فهموني فيها تعيشو وخاصة الرجال

[محمد جديدي التبسي]

مكانش حاجة اسمها فاتحة في الشرع هذه بدعة وعادة ما أنزل الله بها من سلطان
العقد الشرعي فيه شروط وهي الصيغة يعني ولي الرجل يقول اريد فلانة زوجة لابني فلان ووليك يقول موافق أو أقبل بحضور شاهدين ويسمو المهر وانتهى الأمر
أما قراءة سورة الفاتحة فلا ينبغي لأنها لم تثبت في الأحاديث الصحيحة ولم يفعلها الصحابة ولا التابعون.
انت قولي لهذا الرجل يتصل بإمام سلفي يوضح له الأمر ويجيبو يهدر مع الرجال والدك أوأخوك
أما والدتك فليس لها دخل في الموضوع كي يجيب امام ويجي مش راح تطردو مثلا؟!
لملعلوماتك الائمة الآن يطلبون العقد الاداري للزواج من اجل اتمام العقد الشرعي.
ربي يتمم على خير

[صمت الرجوله]

عجيبة و الله....ناس تجهل الدين جملة و تفصيلا و فوق ذلك تغضب, يا سيدة الرجل يزوج نفسه لا يزوجه ابوه او عمه يعني لا بد من حضوره و قبوله والا فانه لا يوجد عقد شرعي من الاساس

[صفاء الروح]

المشاركة الأصلية كتبت بواسطة صمت الرجوله

عجيبة و الله....ناس تجهل الدين جملة و تفصيلا و فوق ذلك تغضب, يا سيدة الرجل يزوج نفسه لا يزوجه ابوه او عمه يعني لا بد من حضوره و قبوله والا فانه لا يوجد عقد شرعي من الاساس

علابالي اخي
المشكل في ابي وطريقة اقناعه

[صفاء الروح]

المشاركة الأصلية كتبت بواسطة محمد جديدي التبسي

مكانش حاجة اسمها فاتحة في الشرع هذه بدعة وعادة ما أنزل الله بها من سلطان
العقد الشرعي فيه شروط وهي الصيغة يعني ولي الرجل يقول اريد فلانة زوجة لابني فلان ووليك يقول موافق أو أقبل بحضور شاهدين ويسمو المهر وانتهى الأمر
أما قراءة سورة الفاتحة فلا ينبغي لأنها لم تثبت في الأحاديث الصحيحة ولم يفعلها الصحابة ولا التابعون.
انت قولي لهذا الرجل يتصل بإمام سلفي يوضح له الأمر ويجيبو يهدر مع الرجال والدك أوأخوك
أما والدتك فليس لها دخل في الموضوع كي يجيب امام ويجي مش راح تطردو مثلا؟!
لملعلوماتك الائمة الآن يطلبون العقد الاداري للزواج من اجل اتمام العقد الشرعي.
ربي يتمم على خير

اااامين يارب
الامام هو الحل
ربي يبارك فيك اخي
يعني كي يجيبولو امام ميتفاقمش الوضع
ويصراو مشاكل

[زيان.]

المشاركة الأصلية كتبت بواسطة محمد جديدي التبسي

مكانش حاجة اسمها فاتحة في الشرع هذه بدعة وعادة ما أنزل الله بها من سلطان
العقد الشرعي فيه شروط وهي الصيغة يعني ولي الرجل يقول اريد فلانة زوجة لابني فلان ووليك يقول موافق أو أقبل بحضور شاهدين ويسمو المهر وانتهى الأمر
أما قراءة سورة الفاتحة فلا ينبغي لأنها لم تثبت في الأحاديث الصحيحة ولم يفعلها الصحابة ولا التابعون.
انت قولي لهذا الرجل يتصل بإمام سلفي يوضح له الأمر ويجيبو يهدر مع الرجال والدك أوأخوك
أما والدتك فليس لها دخل في الموضوع كي يجيب امام ويجي مش راح تطردو مثلا؟!
لملعلوماتك الائمة الآن يطلبون العقد الاداري للزواج من اجل اتمام العقد الشرعي.
ربي يتمم على خير

