هل الطلاق حل في حالتي

[TOFNINE]

والله يا اختي وضعك صعيب وخاصة تطورت المشكل لحد المحكمة لكن بالمقارنة مع ما فعلوه بك من ضرب يستاهلو بنات الناس مراهمش تحت الرجلين
اي وحدة لن تتحمل اكثر لقد وصلت الى درجة اللا تحمل منهم اطلبي دارك حياة الذل لا تقبلها حتى المراة الفنيانة وانتي ومع شطارتك ودرجة صبرك
لكن اسمحليلي نقولك حشمتي بزاف بزاف وكنتي طيبة على حساب نفسك بزاف بزاف
والان نجو للواقع نحلوه
انتي متزوجة وعندك ابناء وزوجك قادر بالقانون يوفر السكن للعائلة انت وابناءك واهله خلاص وفاو وكفاو وخرجو اولاد ناس معاك بزاف
اتفكيرك في الرجو ع للدراسة حاليا ماهو الا ندم على التوقف عن العمل
التوقف عن العمل امر وقع وخلاص
الان طالبي بالسكن مقابل التنازل عن القضيو وزيدي شرطي ما يدخلوش عليك من غير والديه
حتى يعرفو قيمة بنات الرجال
اما انك ترجعي فهنيئا لك العبودية وسلمي عى مستقبلك ومستقبل اولادك
خلاص الامور وصلت حدها
والحل الوحيد اطلبي الاستقلالية في السكن هذا حق شرعي وقانوني الكل يوقف معاك فيه
تنازلي لاننا مجتمع مازال يخدم بالعيب
صح العيب هو لي داروه مين تعداو عليك لكن كوني خير منهم على الاقل قدام راجلك
ولو انه مايستاهلش الراجل الي تتسوط مرتو في دارو بالنسبة ليا شخصيا مشي راجل
الراجل الي تتهان مرتو قدامو مشي راجل
وعلاش رانا نتتزوجو ويعطينا باباتنا للرجال باه يحمونا
ياخي حالة ياخي والله غير ندعي ربي في يوم عرفة وراني صايمة يارب تفرج على هذه المخلوقة وتفرحها ببيتها ووليداتها وتبعد عليه شر الظالمين وكلي عليهم ربي
هزي روحك شوية راكي مرخوفة بزاف
اسفة جدا لكن لازملك مثل هاد الكلام القاصح انتي وصلتي روحك بطيبتك
اخلاقك ومثاليك ما تنفعشي في غابة الذئاب الي راكي عايشة فيها

[KARIO]

هذي هي اخر الذل ذل لا محالة, مشاء الله عليك ماجيستير و حاملة هاد المعيشة...
اولا لا انصحك بالطلاق ابدا لانك لست الوحيدة في هذه المعادلة لديك ثلات اطفال و لازملهم الوالد و مادام الزوج مزال شاريك ارجعي
لا تتنازلي عن القضية الا بشروط اهمها السكن المستقل, اشترطي العمل فوضعك يستلزم العمل و اسمحيلي زوجك ليس من النوع المضمون لانه خالف وعده سابقا
سجلي دكتوراه مهما كانت الظروف لانو كيما سمعت قريبا راه يتوقف التسجيل نهائيا بالنسبة لحاملي الماجيستير و كملي طموحاتك و وصلي بعيد...
خلي شهود على شروطك و يكونو من كبار العائلة و في المستقبل ضعي خطوط حمراء في التعامل و متسمحيش للناس تهينك

[مواطنة]

اختي الكريمة قلتي زوجك صالح الظاهر انو عاقل و يخاف من مواليه
اكسبي راجلك برك و الباقي لي ميصلحش حطيه في واد اخر ميهموش
تلاقاي بزوجك بلاما تعلمي الجميع حاولي تخليه يدبر كاش بيت حتى لو كوخ المهم انت و هو و اولادك
ومتخليهش يخير بينك و بين اهلو تقدري انت تعفي عليهم شرط يتعهدو امام كبار العايلة ميزيدوش يقدمو صوبك الطلاق مرهوش نهاية المشاكل لوكان زوحك مشي متربي نقولك مباشرة استخيري و استشيري في الامر لكن بما انو مليح و ترضاي تكملي حياتك معاه حاولي بكل ما اوتيتي بقوة معاه حتى لو اظطررت جيبيلو امام مسجد او تتفاهمي معاه وين تبقاي حتى يلقالك سكنة المهم يا اختي متتسرعيش في امر الطلاق ابدا وادا لاحظتي متكلمتش على الاطفال
نتمنى انك تفرقي ادا راكي حابة تطلقي عايلتو او هو نقولك نصيحتي الاخيرة زوجك صالح و ابو اولادك كافحي علاجال دارك و بدلي عقليتك معاهم بالتجاهل التام وليس بالاخد والرد يمكن حبينك تطلقيه وانت راكي رايحة تحققيلهم امنية
كوني سامطة و غلبيهم بشطارتك مع راجلك و اولادك

