيدك مبارك اختي ام حمزة وربي يرحم الوالد ويجعل مثواه الجنة يعطيك الصحة على الحلويات راىعة ومتقنة بارك الله فيك

[ام حمزة22]

المشاركة الأصلية كتبت بواسطة conductrice

يعطيكـ الصحة
عيد سعيد وكلـ عامـ وانتـ بخير

الله يسلمك اختي
عيد سعيك وكل عام وانت وعائلتك بالف خير

المشاركة الأصلية كتبت بواسطة اميريم19

عيدك مبارك اختي ام حمزة وربي يرحم الوالد ويجعل مثواه الجنة يعطيك الصحة على الحلويات راىعة ومتقنة بارك الله فيك

وفيك بركة الله اختي

شكرا ربي يرحم جميع موتنا وموتى المسلمين

عيدك مبارك وكل عام وانت والعائلة بالف خير

[ام حمزة22]

مقادير حلوة النقاش: 3 كيلات فرينة وربع كيلة سكر ناعم وكيلة ليدام متكون من سمن وزيت وزبدة وماء زهر وحبة بيص ولافاني

نخلط الفرينة مع السكر ولافاني ثو نضيف ليدام ونخلط مليح بكف اليد حتى تتبسس مليح العجينة ثم نضيف الحبة نتاع البيض ثم ماء زهر انا ما نكثرش بزاف الماء زهر نخليها تقريييبة مثل عجينة السابلي جي مبسسة ودوب فالفم بشرط خلي العجينة ترتاح لساعات فالتلاجة لتسهل عليك تسكيل حبة النقاشيسهلك نقشها


اما مقادير لبنيون هي ؛ نخلط كل المكونات الجافة المتكونة من كاوكاو محمص مليح + قاطو بيمو+ قوفريط+حلوة الترك و في كاسرونة نذوب الزبدة والعسل والشوكلاطة بعد ما يدوبو فوق النار نفرغ الكل على خليط المكونات الجافة نطم العجينة ونكون كويرات ونرمدها في نواد كوكو

اما السابلي استعملت هده الوصفة حبيت نبدل شوية


اما الزبدة لي نستعملها حاليا هي زبدة الماني
ونصيحتي ليك استعملي استعملي سمن وعسل مرجان بنتهم فالحلويات راااائعة


اي استفسار انا بالخدمة اختي
تحياتي
سلااام

[البدرية]

جزاك الله خيرا أختي الكريمة أم حمزة على الوصفات وحفظك الله من كل سوء