أعينوني أعانكم الله - الصفحة 2

حياتي نبع امل · 2016-10-09, 06:55

مافهمتش ف هاد العام وش كنتو تحكو يعني تمديلو لي غوسات ولا تقوليلو واش طيبتي ؟؟؟
مدة عام وانت تحكي معاه ومزال ماخرجتيش بنتيجة .تبقاي تخمي هك تقعدي طول حياتك بلا هدف ولا نتيجة
خليك من الخرطي والتمسخير وتوبي لله واستغفري واغلقي حسابك .اذا كان صح ناويك للحلال والله وتكوني ف كرش يماك يجبدك ويحوس عليك
توبي واستغفري وادعي ربي يرزقك الزوج الصالح

فاطمة شلف · 2016-10-09, 11:13

السلام عليكم
بنيتي الكريمة عمرك عمر ابنتي اغلقي الفاسبوك وانتظري الرجل الصالح واذا حبك يدير المستحيل
مراكيش برانية عليه
وادعي في صلاتك وسجودك بالزوج الصالح واستغفري الله
والخيرة في مااختراها الله
بتوفيق بنيتي

nihal159 · 2016-10-09, 11:33

هذا راهو يكذب عليك وأنت باينة نية وماعندكش المكر؛ كيفاش أنتِ من عايلتو ويقولك يما لي تخيرلي لعروسة؟؟؟؟علاه منين رايحة أمه تزوجو؟؟؟؟من المريخ؟؟؟؟ياك رايحة تشوف بنات من العايلة؟؟؟؟ماعرفش يقول لأمه فلانة بنت فلان شوفيهالي؛نعرفوهم و نعرفو تربيتها.

sonia.morchid · 2016-10-09, 11:41

يابتني خطيك تشوفيه وتعرفيه عشرين سنة اصلي وماركة منين توصلي لية تلقاه شنوي اوافق راي من قال واش من دين واخلاق وانت تهدري مع واحد ماتربطك حتى صفة شرعية معاه لبنات احدرو من الهدرة مع الرجال سواء عن طريق الهاتف او مواقع التواصل يجي النهار ويفضحكم ربي يهديك ويهدينا

marwa2020 · 2016-10-09, 12:48

سلام طلبتي الاعانة اختاه و انا لدي احسن حل انشاء الله عليك بصلاة الاستخارة مرة و اثنتان و ثلاث مرات حتى تتبين لك نية هدا الشاب و ربي يجيب اللي فيه الخير و يعينك لانه بالفعل موقف صعب

first first · 2016-10-09, 13:40

يااختي الفاضلة ............................حبك ومات فيك؟ ولامجرد تعلق ويتبخر ؟ولاكذب وتنوفيق؟........................العلم لله؟...................لكن افضل حل تقطعي العلاقة ...........جا وتقدم مرحبا ...................ملكتبش ربي مرحبتين وبهذه الحالة تكوني انقذتي مايمكن انقاذه اقل شي تكوني هنيتي روحك من وهم لاتدري يصبح حقيقة في يوم من الايام؟ او يبقى وهم وتبقى حياتك مربوطة بيه وكل يوم تطلعي وتهبطي وتبني وتريبي؟.....................اربحي راحتك النفسية وعنوانك يعرفو كي يفهم روحو اهلا وسهلا بيه بيماه.