[- بصمة خير -]

كما قريت موضوعك اول مرة انصدمت صراحة
من قوة القهر و الضلم اللي عشتيه واش قدرتي ديري
و حابة نعرف هذا رأيك و تصرفك وحدك
و الا كاين اللي قالك ديري هكذاااااااا؟؟؟ حتى العائلة تاعنا تكون نيتها صافية و تحب تنصح لكن في بعض الاحيان نصائحها تكون هي سبب دمار البيوت مش مليح واحد يحكي مشاكله يحلهم وحدو خير
لكن
اختي ضروفك انت اللي تعرفيها وحدك
و انت تحفرتي و ذلوك و ما عروفش قيمتك خصوصا زوجك
اختي
اللي شكيتي بيهم ضلموك صح
لكن يا اختي راهم بنات و نساء
حنا نسمعو نساء دخلو للمحاكم نقولو تبهديلة و فضيحة ليهم
صح ضلموك
و صح حقك تشكي بيهم
لكن وكلي امرك لله
تنازلي على القضية
و روحي لعجوزك
قوليلها راني تنازلت على القضية على الرغم اني كنت قادرة نكمل فيها و نبهدلكم ملييييييييييييييح
قوليلهم حبيت تعرفو واش نقدر ندير
و ماكين حتى حاجة تخوفني
قوليلها لكن راني بنت اصل
و مربية
تنازل على القضية
و زوجك قوليلو باش تعرف قداه قلبي معمر من اهلك و منك
و انت ما حبيت تدير حتى حاجة
وكلي امرك لله
و ما تخافيش

تنازلي على القضية

ربي يصلح الاحوال

قولي لزوجك داري وحدي
و اهلك في جهة و انا في جهة
و ما يدخلوش في حياتنا

ربي يصلحلك الاحوال

[ثلجَة]

السلام عليكم

أختي لما لا تضعين شروطا لزوجك، فمقابل التنازل عن القضية يوفر لك بيتا منفردا عن عائلته

و تأكدي أولا من كلامه و أنه وفر البيت فان كان صادقا في كلامه الله يبارك و أنت تتنازلي على القضية و هذا حل وسط لكلا الطرفين على حسب رأي.

رب يكون في العون

[خالد عنابي2]

اسوء صنف من الرجال ذلك الذي تتحكم فيه امه وتعتبر نفسها وصية عليه رغم انه رجل وبشلاغمو وبدارو

[saddam02]

المشاركة الأصلية كتبت بواسطة صبرا13

وعليكم السلام و رحمة الله و بركاته

اولا انا لا انفي الظلم فيما وقع لك، و لكن تصل بك ان ترفعي قضية في جدة و عمات اولادك امام المحاكم!!! ستقولين لي هن من ظلمن، بلى و لكن فيما تفضلت عمن اشتكيت، خاصة انك لك أهل و سند؟
اما زوجك، ففرضا ان ابوك او امك صعب المراس، و هناك قصة غيرة من زوجك، أتستطعين ان تقفي في وجه ابوك و تقولي له كف قلة عقلك عن زوجي؟ على الأقل زوجك يعترف ان اهله ذوي شدة، و كل عود يُبين دخانو و كل طير يلغى بلغاه، فسفاه بعضهم لا يبرر ان تحذي حذوهم .
المفيد تريدين "تطليقه" طلقيه ان شئت، و لكن لا اظمن لك ان تجدي بعده زوجا تكون أمه رفيقة بك، فمثل مشكلتك هي ديدن اغلب البيوت الجزائرية نساء على حمق يتنازعن الملك.
اما الدكتوراه فهو لقب علمي اكادمي ربما يعطيك مكانة عملية، ماذا عن المرأة فيك؟ ماذا عن حياة الام الوحيدة اللتي تنتظرك، زوجك الذي لا يعجبك، و قف معك و لو كان غيره ما ان وطأت قدماك باب المحكمة حتى قال لك مع السلامة، زوجك اللذي لا يعجبك يحبك ابناؤكما حبا لن يحبهم اياهم رجلا غيره، زوجك اللذي تحقرينه يصد عنك لعاب الذئاب، فعودي الى رشدك، قال رسول الله (ص):
: "ثلاثة أقسم عليهن، وأحدثكم حديثاً فاحفظوه: ما نقص مال عبد من صدقة، ولا ظلم عبد مظلمة فصبر عليها، إلا زاده الله بها عزاً، ولا فتح عبد باب مسألة إلا فتح الله عليه باب فقر"

[color="red"]كلام في الصواب صحيح ما قلتي [/color]