باكالوريا 2017 .... بداية العد التنازلي

[نور الجنة]

حقيقة انا بدأت اجهز نفسي للبكالوريا حتى عند بداية الموسم الدراسي ابدأ الدراسة بجدية ولا اضيع وقتي في جمع المواضيع او البحث عن الدروس الخصوصية



بالتوفيق لي ولكم جميعاااااااااااااااااااا

[صدى الأقصى]

ربي يوفقك أختي #لويزة
و ان شاء الله تعودي وتفرحينا بنجاحك
وفقك الله و سدد خطاك

[شموخي في سجودي]

السلام عليكم انا فكرت نبدأ نفهم دروس الرياضيات للسنة الثانية يعني نكمل البرنامج وحدي لان متأخرييييييييين في الدروس رانا متوقفين في النهايات و خايفة من ان تواجهني مشكلة في الباك خاصة من الزوايا الموجهة و الجداء السلمي
و كذلك قررت تحضير كامل مستلزمات من الكراريس و حوليات و نختار اساتذة للدروس الخصوصية .... يعني بدأت اخاف شوي من شعور الباك هههه ربي يوفقنا كامل و ان شاء الله تكون باك 2017 مميزة في كامل الجزائر

[omama22]

بالنسبة لينا كملنا الامتحانات في السمانة اللي فاتت و استاذنا العزيز راهو يكمللنا فالبرنامج باش ما نحصلوش فالباك و بالنسبة للتحضير للباكالوريا قررت اني نقرا لغات اجنبية بالاخص انجليزية لاني طايحة فيها و باش نراجع دروس الرياضيات تاع السنة الثانية لانها اساس الباكالوريا و بالنسبة للفيزياء مملة فالسنة الثانية لكنها ممتعة في الباكالوريا و هناك دروس مكررة ايضا و بالتوفيق للجميع

[youyou16dz]

سيكون الحديث شيقا بعد الخميس

[rita thequeen]

السلام عليكم
انا قررت ان ابدا الدراسة بعد نهاية شهر رمضان الكريم لكنني سادرس لوحدي من خلال فيديوهات الاساتذة نور الدين في الرياضيات و عمار مولاي في الفيزياء اما بالنسبة للمواد الاجنبية فساقوم بمطالعة الكتب و نصوص البكالوريات لاكتسب اكبر كم من الكلمات

[أماني خروبي]

أنا راني معولة ان شاء الله طبعا
اتيليشارجو كتب خارجية ونشوف نوعية الأسئلة
مي مانضغطش على روحي بسك راح يرجع عليَّ بالسلب
وندبر كراريس المات والفيزيك والهندسة من عند التلاميذ تاع السنة
ان شاء ربي يكون في عونا ويسهلنا الطريق
.
.
.
.
.
.
.

[loui za]

شوفو من حيث الملفات راني راح ندير تجميعية بعد البكالوريا ان شاء الله متحملوش اي حاجة تجي قدامكم
و المراجع درك ننصحكم
اصبروا فقط و ان شاء الله نجاوبكم على كلش
ارتاحوا الان
بعد البكالوريا ندير موضوع نجاوبكم فيه

[أماني خروبي]

المشاركة الأصلية كتبت بواسطة loui za

شوفو من حيث الملفات راني راح ندير تجميعية بعد البكالوريا ان شاء الله متحملوش اي حاجة تجي قدامكم
و المراجع درك ننصحكم
اصبروا فقط و ان شاء الله نجاوبكم على كلش
ارتاحوا الان
بعد البكالوريا ندير موضوع نجاوبكم فيه

.
.
.
.
.
.
.
.
mrc okhti w rabi ynjhk

[حكاية جنون]

السلام عليكم
انا ان شاء الله قررت ندير ملخصات لقواعد قريناهم في المتوسط بلاك نكون نسيتهم في الرياضيات
ونعاود نقرا رياضيات نتاع 1 و2 اني
واذا لقيت شكون يقريني نقرا بروغرام نتاع الباك
قررت نشري كراريس ومستلزمات الدراسة من كتب خارجية الى اخره
قررت نحفظ مصطلحات الاجتماعيات
نتيليشارجي كل الحوليات ولي سوجي
بالنسبة للغات قلت بلاك نقرا كتب وندي شويا رصيد لغوي
وان شاء الله ربي يوفقنا جميييعا

[عآشقة فلسطين]

انا افكر في جمع المراجع والكتب وحل مشكلتي مع اللغات الاجنبية ارجو ان اجد من يساعدني لتعلم اللغة الفرنسية

[tesnim27]

السلام عليكم
انا قررت نحوس البروغرام تاع الباك ونقرا رياضيات من عنند الاستاذ نور الدين والفيزياء من عند مولاي عمر
ونجيب حوليات وبزززاف كتوبة نسحقهم فالعلوم
اما المواد الاجنبية نحاول نقراهم من الكتب والاجتماعيات راني حابة نحفظ التواريخ والشخصيات والمصطلحات والباقي نشوفه على شكل فيديو ان وجدت وشكرا على الموضوع

[أملي باللهِ كبير]

الجميع متحمس للبكالوريا على عكسســي وعلى غير العادة ، حماس 0 بالمئة

[جمال6]

السلام عليكم
راني نشوف بلي راكم متسرعين ومتلهفين للباك خاوتي بالعقل
صح عام الباك هو افضل عام وشنو لازمك تكون مريح نفسيا ما تضغطش روحك
ننصحكم في الصيف تتعلمو اللغات على الاقل تتهناو وميش من الصيف وانتم تقراو
نعرف ناس الصيف كامل وهوما يجبدو وفي وقت الصح عياو بالعقل برك ++++ما تاجل
حتى حاجة تقول نديرها غدوة ابدا من النهار الاول سيرتو المواد العلمية على كل حال لي قرا السنة2 مليح يجيه عام البااااك سااهل وشنو لازمك تقرا
نقطة مهمة وانا صراتلي عن تجربة في الدوزيام ما قريتش المااات ابدا بويسك تقدر تقول ما كانش عندنا استاذ على هذيك واحد ما يقول انا هذا العام ما فهمتش
المات وش رح ندير في عام الباك والله غير زير روحك ++حل تمارين وافهم والله غير تولي تبانلك المات جياااحة
اسمحولي طولت كشما سؤال رانا في الخدمة ربي يوفقكم
دعواتكم لنا بالنجاح في بكالوريا 2016
سلااام

[شمعة امل*]

السلام عليكم يا جماعة
مبارك عليكم الشهر الفضيل
كيف حالكم ..
انا ارى بانكم متحمسون للبكالوريا ما شاء الله ..
الايام تتوالى والعطلة بصدد الانتهاء
شاركونا مخططاتكم
وخليكم مرة على مرة تتفاعلوا لا تدعوا الخمول ينتاب المنتدى
في الاخير Bac 2017 yes we can ..