*****اجواء احتفالنا بالناير ادخلو شوفو*****

[ابني نور عيني]

صباح النور حبيباتي بمناسبة عيد الناير نقوللكم كل عام وانتم بالف خير وربي يدوم الافراح
حنا عندنا نحتفلو بالناير ويكون يوم خاص تجتمع فيه العايلة والاحباب و نطبخو فيها اكلات تقليدية و نجيبو الجراز اللي هو المكسرات والحلويات الخ حنا طيبنا الفطور شطيطحة دجاج روووعة

و استقهوينا بالسفنج تاع ماما مممم نموتو عليه
ونبداو نوجدو في الرشتة نرشوها بالزيت ونخلوها تشرب ونوجدو المرقة انا درت طريقة ام وليد وجات خفييفة و فيها تحطي البصل يتقلى مع الدجاج و يتقلاو منبعد ضيفي الملح والفلفل اسود وشوية قرفة و نضيف الخضر انا درت اللفت والجزر نحبوه بزاف و ضفت الحميصة وغلقت على الكوكوت وعدت للرشتة فورتها بعدما درتلها الزيت وشرباتو و بعدما فورتها رشيتها بالماء والملح و خليتها تشربت مليح و حطيتها تفور مرة ثانية وكي فارت شربتها مرة اخرى والى شفت الملح ناقص زيديلها بصح مالازمش يكون الملح فيها وفي نفس الوقت مالازمش تكون مسوسة بزاف و حطيتها تفور اخر مرة و نحيتها و درتلها الزبدة و خلااااص راهي واجدة يممممي تشهي
شوفوها هي والسفنج لي دارتو ماما

وهنا ليكم الجراز تاعنا ممممم نوعنا من حلوى ومكسرات و شكلاتة و عموش (كرموس جاف لذيذ) و فواكه متنوعة و تمر و الاجواء ماشاء الله حميمية و ضحك ومحبة ربي يدومها شوفو بعض الصور مالحقتش نصور






يالله كل واحدة تدي حقها ما تحشموش
و يا خسارة ما صورتش الحلويات في السهرة انشغلنا معليش مرة اخرى نصورهم حطينا قريوش و حلوى الملفوف والبنيون و الصابلي و الغريبية وانتهت السهرة
وانتوما كيفاش كان الناير تاعكم ؟؟؟؟؟؟؟
والى اللقاء