كلام راق لي جدّا
وأنا أرى ما ذكرت أخي

[fofo annabia]

هنو الفاتحة لازم تكون بحضور الولي و الخاطب اي الزوج لازم هو يسال لكان تمدولو بنتكم ولا لا و الولي اي باباك لازم يشاورك لكان هو قابل وانت قابلة يقولهم نعم و تميكا يتاهمو على الشروط ولازم بحضور الامام يااختي انا هكا دارولي و سالوني على شروطي انا نشوف فاها مش نورمال و باباك لازم تقوليلو الصراحة لازم لا تخسري لا الزوج لا الاب ربي يفرج عليك يا اختي و ينحي عليك و الله انا الكل عنا هموم الواحححححد ميحبشش يهدر برك ربي يهدي بالو خطيبك و يسهللكممممم غير باللعقل معاها مكلاه تعاندووووووه

[fofo annabia]

ايه هنو كيما قالو هدي متسماش فاتحة اصلاااااااااا دك ون شفت بلي راجل عمتككككك لي دارها انت شرعا مش زوجتووووو غير باللعقل معاه و كيما قال الاخ الفوق

[صفاء الروح]

المشاركة الأصلية كتبت بواسطة fofo annabia

ايه هنو كيما قالو هدي متسماش فاتحة اصلاااااااااا دك ون شفت بلي راجل عمتككككك لي دارها انت شرعا مش زوجتووووو غير باللعقل معاه و كيما قال الاخ الفوق

شفتي فوفو والله مشكل كبير
ادعيلي معاك

[الهادي عبادلية]

المشاركة الأصلية كتبت بواسطة hana noussa

السلام عليكم
خاوتي وخواتاتي ربي يحفظكم حطو رواحكم في بلاصتي وبلا تجريح
انا فتاة مخطوبة اول مرة زارونا اهل هذا الخطيب جاو والديه فقط يعني زيارة عادية شافتني الوالدة وخلاص ومتفاهمو حتى فحاجة وبقاو اهلي يصقصيو عليهم حتى عيطلهم بابا ووافق
وحددو يوم الخطبة. جاب خالاتو وخواتاتو وباباه وعمو على اساس يتفاهمو برك ومبعد يديرو العقد الشرعي كي وصلو لثما وبداو يفتنو بعض افراد العايلة ربي لاتفرقت ربي اللي ستر حدثت مناوشات عظيمة قالو لخطيبي روح جيب امام راح وفي غيابو وهو يحوس على الامام ناض زوج عمتي لاهو لاامام لاوالو قراو الفاتحة وخطيبي مكانش بدون موافقتو ولاموافقة باباه باباه حشم سكت كي رجع خطيبي لقاهم فراوها زعف وتقلق حتى دارت بيه الدنيا وغاضو لحال مجاب شرط مادار والو
ضركا خطيبي وجد الدراهم تاع الشرط وقالي حاب ندير فاتحة فجامع بكل معاييرها الشرعية
كي قلت لماما قيمت القيامة
قاتلي وباباك يقلب علينا الدار
علاه هاذي حاجة حرام
حابة نفرح بفاتحتي زي الناس ويسمعو بيها جميع الناس وخطيبي راضي بيها
ربي يعيشكم قولولي كفاه ندير
وهاذيك الفاتحة اللولا حلال ولالا
راهي بدون رضاه وبدون حضورو
جاوبوني راني في قمة القهر كرهت

