شـــطـيطـحـــة الســـــــــرديـنـة الــبنـيـنـة

[أمنية غفران]

السلام عليكم و رحمة الله تعالى و بركاته

.................................................. .....................

مرحبا عزيزاتي الكريمات

.................................................. .........

اليكن شطيطحة السردينة الي أكيد تعرفوها. والي ما تعرفهاش هاهي قدامها اممممممممممممممممممممممممم

السردين يكون منقي و زيد تنحي له الشوك

تقلي الدرسة الي متكونة من ثوم و قصبر مرابيين مع مغرف اكل زيت و نزيد مغرف طماطم مصبرة و ملح و ورقة رند

و نضيف شوية ماء ساخن ما نكثرش باش ما تجينيش الشطيطحة مايهة و كيما تعرفو السردين ما يطولش في الطياب

كي تاخذ غلية نضيف السردينة و نزيد رشة فلفل اسود و كمون و نخليه على نار هادية حتى تشوفيها طابت و عقدت و شربت قاع هاديك لاصوص ديالها حتى تلقايها كي شغل السردين المعلب بالطماطم الي يتباع برا امممممممممممممم

ملاحظة بالاكي تقعدي مرة على مرة تحركي بالمغرف في السردينة لالا يا الحبيبة احكمي الطاجين و هزيه يمينا و يسارا باش تحركيه و تضمني السردين ما تروحلهش الفورمة دياله

و قدميه للعائلة الكريمة بالصحة و الراحة و ما نحكيلكمش على البنة هــــــــــــــــــــــــــــــــــبــــال

تفضلن الصور
















في أمان الله