تابع لمشكلة الطلاق ام معيشة الذل

[الجزائريه]

ربي_يفرج_عليك_ويصلح_بينتكم

[توبة نصوح]

أختي قبل أن تقومي بأي خطوة الجئي الى الله فأكثري من الدعاء في سجودك وتضرعي للمولى عزوجل بأن يرفع البلاء عنك ويهديك سواء السبيل
واكثري من الاستغفار والصلاة على النبي محمد صلى الله عليه وسلم فإنها تفعل العجائب وقبل كل ذلك توكلي على الله وانو بعمملك الأجر وجاهدي نفسك على الصبر
ثم حاولي أن تعرفي أسباب تغيره والأسباب أو التصرفات التي تزعجه واجتهدي في ارضائه وعسى ربي أن يرفع عنك البلاء ويكتب لك الأجر بصبرك

وفقك الله لما فيه رضاه
أتمنى تسمعينا قريبا خبر سعيدا وربي يفرج عليك

[wissem1]

ما ديري والو خلاص معاه راني عندي خوه معاي ساعات تنوضلو الحالة يديرلي هك و يبهدلني قدام اهله و الضرب
المهم درك راكي في داركم اقعدي في داركم كولي اشربي متقلقيش روحك خلاص نهار لي يتوحش ولاده يبدا يرسلك في الجماعة تما اتحركي لمي عليه خاوته و ناس كبار و اشرطي شروطك يصرف عليك ميبهدلكش يداويك يخرجكم
عيشي بالشروط هده لا مقبلهاش طلقي و افكري خدمة تعيشي بيها ولادك
انا كنت هك مي محبيتش نقعد في الدار انا جامعية حوست عل خدمة و لقيت بالسيف كي وليت نخدم نقصت الاهانات نقص الشجار ولا يقيمني بعد ما كان يهيني و كل ميحاول يضربني نهده نقله نطلق و انت الخاسر نلم عليك الجماعة وزيد عنده ولده يموت عليه ميقدرش يصبر بلا بيه عليها نقص من التهور تاعه
ما لا يا اختي متزعفيش روحك حاولي تبحثي على عمل ولو حتى خياطة المهم تاخدي استقلاليتك المادية و ادا محبكش تخدمي و ما زال في افعاه بحر عليه ربي ولادك و اخدمي عليهم يجي نهار يندم عليكم
لا متعدلش متبقايش تتعدبي وحدك مع اشباه الرجال
وقبل ما تاخدي اي قرار روحي رقي روحك بلاك عاملينلو حاجة لا قدر الله و كتري من الادعية و الاستغفار و ان شاء الله فيها خير

[أم شروفة]

الحل معاه ابتعدي عنه مده حسسيه بانك قادره تبتعدي عليه .....رانا شايفين هاذي الاشكال ..... .....ابقاي في داركم وقوي شخصيتك معاه ...لا تكلميه في الهاتف ........خليه يتوحش اولادو ..كلما كانت شخصيتك اقوى يديرلك زوجك حساب ....