هيا نحضر لرمضان معا.......

[ROUDA]

اللهم بلعنا رمضان لا فاقدين و لا مفقودينamine

[حاملة المصحف]

اللهم بلغنا رمضان
انا ملقيت منين نبدا ههه عروس جديدة مزلت منعرفش بزاف بزاف اتحفونا نتعلمو منكم

[sarsoura23]

المشاركة الأصلية كتبت بواسطة &ام ايوب&

مساء الخير
ياريت تقوليلي طريقتك في تجميد الفراولة
ايه وماتنسايش الحميصة والجلبانة تجمديهم

الفرولة نرحيها ونحطها في لي قوبلي جوتابل وكي نسحق نجبد بالواحد نديرها في العصائر ولي ديسير كيما الكريمات للتحلية والباتيسري,
ولحميصة والجلبانة أكيد راني درتهم وزدت شابلير ,
أنا المشكل معنديش كونجيلاتور عندي غير تع الثلاجة يعني منديرش كميات كبيرة كيما الطماطم منديرش لرمضان نستعملها جديدة بعد رمضان باه نخبي كي نفرغ الحالة شوي,

[&ام ايوب&]

المشاركة الأصلية كتبت بواسطة sarsoura23

الفرولة نرحيها ونحطها في لي قوبلي جوتابل وكي نسحق نجبد بالواحد نديرها في العصائر ولي ديسير كيما الكريمات للتحلية والباتيسري,
ولحميصة والجلبانة أكيد راني درتهم وزدت شابلير ,
أنا المشكل معنديش كونجيلاتور عندي غير تع الثلاجة يعني منديرش كميات كبيرة كيما الطماطم منديرش لرمضان نستعملها جديدة بعد رمضان باه نخبي كي نفرغ الحالة شوي,

صحيتي ختي
وان شاء الله كي اليوم تولي عندك كونجيلاتور ديري فيها كامل واش تحبي

[مسلمة81]

حبيباتي حبيت نزيدكم طريقتي في الحميس نشوط الفلفل و نقشرو امبعد نرحيه و نحطو يقطر ثم في علب صغيرة والى المجمد يعني كل يوم نجبد علبة

[khoula.inf]

انا بإذت الله نبدا بالنظافة نظف الدنيا كامل والعادة مانخزم والو غير الفريك كلش نشريه طازج زجديد الوالدة ماتحبش التخزين فالكونجيلاتور على هذا كلش نشري من نطبق من بالنسبة للاعشاب مزروعين كيما النعناع ...... وان شاء الله ربي يقدرنا كامل ونصومو بالصحة والهنا

[ساجدة جودي]

اللهم بلغنا رمضان وانت راض عنا

[sarsoura23]

بالنسبة للفلفل كيما قالت الأخت تقدرو تشويوة وتنقيوه وتقطعوه هو والطماطم وتحطوهم في ساشي في الكونجيلاتور وكي تجبدوه تحمصوه في المقلاة وتبلوه وتديرولو التوم جديد يجي تقول طايب للتو,

[anfal12]

أنا صاي كملنا لكوزينا و لما عن وصباح نقيت شوي بيتي مازآل ماكملتوش