السلام عليكم ورحمة الله ،
.. تابعي معي أختي الفاضلة :
أوّل شيء هل توفّرت شروط النّكاح " العقد " وهي :
_ حضور أو تعيين الزّوجين عند ابرام العقد ، وموكّلاهما يكفيان في غيابهما ،
_ الصّيغة : وهي حصول الايجاب والقبول حيث يطلب الزوج أو موكّله من ولي أمر الفتاة الزواج منها على سنّة الله ورسوله والرّدّعليه من طرف موكّل الزوجة ب :رضيت وقبلت أو زوجتك وأنكحتك،
_ وجود شاهدي عدل ، وهم موجودون كما ذكرت ،
المهر ، وهو ما أتّفقا عليه بين العائلتين ، ولا حرج اذا لم يذكر
أمّا مسألة الدفتر العائلي فقد أوجبها القانون لكثيير من الأسباب ، وليست شرط أساسي ، ولا يبطل العقد اذا لم يكن.
..بخصوص من قام بابرام العقد في غياب زوجك ، اذا كان على هذه الطريقة أو هو ممّن له خبرة في ابرام مثل هذه العقود ، وبموافقةوكيل الزوج وموكّلك ، فالعقد صحيح ، ومسألة الفانحة مسألة بدعية لم ترد قط عن النبيّ صلوات ربّي وسلامه عليه ،
وتستطيعان بعد ذلك تسجيله بمصالح الحالة المدنية ن وهو لا يعدو أن يكون مثل ما ذكر آنفا ،
حضور الزوجين ، ولي الزوجة ، شاهدين ، والملف الاداري المتعارف عليه ،
زد على ذلك أنّ الغقد الاداري عقد شرعيّ في حدّ ذاته ، وصلّى الله على نبيّنا محمّد ، وربّي يسهّل لكما.

[لمسة ابداع]

صدقو اليي قالو سوق النساء مايعمرش
ربي يكون في عونك نورمالمون الفاتحة و العقد يتفاهمو عليهم من قبل
كاين خلل من البداية

[ramzi-messi]

و هل العقد يقوم على الفاتحة فقط ؟؟

اين الاستفتاح و الصيغة و التوكيل , الناس راها غب تخلط

و هادي الفاتحة لي درتوها ليست بالعقد الشرعي

[رندة نهاد]

هفد شي كامل وهانو مخبيه في قلبها سقسي حبيبتي ائمه ...بين قوسين عمامك وش دخلهم اخاه الدم طلعلي باباكالمتوكل بيك اقنعي امك كي يجو يدفعو الشرط جيبو امام واقراو فاتحه كي ناس وافرحي4*بيها نتي تاني ربي يكون الخيرويفرج همك حبيبة😘😘😘😘

[..بسمة أمل ..]

السلام عليكم نوووووسة ربي

يجيب الخيييير

لا حول ولا قوة الا بالله والله كل واحد

و همو

شوفي نووووسة احنا عندنا مش لازم

يحضر العريس و اغلب الاحيان

مايحضرش لمهم يحضر الولي

نتاعو باباه ولا ولي اخر يوكلو

اما على راجل عمتك كي قرا الفاتحة

انتي نهار لعرس قولي لخطيبك

كي يجو يدو فيك يجيب امام

و يقلو اقرى الفاتحة بلا ما تقولي

ل باباك و ماماك يعني يتحتمهم باه

يقراوها وهوما ما يقدروش يمنعو

الامام من قراءة الفاتحة

احنا عندنا يقراوها نهار الدخل و

كاين يقراها قبل بصح مكانش

مشكل كي يقراوها نهار الرفود ديري

كيما قتلك و اكيد مش راح يمنعو

الامام يتحشمو من الجماعة لي

حاضرين ربي يسهلك و حاولي

تقولي لخطيبك ما يديرلكش مشكل

خاطر راه اي حاجة تصرا راها تجي

على راسك و راسو متخافيش

راه لمكتوب هو لي يسير

[*سيرين نور عيني *]

هنا على مااظن عقدتو مدنيا؟؟
اذن زوجك يجيب العقد معاه و يتوجه للمسجد مع باباه و عمو و باباك و عمك و يقراو الفاتحة هاذي هي الفاتحة تاع الصح اما الاولى مانظنش صحيحة و مالازمش والديك يتهاونو في هاذو الامور. شوفي كاش واحد لي يسمعولو هو يقنعهم
عادي مشكلتك تتحل باذن الله ربي يفرحك

[على المنهج]

فرج الله همك
اولا الفاتحه ليست بالعقد الشرعي انما هي بدعه احدثها العوامل
ثانيا زوجك يقدر يتكلم مع ابيك بهدوء و من الفاضل لويحتكمو لامام حيكم ربما يقدر ياثر عليه